ორშაბათი ძალიან ცხელი ამბებით დაიწყო. ცხელი პირდაპირი მნიშვნელობით - ქერჩში, რუსეთმა უკრაინას ცეცხლი გაუხსნა და ამ უკანასკნელმაც საომარი მოქმედებების ამოქმედებას ხელი მოაწერა. ჩვენს ქვეყანაში, რა თქმა უნდა, ბევრი ომის ექსპერტი გამოჩნდა, თუმცა შიდა ამბებიც არ აკლებდა აქტუალობას - ორ დღეში არჩევნებია, წინასაარჩევნოდ კი პარტიულ დაპირისპირებები.

საქართველოს და მსოფლიოს ამბები / 26 ნოემბერი, 2018 /

      სამეორეტურო ამბები - ცესკო - ინფორმაცია, თითქოს ერთ-ერთ სტამბაში ზედმეტი საარჩევნო ბიულეტენები დაიბეჭდა, მცადრია, შპს „კარტოგრაფში“ არაუფლებამოსილი პირის შესვლა კი გარკვეულწილად ხარვეზად შეიძლება ჩაითვალოს. ავღანეთში მყოფი ქართველმა სამხედროებმა დღე საპრეზიდენტო არჩევნებში მიიღეს მონაწილეობა. NDI-ის საერთაშორისო სადამკვირვებლო მისია საპრეზიდენტო არჩევნების მეორე ტურს დააკვირდება. ოკუპირებული „სამხრეთ ოსეთის“ დე ფაქტო სახელმწიფო უშიშროების კომიტეტი საპრეზიდენტო არჩევნების მეორე ტურის პერიოდში ე.წ. საზღვარს ჩაკეტავს. ირაკლი კობახიძე NDI-ს სადამკვირვებლო მისიის წარმომადგენლებს შეხვდა.

      პარტიათშორისი თემები და პარტიული დაპირისპირებები - "ევროპული საქართველო"-ს წარმომადგენელი - პარტია რამდენიმე ადამიანმა დატოვა, რომელთაც განცხადების გაკეთების დროს უკან "ქართული ოცნების" კოორდინატორები დაუყენეს. კახა კალაძე - 2012 წლამდე „ნაციონალური მოძრაობა“ მსოფლიოს აჩვენებდა, როგორ არ უნდა მოიქცეს ხელისუფალი, დღეს კი ეს ძალა აჩვენებს, თუ როგორ არ უნდა იქცეოდეს ოპოზიცია. სალომე ზურაბიშვილის ყოფილი მეუღლე - შავბნელმა წრეებმა ეჭვქვეშ დააყენეს ჩემი შვილების წარმომავლობა, ვინც ამ ბოროტ დეზინფორმაციას ავრცელებს, არაკაცები არიან, კაცობრიობის ნაგავსაყრელზე გადასაგდები. „ევროპული საქართველოს“ ინფორმაციით, ხელისუფლება გეგმავს, რომ „ნაცმოძრაობის“ წარმომადგენლის სახლში „მოლოტოვის კოქტეილის“ შეგდება მათ პარტიას დააბრალოს. თინა ხიდაშელი - პოლიტიკურად ის არის საინტერესო, ივანიშვილი რამდენად გაიმეორებს იმავე შეცდომას, რაც თავის დროზე დაუშვა შევარდნაძემ და სააკაშვილმა. გია ვოლსკი - გამოვრიცხავ, რომ „მოლოტოვის კოქტეილების“ აქეთ-იქით სროლაში "ქართული ოცნების" ჩართულობა არსებობდეს. სალომე ზურაბიშვილმა საარჩევნო კამპანია ენგურზე დაასრულა.

      ანტი-ძალადობა ანძის ფერებში - თბილისის ანძა ქალთა მიმართ ძალადობის აღმოფხვრის საერთაშორისო დღესთან დაკავშირებით ნარინჯისფრად განათდა.

      რაგბის გამაერთიანებლობა - დავით გაბაიძე - რაგბი სპორტის ის სახეობაა, რომელიც საზოგადოებას, ბიზნესმენებს, ხელისუფლების წარმომადგენლებს, სპორტსმენებს აერთიანებს.

      ხორავას საქმე სასამართლოში - ხორავას ქუჩაზე მომხდარი მკვლელობის საქმეზე ცრუ ჩვენების მიცემის ბრალდებით დაკავებული არასრულწლოვნის დ.ღ.-ს სასამართლო პროცესი მიმდინარეობდა. სასამართლომ მირზა სუბელიანთან ჩანაწერი ცრუ ჩვენების მიცემის ბრალდებით დაკავებული არასრულწლოვნის საქმეს მტკიცებულების სახით არ დაურთო. ცრუ ჩვენების მიცემის ბრალდებით დაკავებული არასრულწლოვნის ადვოკატი - სასამართლო პროკურატურის დაკვეთის აღმასრულებელია. პასკალ მენიე - დიდი ყურადღებით ვაკვირდებით საქართველოში მიმდინარე მოვლენებს, ვიმედოვნებთ, შენარჩუნდება მშვიდობა და სტაბილურობა.

      ომეგას საქმიდან არჩევნებამდე - „ომეგა ჯგუფის“ დამფუძნებელი ზაზა ოქუაშვილი ადასტურებს, რომ რუსეთის ფედერაციის მოქალაქეა. ზაზა ოქუაშვილი - ივანიშვილი ამბობს, რომ არ ყოფილა 4 მილიონის გამოძალვა ბანკიდან, მაგრამ მე მაქვს წერილობითი ფაქტები. ივანე მაჭავარიანი - ვცდილობდი "ომეგასთვის" გამეგებინებინა, რომ პერსპექტივა ექნებოდა საგადასახადო შეთანხმებას, ოღონდ ეს უნდა ყოფილიყო საღ აზრთან ახლოს. ივანე მაჭავარიანი - გარდა იმისა, რომ გაურკვევლად საუბრობენ, ასევე გაურკვევლად ამონტაჟებენ ჩანაწერს.

      დედა ენის დაბრუნება სკოლაში - პარლამენტის წევრებმა ზაზა გაბუნიამ და მარიამ ჯაშმა პარლამენტს წარუდგინეს საკანონმდებლო ინიციატივა, რომლის მიხედვითაც, განათლების, მეცნიერების, კულტურისა და სპორტის სამინისტრო ექსპერტთა საბჭოს მეშვეობით, „დედაენის“ იაკობ გოგებაშვილისეულ მეთოდს მოამზადებს და დაბეჭდავს სასწავლო პროცესისთვის.

      უშუქო 27 ნოემბერი - სხვადასხვა სამუშაოების ჩატარების გამო, 27 ნოემბერს ელექტრომომარაგება დროებით შეიზღუდება.

      ტრენინგები სასულიერო პირებს - რელიგიის სააგენტოს ინიციატივით, სასულიერო პირებს ტრენინგი ჩაუტარდათ. „რელიგიის საკითხთა სახელმწიფო სააგენტოს“ ინიციატივით, ქუთაისის აკაკი წერეთელის სახელობის სახელმწიფო უნივერსიტეტში, დღეს, სასულიერო პირთათვის ტრენინგი მოეწყო. ქუთაის-გაენათის, ჭიათურისა და საჩხერის, ხონისა და სამტრედიის, ტყიბულისა და თერჯოლის, ვანისა და ბაღდათის ეპარქიების სასულიერო პირები, მარგვეთისა და უბისის ეპისკოპოსი მელქისედეკი(ხაჩიძე) ქუთაისის სასულიერო აკადემიის პრორექტორი, ასევე კათოლიკური ეკლესიის, საერთაშორისო ბაპტისტური ეკლესიის და სახარების რწმენის ეკლესიის სასულიერო პირები მონაწილეობდნენ.

