ერთ დღესაც, ქმარმა სახლში ფულით სავსე ტომარა (დიახ, ტომარა და არა ქისა, ხურდებით სავსე) მოუტანა ცოლს და უთხრა, საჭიროებისამებრ გამოვიყენოთო. მართალია, ნოდარ დუმბაძემ ძია ისიდორეს ისიც ათქმევინა, რომ სამწუხაროდ, ცოლები ქმრებს ფულის შოვნის გზებს არ ეკითხებიანო, მაგრამ ამჯერად საქმე სხვაგვარად იყო. როცა ცოლმა გაარკვია ფულის წარმომავლობა - ადგა და მთელი ტომარა ფული ღუმელში შეუკეთა. ეს ამბავი ოთხმოცდაათიანი წლების ბოლოს ხდება, ახალ ათასწლეულამდე ცოტა ხნით ადრე. საქმე ის იყო, რომ ფული თამაშით იყო მოპოვებული. იმ ხანად კაზინო და ტოტალიზატორი არა, მაგრამ კერძო მოთამაშეები მრავლად იყვნენ, საკმაოდ აზარტულად და მაღალ „კუშზე ყომარობდნენ“. ჩვენ ამბავში, წინა დღეს თუ ქმარმა საკმაო თანხა წააგო, მეორე დღეს გაცილებით მეტი მოიგო და ტომარით წამოღება ამიტომ მოუწია. წინა დღით გაგულისებულმა ცოლმა, ამჯერად სიბრაზის კუთხე შეატრიალა - სხვისი უბედურებით მოპოვებულმა ფულმა როგორ უნდა გამახაროსო და ქართული კუპიურები ააგიზგიზა. - ეს შემთხვევა არც გამოგინილია და არც ლიტერატურიდან ამოკითხული, ჩემს სანაცნობო გარემოში მოხდა.

      გამახენდა მას შემდეგ, რაც სატელეფონო, სატელევიზიო, ინტერნეტ რეგულარულ რეკლამებს მოყვა სახელმწიფო დონეზე „წახალისება“ თუ „მხარდაჭერა“ - არ ვიცი რა სახელი მოვუძებნო. შეიძლება, მე ძალიან დავიგვიანე, მაგრამ რამდენიმე დღის უკან აღმოვაჩინე, რომ საქართველოს ფეხბურთის ეროვნულ ლიგას წელს „კრისტალბეთ ეროვნული ლიგა“ ჰქვია. დიახ, სპონსორია ერთ-ერთი ტოტალიზატორი-კაზინო „კრისტალბეთი“, ამიტომ ეროვნულ ლიგასაც მისი სახელი დაერქვა. ზემოთხსენებული ქალბატონისგან განსხვავებით, როგორც ჩანს, ძალიან ბევრს, ჩვენს ქვეყანაში არ ადარდებს ფულის წარმომავლობა. კაზინოები და ტოტალიზატორები აფინანსებენ ტელევიზიებს და სატელევიზიო გადაცემებს, სამედიცინო ცენტრებს, აფთიაქებს, გაგიკვირდებათ და მართავენ საქველმოქმედო აქციებს, ფულსაც კი რიცხავენ ბავშვთა ფონდებში და ამიტომ მთელი ერი მათი მადლიერია. საზოგადოებრივი მაუწყებლის გადაცემებშიც გამოჩნდა მათი დაფინანსებული პროგრამები. ჯერ არსად მომისმენია, მაგრამ ველოდები, როდის დალოცავს რომელიმე სასულიერო პირი რომელიმე ტოტალიზატორს და მის მფლობელებს ტაძრის აშენებისთვის გაღებული უხვი შემოწირულობისთვის. მახსოვს, ერის აღტკინება - აი თქვე სოროსის დაფინანსებულებოო, თქვენ მასონების ფულით გატენილებოო. ჰმ, ტოტალიზატორის და კაზინოს ფული უკეთესი რითია?

