სააპრილოდ, დღევანდელ აბებში ქვეყნის ტეროტირიული მთლიანობა და პოლიტიკური ინტერესები გამოსჭვივის. ამასთანავე არქეოლოგიური აღმოჩენა - მეექვსე საუკუნის ბიბლია. მინისტრი პარლამენტს ეწვია და ესეც მთავარ თემებში მოხვდა და საპატრიარქომ სასამართლოსგან უარი მიიღო მასალების გასაჯაროვებაზე.

საქართველოს და მსოფლიოს ამბები / 4 აპრილი, 2019/

      ჟენევის მეორე რაუნდი, რუსეთი და ნატოსკენ გზა - საგარეო საქმეთა სამინისტრო ჟენევის მოლაპარაკებების მორიგ რაუნდთან დაკავშირებით განცხადებას ავრცელებს. 2-3 აპრილს გამართულ ჟენევის საერთაშორისო მოლაპარაკებების 47-ე რაუნდის ფარგლებშიც განსაკუთრებული აქცენტი გაკეთდა საქართველოს კიდევ ერთი მოქალაქის, ირაკლი კვარაცხელიას, უკანონო დაკავებასა და ოკუპირებული აფხაზეთის რეგიონში რუსეთის სამხედრო ბაზაზე მის გაურკვეველ ვითარებაში გარდაცვალებასთან დაკავშირებით. სალომე სამადაშვილი - კარასინის განცხადებაში არაფერი ახალი არ არის, რუსეთი მუდმივად ცდილობს დაგვემუქროს. მამუკა ბახტაძე - ის, რომ რუსეთი აგრძელებს ჩვენი ქვეყნის ოკუპაციას, საქართველოს ნატო-ში ინტეგრაციის გზაზე არ უნდა იყოს ბარიერი. ირაკლი სესიაშვილი - სულ უფრო აქტუალური ხდება საქართველოს ნატო-ში გაწევრიანების თემა. ლევან იზორია - როდესაც ვამბობ, რომ ჩვენი რეფორმები ნატო-ს შეკავებისა და თავდაცვის პოლიტიკასთან თანხვედრაშია, რა თქმა უნდა, რუსეთიდან მომდინარე საფრთხეებს ვგულისხმობ.

      გაძვირებული ცხოვრება - ISET - 2019 წელს ქართველი მომხმარებლები პურისა და პურპროდუქტების ფასების კიდევ უფრო მეტ ზრდას უნდა ელოდონ. ISET- თებერვალში თევზეული 12.5%, ხოლო პური და პურპროდუქტები 10.2%-ით გაძვირდა.

      ტაქსების გადაღებვა - თბილისში ლიცენზირებული ტაქსის მფლობელებზე ერთ თვეში 136 გადაღებვის ვაუჩერი გაიცა.

      ქართული ბიბლია დაღესტანში - დაღესტანში VI საუკუნით დათარიღებული, ქართული ასომთავრულით დაწერილი ბიბლია აღმოაჩინეს. დაღესტანში ისტორიის, არქეოლოგიისა და ეთნოგრაფიის ინსტიტუტის სპეციალისტებმა, ისტორიული დოკუმენტების ციფრული ვერსიის შექმნისას, VI საუკუნით დათარიღებული, ხელნაწერი ბიბლია აღმოაჩინეს. ბიბლია ქართულად, ასომთავრული დამწერლობითაა შესრულებული. მეცნიერები დიდი ხნის განმავლობაში არ აქცევდნენ ყურადღებას იმ ადგილს, სადაც უძველესი ხელნაწერი ბიბლია იყო მოთავსებული, თუმცა XI საუკუნეში შექმნილი არაბი სუფიების სწავლებათა ტექსტის ქვემოთ, მეცნიერებმა უფრო ძველი ხელნაწერი აღმოაჩინეს, რომელიც რთულად შესამჩნევი იყო.

