იყო და არა იყო რა... სტოპ! რა იყო და რა აღარ არის?, იქნებ თქვენი ზღაპრები ერთი დიდი ტყუილია და მხოლოდ პოლიტიკოსის საარჩევნო დაპირებებს თუ ჩამოუვარდება მაშტაბურობით. ოდესმე გიფიქრიათ, რატომ არიან ბოროტი ჯადოქრები ბოროტები? იქნებ იმიტომ, რომ ჩვენი ზღაპრების გმირები არიან იდეალურები? რატომ ხდება ყოველ ზღაპარში ერთი და იგივე და რატომ ემსგავსება ლათინო-ამერიკულ სერიალს? რატომაა ყველა პრინცესა ლამაზი და რატომ ჰყავთ პრინცებს თეთრი რაში და არა სხვე ფერის? ლოგიკურია დასასრული "დიდხანს და ბედნიერად ცხოვრობდნენ"? რა იცის ავტორმა იქნებ იმდენად ბანალური გახდა მათი ცხოვრება, რომ ისინი გაშორდნენ? (ან უარესი არც გაშორებულან და ერთმანეთს ნერვებს "უწეწავენ"), იქნებ პრინცი გალოთდა, გამელოტდა და ღიპი დაედო? თეთრი რაშის ნაცვლად კი ვირზე ამხედრებული აღმოჩნდა? პრინცესას არსად უშვებს და ეუბნება: "რა ქალის საქმეა მეჯლისებზე სიარული, პრინცესა ვიცი "კუხნაში"-ო"? მათი მგზნებარე სიყვარული კი, ერთი ნახვით რომ დაიწყო, შეგუების დონემდე დავიდა? რადგან ჯადოქარი აღარ არსებობს და სიყვარულსაც არავინ კრძალავს. საინტერესოა, რამდენი წელი გაგრძელდება მათი ურთიერთობა, იფიქრებდნენ კი, რომ ერთმანეთი მობეზრდებოდათ? ოცნებობდნენ ერთ მშვენიერ დღეზე და როცა ეს დღე დადგა, მან თავისი მომხიბვლელობა დაკარგა. იქნებ მთვარეზე დარჩა, ალბათ ამიტომ უყურებენ შეყვარებული ადამიანები მთვარეს... (პრინციპში ეს საიდან მოვიტანე)