ამჯერად ერთობლივი თანამშრომლობა უნდა გაგიზიაროთ. როგორც წესი ფუტკრებს არ სჭირდებათ დამატებით დახმარება იმისთვის, რომ ოჯახები შექმნან, სახლები აიშენონ, თაფლი მოაგროვონ და გამოიკვებონ ახალ ცხოვრებამდე, მაგრამ ადამიანებმა მაინც დაიწყეს მათთვის სახლების შენება და სპეციალური, ცვილით დაფარული - მოქსოვილი ფირფიტების შადგმა სახლებში, რათა ფუტკარს შრომა შეუმსუბუქონ და მხოლოდ ორიენტირებულნი იყვნენ თაფლის მოგროვებაზე. როდესაც ფიჭა მთლიანად შეივსება და დამძიმება, თაფლობაც უკვე კარზეა მომდგარი. ცხადია, დღევანდელი პოსტი თაფლის მოყვანის განმარტების ამ უბადრუკ მცდელობას არ ეძღვნება - უნდა გაგაცნოთ ავა როთი (Ava Roth), რომელიც ერთობ რთულ და რისკიან ხელოვნებას შეეჭიდა

ქარგვა ფუტკრებთან ერთად

      საკუთარ ნაქარგობას, ავა, ფუტკრის ფიჭის ჩარჩოში ამაგრებს და ცვილთან ერთად დებს სკაში. ამ ნაქარგობაში ზოგჯერ მძივებიცაა გამოყენებული, ზოგჯერ მხოლოდ ძაფები. დანარჩენი საქმე, მოზაიკის შექმნა და გარშემო მოპირკეთება მთლიანად ფუტკრებზეა დამოკიდებული. რისკები მაღალია - ვაითუ ფუტკრები გაბრაზდნენ, არ მოეწონოთ მასალა-მატერია და სრულად გაანადგურონ ის. მაგრამ თუ გაამართლა, შედეგები მართლაც შთამბეჭდავია. სკას რომ ხსნი და თაფლთან ერთად ხელოვნების ნიმუშებს ღებულობ.