სიყვარულია გზა სიშორე ცრემლი გოდება.
შეახებ ხელს და აღარასდროს განმეორდება.

სიყვარულია სიმარტოვე ხელის სიშორე
ხორციელ ვნებას ავყვებით და უმალ ვიშორებთ,

სიყვარულია ტაჯ-მაჰალის თეთრი ცრემლები,
სიყვარულია მე რომ ასე თავზე ვევლები.

სიყვარულისთვის ბაირონმა კუბო არჩია,
უნდა შესწირო ყველაფერი რაც გაგაჩნია,

სიყვარულისთვის დაენარცხა ქვაზე ტაბიძე,
სიყვარულისთვის სასთუმალზე რაღაც გვაღვიძებს,

სიყვარულია თამარი რომ დარჩა თამარად,
სიყვარულს ბევრიც ეცადო ვერსად დამალავ,

სიყვარულია ქვის ჩუქურთმა ყინწვისის ფრესკა,
სიყვარულისთვის კვაზიმონდო ზარებს რეკავდა,

სიყვარულია ათასერთი ღამის ზღაპარი,
სიყვარულია ჩაუმქრალი სხივი, ლამპარი.

სიყვარულისთვის სერაფიტა სუნთქავს ქვიშაში,
თქვი სიყვარულო შენი ძალა მაინც რაშია?!!

სიყვარულია ტაჯ-მაჰალის თეთრი ცრემლები
სიყვარულია მე რომ ასე თავზე ვევლები...