ვირუსით დამოკლებული გზა, სენატორების მორიგი ეპისტოლეები და საეკლესიო სასამართლო

      აბრეშუმის გზა მკვეთრად დამოკლებულა. ვირუსი დღის მთავარი თემაა და რაც უფრო მატულებს გარდაცვლილთა და დაინფიცირებულთა რაოდენობა, მით მეტად ხმაურობს კორონა ვირუსი როგორც ქვეყნის შიგნით, ისე ქვეყნის გარეთ. პარალელურად, ქვეყნის შიგნით ისევ საგარეო წერილების ხმა ისმის - კონგრესმენების წერილი ამჯერად პრემიერმა გახარიამ მიიღო და მის გარშემო კეთდებოდა განცხადებები. მეუფე პეტრე კი საეკლესიო სასამართლოს დამკვიდრებას ითხოვს, ხოლო პირველ განსასჯელად საკუთარ თავს ასახელებს.

საქართველოს და მსოფლიოს ამბები / 30 იანვარი, 2020

      დამოკლებული აბრეშუმის გზა - ვირუსით გამოფხიზლებული მსოფლიო - ჯანდაცვის მსოფლიო ორგანიზაციის წარმომადგენელი - კორონავირუსის წინააღმდეგ საბრძოლველად მთელი მსოფლიო ფხიზლად უნდა იყოს. ახალი კორონავირუსით 170 ადამიანი დაიღუპა, დაინფიცირების შემთხვევები 7 700-ს აჭარბებს. გიორგი გახარია კორონავირუსზე - ჯანდაცვის სისტემა მზად არის იმ შემთხვევაში, თუ გამოვლინდება მსგავსი ვირუსი შესაბამისად და ეფექტურად უპასუხოს ამ გამოწვევას. ფინეთში ახალი კორონავირუსის პირველი შემთხვევა დაფიქსირდა. ამირან გამყრელიძე - კორონავირუსის შემთხვევათა 98% ჩინეთში ფიქსირდება, თუმცა დაავადების ექსპორტი ხდება. ამირან გამყრელიძე კორონავირუსზე - ჩვენთან ინფიცირებული არ დაფიქსირებულა - პანიკის საფუძველი არ არის. ახალი კორონავირუსი ინდოეთშიც დაფიქსირდა. ამირან გამყრელიძე არ აკონკრეტებს, გამოთქვა თუ არა ქალაქ უხანიდან გამოსვლის სურვილი საქართველოს რომელიმე მოქალაქემ. ყაზბეგიდან თბილისში ვირუსის სიმპტომებით ჩინეთის 9 მოქალაქე გადმოჰყავთ, მათ შორის 2 ბავშვი. საკრუიზო გემი, რომელზეც 6 000 მგზავრი იმყოფება, კორონავირუსის საფრთხის გამო იტალიაში პორტშია გაჩერებული. ამირან გამყრელიძის განცხადებით, ჯანმრთელობის მსოფლიო ორგანიზაციაში მიმდინარეობს საგანგებო კომიტეტის დახურული სხდომა, სადაც მსჯელობენ, თუ რა ხდება ჩინეთში. პაატა იმნაძე - გადაუდებელი საქმე თუ არ გვაქვს, ნუ წავალთ იქ, სადაც არის ინფექციის კერა - რაც შეეხება სხვა ქვეყნებს, ყველგან შეგიძლიათ იმოგზაუროთ. მედიის ინფორმაციით, თურქეთი ჩინეთიდან საქართველოს 7 მოქალაქის ევაკუაციასაც განახორციელებს. ლევან დავითაშვილი - ამ ეტაპზე ჩინეთიდან შეზღუდული გვაქვს ცოცხალი ცხოველის შემოტანა, რაც შეეხება სასურსათო პროდუქტებს, ის არ წარმოადგენს რისკ ჯგუფს. ამირან გამყრელიძე - მივმართავ მოსახლეობას, ნუ მივეცემით პანიკას - კორონავირუსი ქვეყანაში არ ფიქსირდება. ჩინეთის საგარეო საქმეთა მინისტრი - ეროვნებით ჩინელებს, რომლებიც უცხო ქვეყნის მოქალაქეების ოჯახის წევრები არიან, შეუძლიათ უხანიდან საევაკუაციო თვითმფრინავებით გაფრინდნენ.

