ძველად

- ნათელააააა.... ნათელააააააა!!!

- რა იყო ლამარა, რა დამფრთალი მამალივით კრიახობ ამ დილაუთენია.

- ქალო მიშველე რამე, თორემ გავყავი ბაწარში კისერი.

- რა ბნედა დაგეცა შე არ სასიკვდინე.

- ჩემს ბაღანას დააყარა წითელი კოპლები, აი შენ ბაღანას რომ ჰქონდა მასე. ბატონები ჰყავს ამასაც, მოუკვდეს დედა, მიშველე რაცხა... იგი მწვანე რაცხა რომ გქონდა უნდა მათხოვო ცოტა და ხვალ დავაბარებ აბესალომს და მოგიტანს... არ დაგენანოს გაფიცებ ყომფელს... ხომ იცი არ დაგეკარგება...

- ოხ შენ არ მოუკვდი შენს ყველას... გათხოვებ ქალო აბა რა ჭირად მინდა... მაგი ერთხელ შეეყრება და მეტი არაო და წეიღე... ისე ჯობია სახელი ისწავლო - ბრილიანტის მწვანე. ხომ იცი წითელი ფერი უყვართ ბატონებს და ტკბილეულობა და არ გააბრაზოთ მაგი ბაღანა... ცხონებული აქვსენტის ბადიშს კაი მკურნალობა სჭრიდება, თვარა არ მოგასვენებთ არც ის და არც ამ ბოვშის ბატონები...

- კაი ქალო, ნუ დამზაფრე ერთი... მადლობა ნათელა... ღმერთი არ დაგივიწყებს იცოდე... აბოსალომსაც მოვატანიებ ხვალ...

იგივე სიტუაცია ცოტა მერე

     დეპეშაა სოფლიდან.

     ნათელა გამარჯობა... გოგო მანდ უფრო იშოვი ვიცი... ბრილიანტის მწვანე მჭრდება ჩემო კარგო და აფთიაქში იქნებ იყიდო და გამომიგზავნო... ფული კონვერტში დევს... ჩემს ვაჟიკოს დააყარა. ჩუტყვავილა აქვს და... აბა შენ იცი, გელოდებით წუთი-წუთზე...

იგივე სიტუაცია კიდევ უფრო მერე

- ალოო? გამარჯობა ნათ, როგორ ხარ?

- კარგად ლამრო, შენ როგორ ხარ?

- გოგო ნახე როგორ წვიმს და ბრილიანტის მწვანე ხომ არ გექნება რომ მათხოვო?? ახლა ვერ ჩავალ მაღაზიაში... თუ სახლში ხარ გამოვალ და გამოგართმევ და მერე გიყიდი კარგი?

- რას სულელობ გოგო, რას მიყიდი... უცხოები ხომ არ ვართ...

- კარგი მადლობააა...

იგივე სიტუაცია ნამეტნავად მერე, ანუ ახლა.

SMS:

     აუხ ნათ-ნათ, ანგარიშზე არ მაქვს და შემო რა ოდნოში.

- რა იყო ლამკო, რა გჭირს გოგ?

- რავი ნათუშკი, ჩემს ლოვეს ბატონები აქვს თუ რაღაც და დააყარა მუცუკუნები, ისეთი საყვარლებია, მაგრამ თხევადია და რომ ვეხუტები ბუთქუნობს... მე კი მქონდა მოხდილი, და აღარ მედება, მაგრამ ამას არ მოუხდია თურმე...

- აუუხ, მაგარი სანახავი იქნება ხო?

- კი ჯააააან... გოგო რა წავუსვა ხომ არ იცი?

- ზელიონკას უსმევენ გოგო როგორც ვიცი...

- რა ზელიონკა, რას გოიმობ... რომელი გოდაა?

- აუხ, აი თუ გინდა დავქოლავ ექიმთან და...

...

- რაო ნათ?

- კი, გოგო... პროსტა ზელიონკა კი არა, ბრილიანტის მწვანე ჰქვიებია...

- აუხ... შენ გააქვს?

- არა გოგო... აფთიაქში მაგრად იაფადააო... აბა ჩადი...

- კაი ნათ... ჩემი გული ხარ რა... ჩემი ყველაფერი!

- არაფრის ლამკო...

     ავტორისაგან

ისმის კითხვა:

რა ხდება სამედიცინო სფეროში? ბრილიანტის მწვანეც კი ვერ განვითარდა უფრო ეფექტური საშუალებით???