როდესაც ქვეყანაში ლარი კურსი განსაკუთრებულ დაღმასვლას განიცდის და მალე დოლარი მხოლოდ ოცნების სფერო გახდება, ცხადია, დღის მთავარი ამბავი ეკონომიკის მინისტრის პარლამენტში გამოსვლა უნდა ყოფილიყო. შეგახსენებთ, 1 აშშ დოლარის ოფიციალური ღირებულება დღეს 3.2140 ლარი იყო დღეს, მაგრამ როგორც მინისტრის გაპარლამენტების დროს ხდება ხოლმე, მხოლოდ პარტიული კამათი, ლანძღვა, ერთმანეთის ავ-კარგის ჩვენება და უშინაარსო ამბების განხილვა იყო. დღის მთავარი ამბავია კორონავირუსიც და ბაჩალიაშვილის საქმეც, რომელშიც პროკურატურამ გამოძიები გამომზეურება დაიწყო. ხვალიდან უამინდობაც გვიწიანსწარმეტყველეს.

საქართველოს და მსოფლიოს ამბები / 18 სექტემბერი, 2020

      #Covid19GEO - კორონავირუსის 182 ახალი შემთხვევიდან 129 აჭარაში დადასტურდა. ბათუმის სამშობიარო სახლში კორონავირუსით ინფიცირებული ფეხმძიმეების რაოდენობა 16-მდე გაიზარდა. აჭარის საზოგადოებრივი ჯანდაცვის ცენტრის დირექტორის მოადგილე - კორონავირუსის შემთხვევების უმეტესი ნაწილი ბათუმს უკავშირდება. ბაკურიანში კორონავირუსის გავრცელების პრევენციის მიზნით, სადეზინფექციო სამუშაოები ჩატარდა. მარინა ეზუგბაია - უარს არ ამბობენ დიდ ქორწილებზე, კვლავ ტარდება, რაც ძალიან ცუდია, თავი შევიკავოთ. 182 ახალი შემთხვევიდან 2 კახეთში გამოვლინდა. ინფექციონისტი - აჭარაში ჰოსპიტლები გადაჭედილია, ბინაზე მოვლის მეთოდზე სწრაფად უნდა გადავიდეთ. კორონავირუსი რუსთავის ერთ-ერთი ოფთალმოლოგიური კლინიკის თანამშრომელსაც დაუდასტურდა. ფოთში კორონავირუსით ინფიცირების 4 ახალი შემთხვევა დაფიქსირდა. ამირან გამყრელიძე - საქართველო ისევ რჩება ევროპის რეგიონში ყველაზე უსაფრთხო ქვეყნად. ამირან გამყრელიძე - შესაძლებელია, წელს გრიპის აცრებზე მოთხოვნა მეტი იყოს, ვიდრე ოდესმე ყოფილა. პრეზიდენტი - საქართველომ პანდემიას ერთ-ერთი ყველაზე წარმატებული პასუხი გასცა. ამირან გამყრელიძე - ინფიცირებულებს შორის ძირითადად ჭარბობს მსუბუქი, უსიმპტომო და საშუალო სიმძიმის ავადმყოფები, 13 კრიტიკული პაციენტია. ნიღაბი უნდა გახდეს ყოველდღიური ცხოვრების წესი, ისევე, როგორც დისტანცია, ხელების ხშირი დაბანა, დიდი თავშეყრისგან თავის არიდება.

