იტალიური რივიერა - ეს არის რომის დასავლეთით მდებარე ადგილი, გენუადან საფრანგეთის საზღვრამდე გადაჭიმული ტერიტორია. ამ მრავალფეროვან მონაკვეთზე, სანაპიროზე მდებარე ზღვისპირა ქალაქებზე მეტად ყველაზე ცნობილია ლევანტე (ჩინკვე-ტერეს და პორტოფინოს აღმოსავლეთი), აქვე არის სოფლები და სანაპიროები, რომელთა ნახვაც ღირს. ყველაზე ხშირად შეიძლება გაიგონოთ ვენტიმილია და სან-რემო, ქალაქები რომელთა განსხვავებული კლიმატიც იზიდავს ხალხს დასავლეთის სანაპიროზე. ვენტიმილიაში მდებარეობს ვილა ჰანბური, 45 ჰექტრიანი ბოტანიკური ბაღი, რომელიც იტალო კალვინოს შთაგონების წყარო გახდა, როდესაც ის წერდა მის ყველაზე ცნობილ ნოველას "ხეზე მცხოვრები ბარონი".

      1912 წლის აღწერით ვილა ჰანბურში მდებარეობდა 6 000 ბოტანიკური სახეობა, როგორც ტროპიკული, ასევე სუბტროპიკული. აქ შეხვდებით ხეივნებს, აგრეთვე უძველეს რომაულ გზას, რომელსაც ფონად ეშლება ზღვის ხედი. სან-რემოში არის მუნიციპალური კაზინო, შეუდარებელი არტ-ნუვოს შენობა, რომელიც გაიხსნა 1905 წელს, იგი მოიცავს მისაღებს, აგრეთვე აერთიანებს წვეულებების და მეჯლისების გასამართ ადგილებს, მეოცე საუკუნის პირველ ნახევარში უკვე საკმაოდ ცნობილ და მნიშვნელოვან ადგილს წარმოადგენდა.

      ამ ორი ქალაქის გარდა ბევრი საინტერესო ადგილი შეიძლება ნახოთ, ყურეში ფირუზისფერი წყალი შესანიშნავ ხედს ქმნის, ადგილობრივ სოფლებში გავრცელებულია თევზაობა, საოცრად მოწყობილი ქალაქები მიიპყრობს თქვენს ყურადღებას. დოლჩეაქუას პროვინცია არის შესანიშნავი მაგალითი შუა საუკუნეების განვითარებული სოფლის, რომელიც ხეობაში მდებარეობს. კლოდ მონე მოგზაურობისას გაჩერებულა ამ ადგილზე, იგი მოხიბლული დარჩენილა გარემოს სილამაზით, რომელიც მისი რამოდენიმე ნახატის თემა გახდა. მეთერთმეტე საუკუნის ტაძარი და მეთხუთმეტე საუკუნის ნაგებობა არის ისტორიული ძეგლები რომლებიც უნდა ნახოთ, აგრეთვე მეცამეტე საუკუნეში აგებული ციხე-კოშკი. ზღვის გასწვრივ მთელი ტერიტორია მოიცავს მთებს და კლდეებს. ლიგურიაში გაშენებულია ზეთისხილის და ციტრუსების ტერასები, შეიძლება დააგემოვნოთ ჩინოტო, რომელსაც ამზადებენ მირტის ფოთლებისა და მჟავე ფორთოხლისგან, ეს არის საკმაოდ მწარე სასმელი, თუმცა წყურვილს აქრობს, იგი აუცილებლად უნდა მიირთვათ ერთხელ მაინც სანაპიროზე, როდესაც სიცხე შეგაწუხებთ შუადღისას.

      ქალაქები ალასიო და ალბენგა გამოირჩევიან რესტორნების, მაღაზიების და კაფეების სიმრავლით. ქალაქი სავონა საზღვაო რესპუბლიკის მთავარი ქალაქი იყო 12-18 საუკუნეებში, ქალაქში შემორჩენილია სასახლე, რამოდენიმე კოშკი და უამრავი შენობა, რომლებზეც ასახულია მრავალფეროვანი ისტორიის კვალი. ზაფხულობით ეს არის ადგილი შესანიშნავი დასვენებისთვის, სუფთა გარემო და სანაპიროები, სადაც საკმაოდ პოპულარულია დაივინგი.

      რივიერაში შეხვდებით ბევრ სასტუმროს, ზოგი მათგანი მდებარეობს ქალაქის ცენტრში, საიდანაც იშლება საოცარი ხედები და მაღალი დონის მომსახურებაა, აგრეთვე შეგიძლიათ აირჩიოთ უფრო მყუდრო გარემო დასვენებისთვის და დააგემოვნოთ ტრადიციული იტალიური კერძები.