შესაძლოა სათაურზე გაიფიქრეთ, უცოდინარია ვიღაცაა, წყალქვეშა მდინარე კი არა, წყალქვეშა დინება ჰქვია მაგასო, მაგრამ ცდებით! ამჯერად, საქმე გვაქვს სწორედ რომ წყალქვეშა მდინარესთან (ჟიულ ვერნი არაფერ შუაშია). რამდენიმე წლის წინ, მეცნიერები, შავ ზღვაშიც საუბრობდნენ წყალქვეშა მდინარეზე, მაგრამ ის უფრო დინება აღმოჩნდა, ვიდრე მდინარე. ახლა კი, უნდა გადავინაცვლოთ ოკიანის გადაღმა, მექსიკის ყურესთან და იქ ვეძიოთ პასუხი იმაზე - თუ რა არის გამოსახული ქვემოთ, ფოტოებზე?

      თქვენ ხედავთ წყალქვესა მდინარეს - ასე უწოდეს და მეც ასე ვამბობ, თორემ ჭრილის ფოტოს რომ ნახავთ, უფრო წყალქვეშა ღრმული, ანდა გნებავთ წყალქვეშა ჭა მოგაგონდებათ. ფოტოები შთამბეჭდავი - ჩადიხარ აკვალანგასხმული და იქ გხვდება, ტბა (ასეც ვუწოდოთ), სანაპირო ზოლი, წყალქვეშა ნისლი წყლის პირას და თუ ანკესსაც წაიღებთ, თევზაობასაც მოახერხებთ.

      როგორც უკვე გითხარით, მდებარეობს მექსიკაში, იუკატანის ნახევარკუნძზე, პატარა ანგელოზში (Yucatan, Cenote Angelita) და სკუბა დაივინგის მოყვარულებისთვის, აღმოჩენის დღიდან, სანუკვარ ოცნებად იქცა იქ ჩაყვინთვა. ამ საოცრების, ნისლის და წყალქვეშა ლანდშაპტის მიზეზია დაშლილი კირქვა, რომელიც ქანებში მრავლად მოიპოვებოდა. გაჩნდა წყალქვეშა ღრმული, წყალქვეშა ტბა და ღრმული თავზე ყველაფერი დაემსგავსა ტროპიკულ გარემოს, ოღონდ ეს „ნისლი“, წყალბადის სულფიდი ღრუბელია და მეტი არაფერი.

      სასიამოვნო ჩაყვინთვას გისურვებთ:

წყალქვეშა ტბა მექსიკაში

      როგორც ხდებ ხოლმე, კრეატიულმა ადამიანებმა, ეს ადგილიც, შემოქმედებითად გამოიყენეს!