ინდოეთის მდიდარი ისტორია, მისი კულტურული და გეოგრაფიული მრავალფეროვნება განაპირობებს ტურისტების დიდ ინტერესს. ინდოეთში არის ადგილები სადაც მთელი მსოფლიოდან ჩადის ხალხი მის სანახავად და ეგზოტიკური დასვენების მოსაწყობად.

აგრა

      ყველაზე ხშირად სტუმრობენ ქალაქ აგრას, სადაც მდებარეობს სიყვარულის მარადიული სიმბოლო თაჯ-მაჰალი. თეთრი გუმბათოვანი მარმარილოს მავზოლეუმი, რომელსაც ეპიკური სიყვარულის ისტორია გააჩნია მსოფლიოს შვიდი საოცრებიდან ერთ-ერთია. აგრაში ბევრი საინტერესო ადგილია ფატეჰპურ-სიკრი, აგრას ციხე-სიმაგრე, აკბარის მავზოლეუმი, სიკანდრას სასახლე.

ქაშმირი

      სამოთხე დედამიწაზე, ქაშმირი თავისი სილამაზით იზიდავს ტურისტებს, თოვლით შემოსილი მწვერვალები, მწვანედ მორთული ველები და ხეობები, ალპური სოფლები, ჩანჩქერები, ყვავილების ბაღები. ზამთარში ნავით სეირნობა დალის ტბაზე სასიამოვნოა, ამ დროს განსაკუთრებით ლამაზი ხედებია. აგრეთვე შეგიძლიათ ნახოთ გულმარგი (მთის მწვერვალი, სადაც სათხილამურო ტრასაა), სრინაგარი, სონმარგი, ნაგინის ტბა, პარი მაჰალ, პეჰალგამი.

გოა

      გოა, ინდოეთის პატარა შტატი ცნობილია ეგზოტიკური სანაპიროებით, მზის ჩასვლის ზღაპრული ხედებით, ოქროსფერი ქვიშით და ქოქოსის პალმებით. გოა შესანიშნავი ადგილია საყვარელ ადამიანთან ერთად რომ დაისვენოთ. გემრიელი ზღვის პროდუქტები, პარასეილინგი, წყლის აფრებიანი სერფინგი, წყლის თხილამურები იძლევა დროის მხიარულად გატარების შესაძლებლობას. აგრეთვე შეგიძლიათ რომ ნახოთ გოას მუზეუმი, ჩანჩქერები, ჩაპორა, სალანგუტის სანაპირო.

კენიაკუმარი

      კენიაკუმარი არის ადგილი სადაც ერთმანეთს ხვდებიან ინდოეთის ოკეანე, არაბეთის ზღვა და ბენგალის ყურე. თვალს ვეღარ მოწყვეტთ დამატყვევებელ ჰორიზონტს. მზის ჩასვლა აქ უფრო მშვენიერია ვიდრე მზის ამოსვლა, აქ ჩასული დამსვენებელი მოხიბლულია ადგილის მშვიდი გარემოთი, მისი სილამაზით, აისის და დაისის ყურებით, რომელიც პატარა სპექტაკლს მოგაგონებთ.