ხმელეთის ათვისების შემდეგ, მთლად მთვარეზე გაფრენა რომ არ მოგვიწიოს ანდა მარსზე სიცოცხლი საწყისების ძიება, კოპენჰაგენში, ნიუ იორკსა და ლონდონში დაფუძნებულმა საერთაშორისო არქიტექტურულმა კომპანია BIG-მა (იშიფრება როგორც BJARKE INGELS GROUP) წარმოადგინა საცხოვებელი გარემო ზღვაზე, ოკეანეზე. ეს ორგანიზაცია აერთიანებს არქიტექტორებს, მშენებლებს, ურნაბისტებს, ლანდშაფტების სპეციალისტებს, ინტერიერის თუ ექსტერიერის დიზაინერებს, მკვლევარ მეცნიერებს და ცხადია ინვესტორებსაც.

      ჰოდა, სწორედ ამ კომპანიამ, სხვა მრავალ ხმაურიან პროექტს შორის, ერთ-ერთი თანამედროვე და საინტერესო პროექტი წარმოადგინა:

ოკეანის ქალაქი

      ფოტოებიდან ყველაფერი ადვილი აღსაქმელი იქნება. ეს არ არის გემზე ან ნავზე ცხოვრება დიდი ხნით, არც კრუიზში მთელი სიცოცხლის გატარება - არა, ეს იქნება ნამდვილი ქალაქი თავისი ხმაურით, მეურნეობით, ბიზნესებით, ზოოპარკით, დასასვენებელი ადგილებით და ა.შ. და ა.შ.