      მუშტი სასამართლოს ეზოში - თბილისის საქალაქო სასამართლოში ნიკა გვარამიასა და კახა დამენიას სასამართლო პროცესი გაიმართა. ნიკა გვარამიას სასამართლოს შენობის შესასვლელთან ფიზიკურად გაუსწორდნენ. ნიკა გვარამიას ფიზიკურ შეურაცხყოფასთან დაკავშირებით, 3 პირი გამოკითხვაზე გადაიყვანეს. ნიკა გვარამია - ვიღაცამ გვერდიდან დამარტყა, ვინ იყო არ დამინახავს. გვარამიას განცხადებით, მას დღეს ფიზიკური შეურაცხყოფა მიაყენეს და მზად არ არის სხდომაზე დასწრებისთვის, თუმცა მოსამართლემ სხდომის გადადების შუამდგომლობა არ დააკმაყოფილა. ხატია დეკანოიძის განცხადებით, ნიკა გვარამიაზე თავდამსხმელები „სუს-ის მიერ სპეციალურად მოგზავნილი პირები იყვნენ“.

      ეპისტოლარული კონგრესი - გიორგი გახარიას წერილს კიდევ ორი ამერიკელი სენატორი უგზავნის - 29 იანვრით დათარიღებულ წერილში სენატორები შეშფოთებას გამოხატავენ საქართველოში ბოლო დროს მიმდინარე მოვლენების გამო, რომელიც, მათი თქმით, მიანიშნებს, რომ ქვეყანა „უარს ამბობს“ დემოკრატიული ინსტიტუტების მშენებლობასთან დაკავშირებით აღებულ ვალდებულებებზე. სენატორები იმედს გამოთქვამენ, რომ ბოლო დროს მიმდინარე მოვლენები აჩენს კითხვებს იმის შესახებ, თუ რამდენად ასრულებს საქართველო თავის ვალდებულებებს იმ ღირებულებებთან დაკავშირებით, რასაც მისი საერთაშორისო პარტნიორები იზიარებენ. ნათია თურნავა - ხელისუფლების მხრიდან სენატორების განცხადება რეაგირების გარეშე არ დარჩება. მამუკა მდინარაძე კონგრესმენების წერილებზე - ძალიან ცუდია, როდესაც კრიტიკა არასწორ ფაქტებზე დაყრდნობით ხდება და ინტენსიური კომუნიკაციის დროს ამაზე ბევრი საუბარი, ბევრი კამათი გვექნება. პრემიერი - გუშინ ვთქვი, რომ როგორც ჩანს აქტიურ პოლიტიკურ სეზონში შევდივართ და კიდევ ბევრი წერილი და პოზიციების დაფიქსირება იქნება-მეთქი - დღეს ეს დადასტურდა. გიგი უგულავა - სად არის კახა კალაძე, ჯერ არ უთქვამს მთაწმინდიდან გამოექანონ სენატორებიო?! გია ვოლსკი სენატორების წერილზე - არის საკითხები, რომელიც საომარი მოქმედებების დროს გამოყენებულ ტერმინს მაგონებს - ამას ჰქვია „მეგობრული ცეცხლი“, როცა მეგობარი უნებლიედ მეგობარს აზიანებს. გია ხუხაშვილი ხელისუფლებაზე - კონგრესმენებთან ორ კლასის განათლების ადამიანი ჩავიდეს და „გუგლ თრანსლეითით“ უნდა უთხრას, რომ ხუნდაძის ბუნტი მოხდა?! ამას ჭამს ვინმე?! - შეურაცხყოფილად იგრძნობენ თავს და უფრო მძიმე წერილები წამოვა

      ეკონომიკის ქნარი - გიორგი გახარია - დღეის მდგომარეობით, 38-ზე მეტი ობიექტი არის პრივატიზებული და საკმაოდ სერიოზული საბიუჯეტო შემოსავლები გვაქვს. გიორგი გახარია - ეკონომიკის სამინისტრო უახლოეს პერიოდში გამოიტანს 100 დამატებით პროექტს, რომელიც ნიშნავს სასარგებლო წიაღისეულის რესურსების დამატებით პრივატიზებას. ნათია თურნავა - პროგრამას „100 საინვესტიციო შეთავაზება ბიზნესს“ ვაფართოვებთ და ვამატებთ წიაღისეულის ლიცენზიების აუქციონებს

