გამოდარება ჯერ კარგად არ დაწყებულა, მაგრამ უკეთესობა შეინიშნება. დღის ამბებს რაც შეეხება, აქ ახალი ამბავი გამოჩნდა ძველის დაუმთავრებლობით - ია კერზაიას საქმე. გამოჩნდა სააკაშვილიც ქართულ მედიაში, არჩევნებიც აქტუალურია და შრომის უსაფრთხოებაც.

საქართველოს და მსოფლიოს ამბები / 3 აპრილი, 2019/

      ხიდჩატეხილობის პრობლემები - ხათუნა ლაგაზიძე - თუ მმართველმა პარტიამ 7-წლიანი „ჩაჭრილი ხიდის“ პოლიტიკა გააგრძელა, ეს ხიდი ისე ჩაინგრევა, რომ 2020 წელს „ოცნება“ ხელისუფლებას ვეღარ დაინახავს.

      დამნაშავის გარეშე დაზარალებული ვერ იქნებიო - პროკურატურა - ვიდრე ია კერზაიას სიკვდილის მიზეზად დანაშაულებრივი ქმედება არ გამოიკვეთება, გამოძიება მოკლებულია შესაძლებლობას, მისი ახლო ნათესავი ცნოს დაზარალებულად. ევროკავშირის ელჩი ია კერზაიას გარდაცვალების საქმეზე - პოლარიზებულ გარემოში, მითუმეტეს არჩევნებთან მიახლოებულ პროცესში, ასეთი ტიპის საქმეების გამოძიება მნიშვნელოვანია. ბაჩანა შენგელია - ვაპირებ გენერალურ პროკურორს მივმართო, ჩემს დაზარალებულად ცნობას წინ არაფერი უდგას, უბრალოდ, არ უნდათ, რომ საქმის მასალებთან წვდომა მქონდეს. გიორგი კანდელაკი - ევროპარლამენტარები ია კერზაიას საქმის გამოძიებას მოითხოვენ-ხელისუფლება განზრახ აჭიანურებს ამ საქმის გამოძიებას. ანა ნაცვლიშვილი ია კერზაიას საქმეზე - მტკიცების ტვირთი სახელმწიფოს კისერზეა და მან ყველა ღონე უნდა იხმაროს, რომ ეს ეჭვები საზოგადოებაში აღარ არსებობდეს. არჩილ თალაკვაძე - მოველით, რომ პროკურატურა ამომწურავად უპასუხებს იმ კითხვებს, რომელიც ია კერზაიას საქმესთან დაკავშირებით არსებობს.

      თამბაქოს კონტროლი - თამბაქოს კონტროლის ალიანსი - იძულებული ვართ საზოგადოება გავაფრთხილოთ მთავრობის თამბაქოს ინდუსტრიასთან შესაძლო გარიგების შესახებ.

      ტექნიკის მოპარვა - ტექნიკის მაღაზია „პისი შოპის“ მენეჯერის ინფორმაციით, მაღაზია უკვე მეოთხედ გაქურდეს.

      არჩევნების სისტემა და არჩევმენო - ევროკავშირის ელჩი საქართველოში - რა სისტემით უნდა ჩატარდეს არჩევნები, ამაზე მუდმივი საუბარი, ფიქრი და დისკუსიაა საჭირო. "ღია საზოგადოების ფონდის" კვლევა - გამოკითხული მოსახლეობის 60,7% მიიჩნევს, რომ არჩევნებში კაცს გამარჯვების უფრო მაღალი შანსი აქვს, ვიდრე ქალს. გია ნოდია - გაცილებით დემოკრატიული იქნება, საქართველოში 2020 წლის არჩევნები პროპორციული სისტემით ჩატარდეს. გიორგი კანდელაკი - საარჩევნო სისტემის საკითხზე მთავრობასა და ოპოზიციას შორის რეალური დიალოგი უნდა შედგეს.

      პოზიტიური დინამიკა - კარლ ჰარცელი - ტრაექტორიას, რომლითაც მიდის საქართველოს დემოკრატია, პოზიტიურ დინამიკად შევაფასებ. გიორგი ბარამიძე - ევროპარლამენტარებმა საქართველოს ხელისუფლებას ფაქტობრივად განაჩენი გამოუტანეს. სალომე სამადაშვილი ევროპარლამენტარების წერილზე - ეს არის სერიოზული გზავნილი და ხელისუფლების ადგილზე ამას შესაბამისად მოვეკიდებოდი.

      კალანიუსი - კახა კალაძე ლევან ხაბეიშვილზე - ღმერთმა დაიფაროს ჩვენი ქვეყანა ასეთი „მომავლის პოლიტიკოსებისგან“, ეს არის სირცხვილი. დედაქალაქის მერი, კახა კალაძე თბილისის მთავრობის სხდომაზე, საკრებულოს ოპოზიციონერი დეპუტატის, ლევან ხაბეიშვილის ბრალდებებს გამოეხმაურა, რომლის თანახმადაც, ერთ-ერთ სკვერში კორპუსის მშენებლობისთვის ხეების მოჭრა ხდება. კახა კალაძემ „თბილსერვის ჯგუფს“ კონკრეტული ლოკაციების დასუფთავება დაავალა. კახა კალაძემ „თბილსერვის ჯგუფს“ პუშკინისა და ბარათაშვილის ქუჩებზე კონკრეტულ ლოკაციებში განათებების შეცვლის პროექტის მომზადება დაავალა. ირაკლი ზარქუა - თბილისის ბაგა-ბაღებში კვება სტანდარტებს შეესაბამება.

