იტალიური დიზაინი ანტიკური ხანიდან ცნობილი, პოპულარული და დაფასებულია. თანამედროვე სამყაროშიც ბევრი არაფერი შეცვლილა - იტალიური დეფილეები, მოდის კვირეულები, დიზაინერები და მოდელები მსოფლიოს მოდის სტანდარტს ქმნიან. ცნობილი ბრენდები მათ გარშემო ტრიალებს, მაგრამ კორონამ აქაც შეიტანა თავისი კვალი. დეფილე ძალიან განსახვავებულად და დისტანციის სრული დაცვით ჩატარდა - საუბარია მოსკინოს (Moschino) კოვიდ-დეფილეზე. წარმოიდგინეთ ამდენი ახალი კოლექცია მზის შუქზე რომ არ გამოეფინოს და დეფილეზე ვერავინ ნახოს? არადა ჯგუფური შეკრებები შეუძლებელია.

      მოსკინომ ასეთი რამ მოიფიქრა - 2021 წლის გაზაფხული-ზაფხულის კოლექცია მაინც წარადგინა, მაგრამ დეფილეზე ნამდვილი მოდელების ნაცვლად, თოჯინები იყვნენ. ჟიურიც იყო, დამსწრე „fashion“ საზოგადოებაც და დეფილეც დიზაინერის გამოსვლით დასრულდა. დანარჩენს ფოტორეპორტაჟში თავადაც მიხვდებით.