      გასაყიდი დოქები - მთავრობა ე.წ. რიყის დოქებს ყიდის. კახა კალაძე - დაველოდოთ, თუ „რიყის დოქები" ვერ გასხვისდება, შემდეგ მივიღებთ გადაწყვეტილებას, ჩვენ თავად გავაკეთოთ ან როგორ მოვიქცეთ.

      საეკლესიო სამართლის მოთხოვნა - მეუფე პეტრე - საეკლესიო სასამართლო ერთ-ერთი გამოსავალია, სადაც დაბალი იერარქიის სასულიერო პირები და ერის ადამიანები მიიღებენ მონაწილეობას - დავიწყოთ ჩემით. მეუფე პეტრე დეკანოზ ანდრია ჯაღმაიძეზე - არსებობს მტკიცებულებები, რომ საერო ცხოვრებაში მძიმე დანაშაული აქვს ჩადენილი - ვურჩევ წმინდა სინოდს, ამით დაინტერესდეს. დეკანოზი ანდრია ჯაღმაიძე მეუფე პეტრეს განცხადებაზე - ამას ვიღებ, როგორც ერთ-ერთ სერიას იმ ბრალდებების, რაც საპატრიარქოს და პატრიარქის წინააღმდეგ არის მიმართული.

      რუსეთის ხელისუფლება ქართულ ნარატივში - ირაკლი ბერაია - მე წარმოვადგენ ქვეყანას, რომლის ტერიტორიის 20% ოკუპირებულია რუსეთის მიერ. კახა კუჭავა - მაქსიმალურად შევეცდებით, რუსეთის დელეგაციას ყველანაირი დისკომფორტი შევუქმნათ ევროსაბჭოს საპარლამენტო ასამბლეაში მათი მუშაობის კუთხით. თორნიკე შარაშენიძე - სერგეი გავრილოვის არსებობა რუსეთშიც 2019 წლის 20 ივნისის შემდეგ გაიგეს, ასე, რომ მას არავინ არაფერს ეკითხება. გიგი უგულავა - გავრილოვი ჩვენს ხელისუფლებას საქციელს უწონებს, სენატიდან მამხილებელ წერილს ვიღებთ, ივანიშვილს „რამსები“ აქვს არეული. გია ვოლსკი - გავრილოვის ჭკუის დამრიგებლური განცხადებები უადგილოა.

      იზორიების გმირობა - ჯუმბერ იზორია „შეცვალეს“ წევრებს - ჩემისთანები, რომ არ ყოფილიყვნენ, დღეს, საქართველო დამოუკიდებელი არ იქნებოდა. პრემიერი ლევან იზორიას ძმის საქმეზე - რაც კადრებში ვნახე, უბრალოდ ამაზრზენია და ამას არ აქვს არანაირი გამართლება - იზორიას კი არა, ჩემი ძმა რომ იყოს, უარესი შეფასება მექნებოდა.

      ტენდერობანა - „ნაცმოძრაობის” წევრი გიგა შუშანია აცხადებს, რომ სახელმწიფო ტენდერებს თბილისსა და ქუთაისში, ქუთაისის ვიცე-მერ იუზა უგულავასთან დაახლოებული კომპანია იგებს.

      ალეკო ცქიტიშვილი - 20 ივნისის მოვლენების შემდეგ დაზარალებულის სტატუსი აქვს 67 პოლიციელს და 7 დემონსტრანტს, სტატუსი არ მიუღია არც ერთ ჟურნალისტს.

      მხარჯველი მესტია - „ენერგო-პრო ჯორჯია“ - მესტიის მიერ ელექტროენერგიის მოხმარებამ კრიტიკულ ზღვარს გადააჭარბა - მხოლოდ 2019 წლის დეკემბერში მესტიამ მოიხმარა იმდენივე ელექტროენერგია, რაც 19-მა რაიონმა ერთად.