      ეპიდემიები - ამირან გამყრელიძე - წითელას ეპიდაფეთქება კვლავ გრძელდება, ყოველდღიურად 15-20 ახალი შემთხვევა გვაქვს.

      დახურული მასალები ანუ უარი საპატრიარქოს - უზენაესმა სასამართლომ საპატრიარქოს ე.წ. ციანიდის საქმის მასალების გასაჯაროებაზე უარი უთხრა.

      ახალი ზოოპარკი - ზურაბ გურიელიძე - ახალი ზოოპარკისთვის არა მარტო აშენებულია ვოლიერები, არამედ ჩამოყვანილია ცხოველებიც.

      საფრთხეშემცველი შრომა - დავით სერგეენკო შრომის უსაფრთხოებაზე - მიმართულება, საითაც მივდივართ - სწორია, თუმცა, გარკვეული პროცესები უფრო ინტენსიურად არის წასამართი. „სოლიდარობის ქსელი“ კახა კალაძესთან შეხვედრის მზადყოფნას გამოთქვამს.

      დევნილობის პრობლემა - დავით სერგეენკო - შენობაში ძალადობრივი შეჭრა გამოსავალი არ არის, რომლითაც დევნილები საცხოვრებლით დაკმაყოფილდებიან.

      მილიონერი არჩევნები - მთავრობამ ცესკოს რამდენიმე მუნიციპალიტეტში მერების და საკრებულოს არჩევნების ჩასატარებლად 4 მილიონ 466 ათასი ლარი გამოუყო.

      განათლების მსურველები - ერთიან ეროვნულ გამოცდებზე 41 000-მდე აბიტურიენტი დარეგისტრირდა.

      ტერმინები კონსტიტუციაში - პარლამენტმა კანონებიდან ტერმინების - „სექსუალური ორიენტაციისა“ და „გენდერული იდენტობის“ ამოღების შესახებ საკანონმდებლო ინიციატივა ჩააგდო.

      მოულოდნელი უკანდახევა - საქართველოს ფეხბურთელთა ეროვნულმა ნაკრებმა ფიფას რეიტინგში 3 ადგილით უკან დაიწია.

      აუსრულებელი კანონი - კახა კალაძის განცხადებით, მერიას არ აქვს ბერკეტი, რომ პოლიეთილენის პარკების გამოყენებაზე დაწესებულ შეზღუდვებთან დაკავშირებული კანონი აღასრულოს.

      გარდაიცვალა რეჟისორი გიორგი დანელია - პრემიერ-მინისტრი კინორეჟისორ გიორგი დანელიას გარდაცვალების გამო მწუხარებას გამოთქვამს.

      მინისტრი პარლამენტში - ლევან იზორია - ინფორმაცია, რომ თურმე, ჩინური „ბათინკებით“ ხდება ჯარის მომარაგება, არის აბსურდი და აბსოლუტური ტყუილი. როგორც ძველი რომაელები იტყოდნენ, ყველაზე კარგი საშუალება მშვიდობის უზრუნველყოფისთვის, არის ომისთვის მომზადება. კითხვაზე, მოხდა თუ არა მძინარე ცხინვალის დაბომბვა, ჩემი პასუხია - არა!

საზღვარგარეთულები:

      ორი გამარჯვებული ერთ არჩევნებში - თურქეთში როგორც მმართველი პარტია, ასევე ოპოზიცია ირწმუნება, რომ სტამბოლის მერის არჩევნებში მისმა კანდიდატმა გაიმარჯვა.

      დებატები სტადიონზე - პეტრო პოროშენკო სტადიონ „ოლიმპიისკიზე“ დებატებში მონაწილეობაზე ვლადიმერ ზელენსკის შეთავაზებას დათანხმდა.

      იაპონიის ახალი ეპოქა - 1 მაისიდან იაპონიის ახალი ეპოქის სახელწოდება „რეივა“ იქნება.

      გადამდგარი ესტონეთი - ესტონეთის მთავრობა გადადგა.