      ეკონომიკა პარლამენტში - საქსტატის წინასწარი მონაცემებით, მიმდინარე წლის II კვარტალში წინა წელთა შედარებით საქართველოს ეკონომიკა 12.3%-ით შემცირდა. ეკა ბესელია - სად არის ეფექტი, რომელიც უნდა მოეტანა ანტკრიზისულ გეგმას - ნათია თურნავას მოუწევს პასუხის გაცემა, რა პასუხები აქვს მთავრობას. ნათია თურნავა - ეკონომიკას ურტყამს არა შეზღუდვები, მით უფრო დროული, როგორც ჩვენ გავაკეთეთ, არამედ ვირუსის უკონტროლო გავრცელება. გიგა ბოკერია ნათია თურნავას - რა უნდა მოხდეს ივანიშვილის მთავრობამ გადასახადების რეალური დაწევა რომ განიხილოთ? რამდენად უნდა დამძიმდეს ვითარება? ნათია თურნავა - მძიმე შეზღუდვების პერიოდი დასრულდა და გადავდივართ ადაპტაციის პერიოდზე. ნათია თურნავა „ევროპულ საქართველოს“ - დამერწმუნეთ, არ არსებობს ისეთი თვითმფრინავი, რომელიც თქვენ მითოლოგიურ ამომრჩეველს ჩამოგიყვანთ. ახლა გახდით დაბალბიუჯეტიანი კომპანიების ქომაგები? ნათია თურნავა „ევროპულ საქართველოს“ - ძალიან მიკვირს, რომ პოლიტიკური ძალა, რომელიც თავს დებს მემარჯვენეობაზე, „საბჭოთა ურავნილოვკის პრინციპს“ გვთავაზობს. ნათია თურნავა გადასახადების შემცირებაზე - დაუფიქრებელი, წინასწარ დაუთვლელი გადაწყვეტილებებისა და ზომების მიღების დრო არ არის. სალომე სამადაშვილი ნათია თურნავას - თვითონაც არ გჯერათ ამ სულელური ზღაპრების, როგორც ჩანს, არამარტო მორალური კომპასი გაქვთ გაფუჭებული, არამედ პროფესიულიც. ლევან კობერიძე აცხადებს, რომ ნათია თურნავას საზოგადოებაში დაგროვებულ კრიტიკულ კითხვებზე პასუხები არ გაუცია. ნათია თურნავა ოპოზიციას - ჩვენ გავაგრძელებთ ქვეყნის აღმშენებლობას ახალი კაბინეტის ფორმატით, თქვენ გააგრძელებთ ჩვეულ სტილში კრიტიკას, მაგრამ ვის მივმართავ, დარბაზში არ არიან, გავიდნენ. ნათია თურნავა - ეროვნული ბანკი საკმარის რესურსს ფლობს, რომ უახლოეს პერიოდში ლარი დავასტაბილუროთ და ეს პრობლემა მეტ-ნაკლებად მოიხსნება დღის წესრიგიდან. ნათია თურნავა „ევროპული საქართველოს“ წევრებს - თქვენი ნამართი კრიზისი ვნახეთ 2008 წელს, როცა ხელისუფლების წარმომადგენლები, ზოგი რომელ საზღვარზე გარბოდა და ზოგი რომელზე.

      არჩევნებამდე თვეები - რომან გოცირიძე - თვენახევარი დარჩა და როგორმე უნდა გავძლოთ, რომ 8-წლიანი წარუმატებელი მმართველობა ისტორიას ჩავაბაროთ. სერგი კაპანაძე - ქვეყანა რომ მიუახლოვდეს ნატო-ში ინტეგრაციას, არ უნდა ჰყავდეს მთავრობა, რომელსაც გავრილოვი ჩამოჰყავს ქვეყანაში.