      მღვიმეების მატება - თერჯოლაში ნავენახევის მღვიმე იხსნება.

საზღვარგარეთულები:

      ქერჩის სტურის ომი - ქერჩის სრუტეში უკრაინულ გემებს რუსეთმა ცეცხლი გაუხსნა. უკრაინა საომარი მდგომარეობის გამოცხადებას გეგმავს. უკრაინის გენშტაბი - რუსეთს 20-ზე მეტი უკრაინელი მეზღვაური ტყვედ ჰყავს აყვანილი. ФСБ-ს ინფორმაციით, უკრაინულმა გემებმა რუსეთის ტერიტორიულ წყლებში პროვოკაციები განახორციელეს. უკრაინის შეიარაღებული ძალები სრულ საბრძოლო მზადყოფნაშია მოყვანილი. ნატო რუსეთსა და უკრაინას ვითარების დეესკალაციისკენ მოუწოდებს. გაერო-ს უშიშროების საბჭოში უკრაინის საკითხზე საგანგებო სხდომა გაიართა. უკრაინის საგარეო საქმეთა მინისტრი - რუსეთმა ქერჩის სრუტესთან, ნეიტრალურ წყლებში ომი გააჩაღა. უკრაინის პრემიერი ქერჩში განვითარებულ მოვლენებზე - ცივილიზებული სამყაროს მობილიზება უნდა მოხდეს, რომ ამ ველურობას წერტილი დაესვას. დავით ზალკალიანი - უკრაინის საზღვაო გემებზე იერიში წარმოადგენს საერთაშორისო საზღვაო სამართლის უხეშ დარღვევას და ხელყოფს მთლიანი რეგიონის უსაფრთხოებას. ნიკა ჩიტაძე - თუ საერთაშორისო საზოგადოების რეაქცია იქნება უფრო პრინციპული და არა ისეთი, როგორიც ნატო-მ დააფიქსირა, რუსეთს უკან დახევა მოუწევს. დავით ზალკალიანი - ის მოვლენები, რასაც ქერჩის ყურეში აქვს ადგილი, კატეგორიულად მიუღებელია და მსოფლიო თანამეგობრობა გმობს ამას. გრიგორი კარასინი - კიევის მიერ განხორციელებული პროვოკაცია რუსეთის წინააღმდეგ დაწესებული სანქციების გამკაცრებაზე იყო მიმართული. გიგი წერეთელი - საუბარი მქონდა უკრაინის რამდენიმე ლიდერთან და გარკვეული დროით საომარი მდგომარეობაა გამოცხადებული, თუმცა არა სრულმასშტაბიანი. კონგრესმენმა ბრაიან ფიცპატრიკმა აზოვის ზღვაში რუსეთის ქმედებები დაგმო და ტრამპს მოუწოდა, ვლადიმერ პუტინს „პასუხი აგებინოს“. „ევროპულმა საქართველომ“ რეზოლუციის პროექტი შეიმუშავა, რომელიც უკრაინაზე რუსეთის სამხედრო აგრესიის აქტს შეაფასებს. დიდი ბრიტანეთის ელჩი რუსეთს და უკრაინას სიფრთხილის გამოჩენისკენ მოუწოდებს. ევროკომისარი იოჰანეს ჰანი რუსეთს უკრაინული გემებისა და უკრაინელი სამხედროების გათავისუფლებისკენ მოუწოდებს. სვიატოსლავ ცეგოლკო - ანგელა მერკელმა განაცხადა, რომ რუსეთ-უკრაინას შორის ვითარების დეესკალაციისთვის ყველაფერს გააკეთებს. უკრაინის პრეზიდენტმა საომარი მდგომარეობის ამოქმედების შესახებ გადაწყვეტილებას ხელი მოაწერა.

      ერაყი-ირანის მიწისძვრა - ირანი-ერაყის საზღვარზე მომხდარი მიწისძვრის შედეგად დაშავებულთა რიცხვი 634-მდე გაიზარდა.