კვირით დაწყებული აქციები ორშაბათსაც გაგრძელდა და პიკეტირებული პარლამენტი სპეცრაზმით გათავისუფლდა - ცხადია დღის მთავარი თემა ეს იყო და რა თქმა უნდა, ახსენებდნენ პრორუსობისა და რუსეთუმეობის ბრალდებებს შორის, ექიმს ოკუპირებულ ციხეში.

საქართველოს და მსოფლიოს ამბები / 18 ნოემბერი, 2019

      ქვიშის ტომრებიდან წყლის ჭავლამდე - დავიწყოთ გუშინ, გვიან ღამიდან - აქციის მონაწილეებმა პარლამენტის შენობის შესასვლელებთან ქვიშით სავსე ტომრებით ბარიკადები გააკეთეს. საქართველოში აშშ-ს საელჩო და ევროკავშირის წარმომადგენლობა მოუწოდებენ ყველა მხარეს, იმოქმედონ ქვეყნის ინტერესებიდან გამომდინარე. ნინო ლომჯარია - პარლამენტის პიკეტირება არ არის კანონიერი, თუმცა ამ უკანონობაზე ის დეპუტატები არიან პასუხისმგებელნი, ვინც პროპროციულ სისტემას მხარი არ დაუჭირეს. გიორგი ვაშაძე - ჩვენ დავიწყეთ მშვიდობიანი პროტესტი იმისთვის, რომ "ოცნების" დეპუტატებს შევუქმნათ დისკომფორტი და მიმაჩნია, რომ თუ ოდნავი ღირსება მაინც შერჩენია რომელიმეს, საერთოდ არ უნდა გამოცხადდნენ პარლამენტში. ზურაბ ჯაფარიძე - პარლამენტში თითოეული დეპუტატის შეყვანისთვის მათ მოუწევთ ძალის გამოყენება, გვაქვს მოლოდინი, რომ ამას იზამენ. დავით ბაქრაძე - იყო ინფორმაცია, რომ ძალის გამოყენებას აპირებდნენ - იმედი მაქვს, რომ ხელისუფლებას ეყოფა გონიერება, არ გამოიყენოს ძალა მშვიდობიანი ადამიანების წინააღმდეგ. ბათუ ქუთელია - პარლამენტმა დაკარგა ლეგიტიმურობა, წარმოადგენდეს ქვეყნის ინტერესებს. გიორგი ვაშაძე - მოვუწოდებ პარლამენტის წევრებს, თავი შეიკავონ პარლამენტში მოსვლისგან, რომ ზედმეტი ექსცესები აირიდონ. მსოფლიო მედია თბილისში განვითარებულ მოვლენებს ეხმაურება. აქციის მონაწილეებმა დეპუტატი რევაზ არველაძე პარლამენტში არ შეუშვეს. აქციის მონაწილეების მხრიდან დაპირისპირების გამო, მაჟორიტარმა დეპუტატმა მერაბ ქვარაიამ პარლამენტის ტერიტორია პოლიციის დახმარებით დატოვა. რევაზ არველაძე - თუ პარლამენტში არ შემიშვებენ, წავალ და წავიკითხავ ლექციებს, ეს გეგმა მაქვს. გიორგი ვაშაძე - გვიჭირს ხალხის დაწყნარება, როცა იმ დეპუტატების სიფათებს ხედავენ, რომლებმაც სამშობლო კაპიკად გაყიდეს. მალხაზ მაჩალიკაშვილი - თუ პარლამენტში მალულად ვინმე შევა, იქიდან გამოვათრევთ. პარლამენტთან მისული დეპუტატი გია ჟორჟოლიანი სამართალდამცავებმა ტერიტორიიდან ავტომანქანით გაიყვანეს. გია ჟორჟოლიანი - მოვედი, რომ არჩევნების პროპორციული სისტემის ჩატარებასთან დაკავშირებით პარლამენტში ახალი საკონსტიტუციო ცვლილებები შევიტანო. პარლამენტის შესასვლელ ჭიშკარს ბოქლომი ხელმეორედ დაადეს. გიგა ბოკერია - ივანიშვილსა და მის პოლიტიკურ ყმებს კიდევ აქვთ შანსი, რომ განმუხტვისკენ ნაბიჯი გადადგან. შსს პარტიებს და აქციის ორგანიზატორებს მოუწოდებს, პარლამენტის შენობის შესასვლელების ბლოკირება შეწყვიტონ. გიორგი კანდელაკი - გიორგი გახარიამ უნდა დაურეკოს გერმანიის კანცლერს, ევროკომისიის პრეზიდენტს - ამ დონეზე თუ არ წამოიჭრა საკითხი, ვაჟა გაფრინდაშვილის გამოხსნა ძნელი იქნება. შსს რუსთაველის გამზირზე მიმდინარე აქციის გამო გზებზე დაწესებული შეზღუდვების შესახებ ინფორმაციას ავრცელებს. გიორგი კანდელაკი - მინდა რჩევა მივცე „ქართული ოცნების“ ლიდერებს, თავს სამასხარაოდ ნუ გაიხდიან. კახა კალაძე ოპოზიციაზე - ხალხის მობილიზების რესურსის არქონის ფონზე, რაც გუშინ ნათლად გამოჩნდა, ისინი ახლა უკვე იაფფასიანი დესტრუქციული პერფორმანსებით ცდილობენ პროცესებში არეულობის შემოტანას. ფადი ასლი - ნებისმიერი პოლიტიკოსი, რომელსაც სჯერა ივანიშვილის რიტორიკის, გინესის რეკორდების წიგნში უნდა შევიდეს, როგორც პლანეტის ყველაზე მიამიტი პოლიტიკოსი. პარლამენტის შენობის მიმდებარედ მოქალაქე „ქართული ოცნების“ დროშით მივიდა, რასაც ხმაური მოჰყვა. არასამთავრობო ორგანიზაციები - „გერმანული მოდელის“ საარჩევნო სისტემა საქართველოს კონსტიტუციას არ ეწინააღმდეგება. ნიკა მელია - ასეთი მასშტაბის ტყუილის შემდეგ, ყველა დასავლურ დემოკრატიაში მთავრობა გადადგებოდა. კახა კალაძე - ვერ ვხვდები, დასათმობი რა არის? ქვეყანაში რიგგარეშე არჩევნების ჩატარების აუცილებლობა არაა - არანაირი კრიზისი არ არსებობს. მამუკა მდინარაძე - ვფიქრობ, სამართალდამცავმა ორგანოებმა პარლამენტის ფუნქციონირება უნდა უზრუნველყონ. ნიკა მელია - პარლამენტთან ყოფნის უფლება მაქვს და თუკი ვინმეს არ აქვს უფლება, ეს „ქართულ ოცნებაში“ უნდა მოვიკითხოთ. სოფო კილაძე - ბლოკირებულია პარლამენტი, რაც, რბილად რომ ვთქვათ, კანონდარღვევაა - მოვუწოდებ მათ, რომ დაბრუნდნენ კანონის ფარგლებში. გიგი უგულავა - დაგვიჭერენ? მით უარესი მათთვის, დაგვარბევენ? მით უარესი მათთვის. რომან გოცირიძე - ყველა გვირაბი შემოწმებული მაქვს, ისინი დიდი ხანია ჩამონგრეულია, მასში თხუნელაც კი ვერ გაძვრება. გიგი უგულავა - ტრიპაჩა კალაძე ყველაფერს აკეთებს, გარდა იმისა, რაც ევალება. ირაკლი კობახიძე - ჩვენ ვერ შევალთ კონსტიტუციურ პროცესში და საარჩევნო სისტემის განხილვაში, ესაა ჩვენი მკაფიო პოზიცია. გია ვოლსკი - დასკვნა ერთადერთია, „ნაციონალურ მოძრაობას“ თუ „ახალ ნაციონალურ მოძრაობას“ უნდა არეულობა, რევოლუციური სცენარით პროცესების განვითარება. მიხეილ ყაველაშვილი - რას ნიშნავს, თუ დავარბევთ, მე ვინმე დავარბიე? ვინ უნდა დავარბიოთ? უხუცეს დეპუტატს როგორ მოექცნენ და სად წავიდე, ჭიდაობას ხომ არ დავუწყებ? ანა ნაცლიშვილი - მოვუწოდებთ ხელისუფლებას, არ გამოიყენოთ ძალა დემონსტრანტების წინააღმდეგ! არსებული ინფორმაციით, პოლიციამ აქციის მონაწილეებს დასაშლელად 30 წუთი მისცა. პოლიციამ პარლამენტის შესასვლელებთან განთავსებული კარვების აღება სცადა. გიგა ბოკერია - ასად დაუბრუნდება ეს ყველაფერი ივანიშვილს, რაც დათესა, ბევრად უარესს მოიმკის პერსონალურად. აქციის მონაწილეები, მეტროსადგურ „თავისუფლების მოედნის“ მიმდებარე ტერიტორიაზე, სპეცრაზმის წინ დასხდნენ. პარლამენტთან გიგა მაქარაშვილი, ზუკა ბერძენიშვილი და ზურა ჯაფარიძე დააკავეს. „საერთაშორისო გამჭვირვალობა - საქართველო“ მზადყოფნას გამოთქვამს, პარლამენტთან აქციის დაშლის დროს დაკავებულებს იურიდიული დახმარება გაუწიოს. გიორგი ვაშაძე - მშვიდობიანმა აქციამ კიდევ ერთხელ აჩვენა "ქართული ოცნების" რეალური სახე. პოლიცია რუსთაველის გამზირის იმ მომიტინგეებისგან გათავისუფლებას ცდილობს, რომლებიც სპეცრაზმის წინ, ასფალტზე დასხდნენ. მამუკა მდინარაძე - ოპოზიცია შეგნებულად და პროვოკაციულად აყენებს ისეთ მოთხოვნას, რომ მისი თეორიული გათვალისწინების შანსიც კი არ იყოს. დიმიტრი ხუნდაძე - ჩვენ, მაჟორიტარებმა მხარი არ დავუჭირეთ იმ კანონპროექტს, რომელიც საწყისს მისცემდა ქვეყნის გრძელვადიან არასტაბილურობას და ხალხს დააშორებდა პარლამენტს. რომან კაკულია - ინფორმაცია, რაც ვრცელდება მოლოტოვის კოქტეილებზე, მინდა, რომ დაზუსტდეს - თუ არის საუბარი იმ ტომრებში არსებულ „მოლოტოვის კოქტეილზე“ და ჩაქუჩებზე, ეს ცვლის ყველაფრის სურათს. პარლამენტთან აქციის დაშლისას რამდენიმე ადამიანი დაშავდა. ნიკა მელია - წყლის ჭავლით, ძალის გამოყენებით და „მუსკულებზე“ ყურებით ხელისუფლება თუკი ტკბება, ის ხელისუფლება ცუდად ამთავრებს. სპეცრაზმმა რუსთაველის გამზირი კარვებისგან გაათავისუფლა. ალეკო ელისაშვილი - თუ ივანიშვილს ჰგონია, რომ გაგვწუწა და მოგვერევა, ცდება. სპეცრაზმმა პარლამენტის ყველა შესასვლელი აქციის მონაწილეებისგან გაათავისუფლა. შსს-მ პარლამენტთან აქციაზე 18 პირი დააკავა. დავით უსუფაშვილი - პრეზიდენტო, ჩაერიე სანამ დროა, ეს კონსტიტუცია სახელმწიფოს მეთაურობას რომ გავალებს, ის სახელმწიფოა დღეს საფრთხეში. პოლიციას ალეკო ელისაშვილის დაკავების მცდელობა ჰქონდა, თუმცა აქციის მონაწილეებმა სამართალდამცავებს მისი ტერიტორიიდან გაყვანის საშუალება არ მისცეს. არჩილ თალაკვაძე ოპოზიციას ბოქლომს უკან უბრუნებს. ჯანდაცვის სამინისტროს ინფორმაციით, აქციის დაშლისას 3 ადამიანი დაშავდა, რომელთა შორისაც ერთი პოლიციელია. თბილისის მოვლენებს მსოფლიოს წამყვანი გამოცემები ეხმაურება. გიგა ბოკერია - თუ „ოცნებას“ სურს სპეცრაზმებით ატარონ ბიუროს სხდომები, ვნახოთ, როგორ „გაქაჩავენ“. იტალიის ელჩი - პროპორციულ სისტემასთან დაკავშირებით შეფერხება ქმნის იმედგაცრუებას და იწვევს უნდობლობას - თუმცა ოპოზიციის ქმედებები უნდა დარჩეს კანონის ჩარჩოებში. "სირცხვილიას" ლიდერების გადაწყვეტილებამ, რომ პარლამენტთან აქცია დღეს დასრულებულიყო, აქციის მონაწილეთა ნაწილმა გააპროტესტა. მაიკლ კარპენტერი - მმართველმა პარტიამ გააკეთა ცინიკური გათვლა იმაზე, რომ მას შეუძლია უკან წაიღოს პირობა და ის, რომ საჭირო ხმათა უზრუნველყოფა არ მოხდა, პარტიაში უთანხმოებით ახსნას. პარლამენტთან აქციაზე დაკავებულების სასამართლო პროცესი 19 ნოემბერს გაიმართება.