      ბაჩალიაშვილის მიმოსვლა და გარდაცვალება - პროკურორი - ბაჩალიაშვილის საქმეში მოიპოვება აუდიო-ვიდეოჩანაწერები, სადაც ის ტყეში თვითმკვლელობით სიცოცხლის დასრულების შესაძლებლობაზე საუბრობს. პროკურორი - თუ ადვოკატები ე.წ სატელიტის ფოტოებს დეტალურად დააკვირდებოდნენ, მარტივად მიხვდებიან, რომ ყალბი მტკიცებულებაა - ისინი უარს აცხადებენ, ამ მიმართულებით გამოძიებასთან თანამშრომლობაზე. პროკურატურა თამარ ბაჩალიაშვილის საქმეზე ექსპერტიზების დასკვნებს აქვეყნებს. პროკურორი - მიხეილ რამიშვილის მიერ წარმოდგენილი ე.წ. სატელიტის ფოტოები დამონტაჟებული და ყალბია. ბაჩალიაშვილის საქმეზე მტკიცებულებების ფალსიფიკაციის ფაქტზე სამართლებრივი რეაგირება მოხდება. პროკურატურა 18 ივლისს თამარ ბაჩალიშვილის გადაადგილების მარშრუტს აქვეყნებს - მარნეულის მიმართულებით სოფლების - თელეთის, წალასწყურის, კუმისის, კოდას გავლით გადაადგილდება. ამავე მარშრუტის მიხედვით, ბაჩალიაშვილი სოფელ გოლთეთიდან გზას თეთრიწყაროს მიმართულებით აგრძელებს, გარკვეული მანძილის გავლის შემდეგ სოფელ მაწევანთან ცენტრალური გზიდან მარჯვენა მხარეს უხვევს და მისი ავტომანქანა ბუჩქებს შორის არსებულ ადგილზე ჩერდება. პროკურორი - ბაჩალიაშვილის კომპიუტერის და მობილური ტელეფონის სისტემებში დაინსტალირებულ პროგრამულ უზრუნველყოფებს შორის ჰაკერული ტიპის პროგრამა არ ფიქსირდება. თამარ ბაჩალიაშვილის საქმეზე გამოძიება გაგრძელდება იქამდე, ვიდრე ყველა რაციონალური ვერსია არ იქნება განხილული. პირი, რომელმაც მიხეილ რამიშვილს ბაჩალიაშვილის საქმეზე სატელიტით გადაღებული ფოტოები მიაწოდა, აცხადებს, რომ მასალა უცხოეთიდან გამოუგზავნეს. პროკურატურა - თამარ ბაჩალიაშვილის სიკვდილის მიზეზი მედიკამენტოზური ინტოქსიკაციაა. პროკურორის განცხადებით, დავით ფურცხვანიძემ, რომელმაც ბაჩალიაშვილის ოჯახის ადვოკატს სატელიტით გადაღებული ფოტომასალა მიაწოდა, არ დაასახელა წყარო და უარი განაცხადა გამოკითხვაზე. დავით ფურცხვანიძემ, რომელმაც მიხეილ რამიშვილს სატელიტით გადაღებული ფოტომასალა მიაწოდა, გამოკითხვა მაგისტრი მოსამართლის წინაშე მოითხოვა. პროკურორის განცხადებით, თამარ ბაჩალიაშვილის ე.წ საკალმახის ტერიტორიაზე გატყუებას ადგილი არ ჰქონია, რასაც მისი გადაადგილების მარშრუტიც ადასტურებს.

      ლავროვი ჩვენზე - სერგეი ლავროვი - არასდროს არაფერი დაგვიგეგმავს ქართველი ხალხის წინააღმდეგ - ქართველი ხალხი ბრძენია, მათ უყვართ სიცოცხლე, მჯერა, აღვადგენთ ურთიერთობებს ხელისუფლებებსა და ხალხს შორის. ჩვენ ვხედავთ ქართველი პოლიტიკოსების გამოჩენას, რომლებიც რუსეთთან ურთიერთობის აღდგენის მომხრე არიან.

      ქვეყნის ნობათი - კახეთში 80 ათასი ტონა ყურძენია გადამუშავებული. საქართველოდან 3,430 ტონა თხილია ექსპორტირებული. ასევე საქართველოდან 776 ტონა ვაშლია ექსპორტირებული. 25,070 ტონა ატამი და ვაშლატამაა ექსპორტირებული.

საზღვარგარეთულები:

      #WorldCorona2020 - სომხეთში კორონავირუსის 239 ახალი შემთხვევა გამოვლინდა და 1 ადამიანი გარდაიცვალა. რუსეთში კორონავირუსის 5 905 ახალი შემთხვევა გამოვლინდა და 134 ადამიანი გარდაიცვალა. სეული კორონავირუსის გავრცელებით მიყენებული ზარალისთვის ეკლესიას 4 მილიონ დოლარს სთხოვს.

      ტრამპის ამერიკა - ტრამპის ადმინისტრაცია ამერიკაში WeChat-ისა და TikTok-ის გადმოწერას დაბლოკავს. დონალდ ტრამპი - ბაიდენის გამარჯვება ჩინეთის გამარჯვებას ნიშნავს.