საზღვარგარეთულები:

      დიდი ბრიტანეთი ევროკავშირის მიღმაა

      მკაფიო უკრაინა - უკრაინელი დეპუტატი - რუსები კლავენ უკრაინელებს უკრაინაში, ქართველებს საქართველოში, მაგრამ მათ იყიდეს მთელი ასამბლეა და აი, რატომ არ წერია ეს სიტყვები დოკუმენტში.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 101

ტეგები: qwellynews, ამბები, ბლოგი, იანვარი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ვისაც პოეზია უყვარს

გამოაქვეყნა დავით ბილიხოძე_მ.
თარიღი: ივლისი 3, 2025.
საათი: 12:30pm 0 კომენტარი

ვწვალობ მამაო, აღარ ძალმიძს სულის ნათება, ჩვენთან სამყარო მახინჯია, კუპრივით ბნელი, მტვრიან მიწაზე იმედების მოკალათებას, ვეღარ ვცდილობ და სამართალსაც ყოველდღე ვწყევლი, ვწვალობ მამაო, სტრიქონებით გესაუბრები, აღსარებაა ყველა ლექსი, - ჩემი განვლილის, პოეზია კი მხრებზე მადგას, როგორც უღელი და არ სუსტდება, მოყვასისთვის ხელი გაწვდილი, ვწვალობ მამაო, წვალებაა თვითონ ცხოვრებაც, ბრძოლის ველია, გავიტანო კბილებით უნდა, მაგრამ ბალღამი ქურდია და სულში მოძვრება რა მეშველება, იმედებიც თუ გამიხუნდა?…

გაგრძელება

Valhalla Rising Strategy Guide – Dominate the Norse Realms

გამოაქვეყნა Karmasaylor_მ.
თარიღი: ივნისი 27, 2025.
საათი: 6:00am 0 კომენტარი

 Lionheart Studio, deeply inspired by Norse mythology. Set across the realms of Midgard, Jotunheim, Niflheim, and Alfheim, players are immersed in breathtaking landscapes, cinematic storytelling, and visceral combat. However, to thrive in the world of Odin, you'll need more than good looks and brute strength—you'll need solid strategies. 

1. Choose the Right Class for Your Playstyle

At launch, Odin: Valhalla Rising features four primary classes: Warrior, Sorceress, Rogue, and…

გაგრძელება

დამეხმარეთ გთხოვთ🖤

გამოაქვეყნა nino bubulashvili_მ.
თარიღი: ივნისი 20, 2025.
საათი: 11:26pm 0 კომენტარი

გამარჯობა❤ძალიან გთხოვთ როგორც დედა და როგორც ქალი,ამ მდგომარეობიდან ამოსვლაში დამეხმაროთ♥️️

სულ ვცდილობთ ვიშრომოთ მე და ჩემმა მეუღლემ, არდავნებდეთ, მაგრამ დავიღალე!ვეღარ აუდივართ,ძალიან ბევრ ხარჯს, ბავშვების ჭამა,ცუდათ ყოფნა,თითოეულ ვიზიტზე მასაჟს თანხა უნდა,გამოვიფიტეთ ყველაფრისგან,პატარაც გამიცივდა და წამლებში წავიდა იმ 600ლარის ხელფასის ნაწილი,სოციალური კი დავინიშნეთ მაგრამ ივლისამდე ვერ ვიღებთ,აღარც მაღაროზე გამოიძახეს ჯერ და იმ 60პროცენტსაც აღარ უხდიან😔 ბოლო პერიოდში ხალხი როარა…

გაგრძელება

Lamine Yamal

გამოაქვეყნა EFTcheat_მ.
თარიღი: ივნისი 6, 2025.
საათი: 3:30am 0 კომენტარი

In the world of soccer, wherever expertise frequently emerges within the unlikeliest of places, Lamine Yamal stands out for a beacon of prodigious talent and boundless opportunity. The young star has captured the imagination of enthusiasts and pundits alike, with performances that defy his many years. At just 16 a long time aged, Yamal is currently earning waves inside the sport—a testament to his incredible skill and devotion.



Early Lifetime and Background…



გაგრძელება

Qwelly World

free counters

TOP.GE