ნისლიანი და წვიმიანი ამინდების გაგრძელება იგეგმება და პოლიტიკური აღმავლობები ნისლშია ჩაფლული. დღის წესრიგი მეტწილად, მერია-საკრებულომ, ნინო ბურჯანაძემ, ჯანსუღ ჩარკვიანმა და სხვა წვრილ-წვრილმა ამბებმა განაპირობეს:

საქართველოს და მსოფლიოს ამბები / 9 ნოემბერი, 2017/

      დღეს მთაწინდაზე ჯანსუღ ჩარკვიანი დაასაფლავეს. ილია მეორე - ჯანსუღ ჩარკვიანი, როგორც ბერმუხა, ისე იდგა ქართული ლექსისა და ქართული სულის სადარაჯოზე. გიორგი კვირიკაშვილი - ჯანსუღ ჩარკვიანი მიეკუთვნება იმ პოეტთა პლეადას, რომელმაც მთელი ეპოქა შექმნა ჩვენს მწერლობაში, ქართულ პოეზიაში. მიხეილ გიორგაძე - ჯანსუღ ჩარკვიანის წასვლასთან ერთად თანამედროვე ქართულ ლიტერატურაში გარკვეული ეპოქა დასრულდა. ვახტანგ კიკაბიძე - ერთი თბილისი იყო და ერთი ჯანო ჩარკვიანი - დიდი პოეტი. მთაწმინდაზე ჯანსუღ ჩარკვიანის დაკრძალვის ცერემონიაზე მცირე ინციდენტი მოხდა - „ნუ გადააქცევთ მთაწმინდას ნომენკლატურული მწერლების საძვალედ“.

      კალაძე და მშენებლობები - კახა კალაძე - ჩამოვაყალიბებთ კონკრეტულ ხედვას, რა უნდა გაკეთდეს დაუსრულებელი მშენებლობების პრობლემის მოგვარებისთვის. კახა კალაძე - ბიუროკრატიული მანქანა უნდა დავანგრიოთ, მერია უნდა გახდეს ადამიანებზე მორგებული. კახა კალაძე დეველოპერებს - მგონი, არც თქვენ არ მოგწონთ არსებული მდგომარეობა, ის მშენებლობები, რომელიც ქალაქის იერ-სახეს ამახინჯებს. კახა კალაძე - ე.წ. ხრუშოვკების ჩანაცვლება შესაძლებელია, ამას კონკრეტული პროექტებით გაჩვენებთ.

      ჯანდაცვა და აკაკი ზოიძე - სამედიცინო მომსახურების დაფინანსების მეთოდოლოგია შემდგომ სრულყოფას მოითხოვს, რაც ჯანდაცვის მინისტრმაც დაადასტურა.

      ნარკოპოლიტის გზა - მარიამ ჯაში - კანონპროექტი, რომელიც უკვე რეგისტრირებულია საქართველოს პარლამენტში, არის გზა დაბალანსებული ნარკოპოლიტიკისკენ.

      კორუფცია მთავრობაში - ლევან ხაბეიშვილი - მიხარია, რომ საკრებულოს წევრების სავარაუდო კორუფციულ ქმედებებზე საქმე აღიძრა, რადგან ამ ხელისუფლების თუ არა, მომავალი ხელისუფლების მხრიდან მაინც მოეღება ბოლო ბიუჯეტის წურბელებს.

      ნინო ბურჯანაძე დღის წესრიგში - ნინო ბურჯანაძე - Россия 1-ის 150-მილიონიანი აუდიტორიის წინაშე საქართველოს ინტერესების დაცვა მაქსიმალურად შევძელი. ნინო ბურჯანაძე - შანსი იმისა, რომ რუსულ-ქართული ურთიერთობები გადავიდეს საქართველოსთვის სასარგებლო მიმართულებით, ნამდვილად ძალიან დიდია. ნინო ბურჯანაძე - არ გამოვრიცხავ, რომ მომავალში ჩემი ვიზიტები დაუკავშირდეს ჩემს საპრეზიდენტო გეგმებს.

      აღქმის პრობლემა პენსიებთან დაკავშრებით - დავით სერგეენკო - თუ ვინმეს აქვს წარმოდგენა, რომ შრომის უსაფრთხოების შესახებ კანონი ბიუჯეტის შესავსებად შეიქმნა, ეს მათი აღქმის პრობლემაა.

      კუნგფუისტი ჩემპიონები - კუნგ-ფუს მსოფლიო ჩემპიონატის პირველ დღეს, საქართველოს ნაკრებმა 4 მედალი მოიპოვა.

      პრეზიდენტობაც დადგა განხილვის საგანი? - ირაკლი კობახიძე დავით სერგეენკოს შესაძლო პრეზიდენტობაზე - ამ ეტაპზე არც ერთი კანდიდატი არ განიხილება.

საზღვარგარეთულები:

      ამერიკულ-ჩინური ალიანსი - დონალდ ტრამპი - აშშ-სა და ჩინეთის ლიდერებს გვჯერა, რომ ჩრდილოეთ კორეის პრობლემის გადაწყვეტა შესაძლებელია.

      უკრაინელი დეპუტატი - პეტრო პოროშენკომ რუსეთთან დიპლომატიური ურთიერთობების გაწყვეტის იდეას მხარი არ დაუჭირა.