      ექიმი ტყვეობაში - ექიმ ვაჟა გაფრინდაშვილის მხარდასაჭერად „თეთრი ხალათების“ აქცია გაიმართა. თბილისში, გაერო-ს წარმომადგენლობასთან საოკუპაციო ძალების მიერ დაკავებული ექიმის, ვაჟა გაფრინდაშვილის მხარდამჭერი აქცია გაიმართა. ასევე, სხვადასხვა ქალაქში ექიმ ვაჟა გაფრინდაშვილის მხარდამჭერი აქცია გაიმართა. „კონსტიტუციის 42-ე მუხლი“ - ექიმ ვაჟა გაფრინდაშვილის სიცოცხლის და უსაფრთხოების დაცვის მიზნით, ევროსასამართლოს დროებითი ღონისძიების გამოყენება უნდა მოხდეს.

      ხანძარი წყალტუბოში - წყალტუბოს მუნიციპალიტეტის სოფელ სორმონის ტყეში ხანძრის ჩაქრობას მეხანძრეები ამ დრომდე უშედეგოდ ცდილობენ.

საზღვარგარეთულები:

      საფრანგეთის სიმკაცრე - საფრანგეთი ევროკავშირში გაწევრიანების პროცედურების გართულების ინიციატივით გამოდის

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 112

ტეგები: qwellynews, ამბები, ბლოგი, ნიუსები, ნოემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ვისაც პოეზია უყვარს

გამოაქვეყნა დავით ბილიხოძე_მ.
თარიღი: ივლისი 3, 2025.
საათი: 12:30pm 0 კომენტარი

ვწვალობ მამაო, აღარ ძალმიძს სულის ნათება, ჩვენთან სამყარო მახინჯია, კუპრივით ბნელი, მტვრიან მიწაზე იმედების მოკალათებას, ვეღარ ვცდილობ და სამართალსაც ყოველდღე ვწყევლი, ვწვალობ მამაო, სტრიქონებით გესაუბრები, აღსარებაა ყველა ლექსი, - ჩემი განვლილის, პოეზია კი მხრებზე მადგას, როგორც უღელი და არ სუსტდება, მოყვასისთვის ხელი გაწვდილი, ვწვალობ მამაო, წვალებაა თვითონ ცხოვრებაც, ბრძოლის ველია, გავიტანო კბილებით უნდა, მაგრამ ბალღამი ქურდია და სულში მოძვრება რა მეშველება, იმედებიც თუ გამიხუნდა?…

გაგრძელება

Valhalla Rising Strategy Guide – Dominate the Norse Realms

გამოაქვეყნა Karmasaylor_მ.
თარიღი: ივნისი 27, 2025.
საათი: 6:00am 0 კომენტარი

 Lionheart Studio, deeply inspired by Norse mythology. Set across the realms of Midgard, Jotunheim, Niflheim, and Alfheim, players are immersed in breathtaking landscapes, cinematic storytelling, and visceral combat. However, to thrive in the world of Odin, you'll need more than good looks and brute strength—you'll need solid strategies. 

1. Choose the Right Class for Your Playstyle

At launch, Odin: Valhalla Rising features four primary classes: Warrior, Sorceress, Rogue, and…

გაგრძელება

დამეხმარეთ გთხოვთ🖤

გამოაქვეყნა nino bubulashvili_მ.
თარიღი: ივნისი 20, 2025.
საათი: 11:26pm 0 კომენტარი

გამარჯობა❤ძალიან გთხოვთ როგორც დედა და როგორც ქალი,ამ მდგომარეობიდან ამოსვლაში დამეხმაროთ♥️️

სულ ვცდილობთ ვიშრომოთ მე და ჩემმა მეუღლემ, არდავნებდეთ, მაგრამ დავიღალე!ვეღარ აუდივართ,ძალიან ბევრ ხარჯს, ბავშვების ჭამა,ცუდათ ყოფნა,თითოეულ ვიზიტზე მასაჟს თანხა უნდა,გამოვიფიტეთ ყველაფრისგან,პატარაც გამიცივდა და წამლებში წავიდა იმ 600ლარის ხელფასის ნაწილი,სოციალური კი დავინიშნეთ მაგრამ ივლისამდე ვერ ვიღებთ,აღარც მაღაროზე გამოიძახეს ჯერ და იმ 60პროცენტსაც აღარ უხდიან😔 ბოლო პერიოდში ხალხი როარა…

გაგრძელება

Lamine Yamal

გამოაქვეყნა EFTcheat_მ.
თარიღი: ივნისი 6, 2025.
საათი: 3:30am 0 კომენტარი

In the world of soccer, wherever expertise frequently emerges within the unlikeliest of places, Lamine Yamal stands out for a beacon of prodigious talent and boundless opportunity. The young star has captured the imagination of enthusiasts and pundits alike, with performances that defy his many years. At just 16 a long time aged, Yamal is currently earning waves inside the sport—a testament to his incredible skill and devotion.



Early Lifetime and Background…



გაგრძელება

Qwelly World

free counters

TOP.GE