      უფასო ღვიძლები - ღვიძლის ტრანსპლანტაციას თბილისის მერია 70 000 ლარით დააფინანსებს.

      მეუფის სტუმარი - მეუფე პეტრე ივანიშვილის სამეგრელოში სტუმრობაზე - მე ამას უფრო დავარქმევდი მომლოცველობას - მე ასეთი დამოკიდებულებით შევხვდი სტუმარს.

      შრომის საფრთხე - „სოლიდარობის ქსელი“ ჭავჭავაძის გამზირზე გამართულ აქციასთან დაკავშირებით კახა კალაძის განცხადებას პასუხობს. სოფო კილაძის ინფორმაციით, შრომის უსაფრთხოებასთან დაკავშირებით პარლამენტში საკომიტეტო მოსმენა გაიმართება. აქციაზე დაკავებული ვახუშტი მენაბდისა და კიდევ 5 პირის სასამართლო პროცესი დღეს გაიმართება. ჭავჭავაძის გამზირზე აქციის დროს დაკავებული 6 პირის საქმეზე სასამართლო პროცესი 19 აპრილამდე გადაიდო.

      დახურული სასამართლო - მოსამართლის გადაწყვეტილებით, დავით კირკიტაძის სასამართლო პროცესები დაიხურა. დავით კირკიტაძის ადვოკატი - მოწმეები იძლეოდნენ ურთიერთგამომრიცხავ ჩვენებებს, ამაზე დარბაზს ჰქონდა რეაქცია და მოსამართლემ ამის გამო მთელი სხდომები დახურა.

      დაბარებები პარლამენტში - რომან კაკულია - 5 აპრილს, კობა გვენეტაძე პარლამენტის სხდომაზე მოდის, ამის მიუხედავად, ოპოზიციას უფლება აქვს მოითხოვოს, ასევე კომიტეტზე მოსვლა. დეპუტატები კობა გვენეტაძისთვის კითხვების დასმას „თიბისი ბანკთან“ დაკავშირებით და ეროვნული ბანკის რეგულაციების შესახებ აპირებენ.

      სააკაშვილჩავლილი საქართველო - მიხეილ სააკაშვილი - არც გირგვლიანის მკვლელობაში მიმიღია მონაწილეობა, არც რობაქიძის თემასთან არანაირი კავშირი არ მაქვს. ბოდიშს ვიხდი და დიდი ღორობაა ამის პრეზიდენტზე დაბრალება. მიხეილ სააკაშვილი - ვანო მერაბიშვილის არგადაყენება შეცდომა იყო. გიგა ბოკერია სააკაშვილის განცხადებაზე - პრინციპულად მიუღებლად მიმაჩნია ვინმესკენ თითის გაშვერა, როცა ისეთ უმძიმეს შემთხვევაზეა ლაპარაკი, როგორიც იყო გირგვლიანის საქმე. გიგი უგულავა - ბევრი ის იდეა, რომელიც სააკაშვილმა გაახმოვანა, ქვეყნისთვის ზიანის მომტანია.

საზღვარგარეთულები:

      ყაზახეთის ახალი პრეზიდენტი პირველ საერთაშორისო ვიზიტს რუსეთში გამართავს.

      გადასაწევი ბრექსითი - ბრიტანეთის პრემიერი ტერეზა მეი ევროკავშირს ბრექსითის თარიღის კიდევ უფრო გადაწევის თხოვნით მიმართავს.

      ტრამპნიუსი - დონალდ ტრამპი - ვფიქრობ, ჩვენ რუსეთთან კარგ ურთიერთობას დავამყარებთ. დონალდ ტრამპი მზადაა, საჭიროების შემთხვევაში სამხრეთ საზღვარი ჩაკეტოს.

      უკრაინის არჩევნები - სერგეი ლავროვი - მიუხედავად არაერთი დარღვევისა, დასავლეთი უკრაინაში გამართულ საპრეზიდენტო არჩევნებს ლეგიტიმურად მიიჩნევს. უცხოელი ექსპერტების აზრით, უკრაინის საპრეზიდენტო არჩევნების პირველი ტურის შედეგები ადასტურებს, რომ მოსახლეობას რეალური ცვლილებები სურს. ვლადიმირ ზელენსკი პეტრო პოროშენკოს დებატებში სტადიონ „ოლიმპიისკიზე“ იწვევს.

      ევროპის გულის სტატისტიკა - European Heart Journal - დაბინძურებული ჰაერის გამო საშუალო სტატისტიკურ ევროპელს სიცოცხლის ორი წელი აკლდება.