27 სექტემბერს, წელსაც მოიგონეს აფხაზეთის, სოხუმის დაცემა. კადრები ომიდან, გამარჯვებულები და დამარცხებულები, გმირები, გმირობები და ა.შ. და ა.შ. აფხაზეთის თვალწარმტაცობაზე ბევრი თქმულა, ზოგი ნამდვილი, ზოგი გაზვიადებული და ქართულად ლეგენდებით აღვსილი, ზოგი ასე და ზოგიც ისე. ჩემი დღევანდელი პოსტი კი ცნობილი ფრანგი ფოტოგრაფის, აურელიენ ვილეტეს (Aurélien Villette) შემოქმედებას ეხება. ეს ფოტოგრაფი ცნობილია თავისი კოლექციებით - დანგრეული, განადგურებული, შეცვლილი, დროგასული კულტურების და არქიტექტურების შესახებ. როგორც არქიტექტურის დიდი მოყვარული, ხშირად იღებს ჩამოქცეულ არქიტექტურულ კულტურას. და ერთ-ერთი ასეთი პროექტი იყო აფხაზეთიც.

      ვილეტე აფხაზეთში ორჯერ იმყოფებოდა და ორი ფოტოსერია შექმნა. ერთს - „ტოპოფილია - აფხაზეთი“ (Topophilia - Abkhazia) უწოდა, ხოლო განმეორებით, წლების შემდეგ ჩასულზე და შექმნილ კოლექციას „ჰეტეროკლიტის მოგზაურობა - აფხაზეთი“ (Heteroclite Voyage - Abkhazia). რა თქმა უნდა, ქართველებისთვის არა ვილეტეს მოგზაურობა ან კოლექციების წარმატებულობაა განსაკუთრებული ამ ფოტოსერიაში, ან მისი როგორც ფოტოხელოვანის ოსტატობა, არამედ ის ადგილები, რომლებიც ბევრს ენატრება, ბევრს არ უნახავს, ბევრს ტირილს გვრის და ბევრი ახალ ოცნებაში, ახალ რეკონსტრუქციასაც კი უკეთებს.

      ქვემოთ ფოტოები ყოველგვარი კოლექციების გარეშეა წარმოდგენილი და ქვესათაურიც მე შევურჩიე.

ნაფრონტალი აფხაზეთი

• აფხაზეთის სავიზიტო - კრუბერა