      მართლა მაინტერესებს, ამ ჭირს რა ჰქვია? შავი ჭირის მოდიფიკაციაა თუ რამე ახალი სენია, რაც ელემენტარული გააზრების უნარსაც გვიკლავს და გვამონებს? აქ ხომ რაიმე რთული სისტემა არ არის, რომ არ იცოდე საიდან იშოვა ფული რომელსაც ახლა შენ გაძლევს მისი სახელის სადიდებლად? სინედრიონის წევრებმაც კი იუკადრისეს - სისხლიანი ფულიაო და უარი თქვეს მათ გამოყენებაზე. საიდან იშოვეს ამ კომპანიებმა იმდენი ფული, რომ შეუძლიათ ეროვნული ლიგის სახელი დაირქვან? (მართალია, ჩვენი ეროვნული ლიგის დიდი გულშემატკივარი არ ვარ და გამიჭირდება 5 გუნდის დასახელებაც კი, მაგრამ აქ საქმე ფეხბურთის ქომაგობას რომ არ ეხება ადვილად მიხვდება მკითხველი). ვისია ის ფული, რომელსაც ტელევიზიებში უხვად რიცხვან რათა ყოველი მეორე სატელევიზიო რეკლამა მათ შესახებ გვამცნობდეს? ყოველი მეორე სმს მათგან მოდიოდეს? ყოველი საიტი მათი ლოგოებით იყოს აჭრელებული? ყოველი ვიდეო მათი რგოლით იწყებოდეს? როგორ ფიქრობთ ვისი ფულია იქ?

      იყენებენ ადამიანის დაბალ ინსტიქტებს, აღატაკებენ მათ და ამ ფულით შემდეგ ქველმოქმედებენ.

ნახვა: 1549

ტეგები: Qwelly, ბლოგი, კაზინო, ტოტალიზატორი, ქველმოქმედება

ლაშა: მაისი 6, 2019||10:53am

არა, იმ ტომარაში უკვე ლარები იყო )) თორემ ერთი ტომარა კუპონით, შეიძლება 2 პური გეყიდა ))) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

ოსკარის 2026 წლის დაჯილდოება - გამარჯვებულები და ნომინირებულები

გამოაქვეყნა ლაშა_მ.
თარიღი: მარტი 16, 2026.
საათი: 11:30pm 0 კომენტარი

ოსკარი 2026 სრული სია

      ისევ დამიგვიანდა! ეტყობა, მართლა დავბერდი და უკვე აღარც კი…

გაგრძელება

2026 Guide to the Best AI Voice Generation for Creators and Businesses

გამოაქვეყნა supprity_მ.
თარიღი: მარტი 13, 2026.
საათი: 6:30pm 0 კომენტარი

As we step further into 2026, the landscape of content creation is being transformed by AI-powered technologies. Among these innovations, voice generation stands out as one of the most impactful tools for creators, businesses, and educators.…

გაგრძელება

Gallium Market to Reach $860 million by 2033

გამოაქვეყნა Heden Brock_მ.
თარიღი: მარტი 9, 2026.
საათი: 10:00am 0 კომენტარი

According to our latest research, the Global Gallium market size was valued at $430 million in 2024 and is projected to reach $860 million by 2033, expanding at…

გაგრძელება

How Minidumperfactory Electric Garden Loader Manufacturer Adapts to Energy Trends

გამოაქვეყნა Minidumperfactory00_მ.
თარიღი: მარტი 2, 2026.
საათი: 6:30am 0 კომენტარი

Electric Garden Loader Manufacturerstrategies are increasingly centered on advanced battery systems as demand grows for efficient and low-emission landscaping equipment. Energy storage technology now plays a defining role in how electric compact…

გაგრძელება

How Can A Ball Valve Factory Enhance Long Term System Comfort And Stability

გამოაქვეყნა Naishi Valve_მ.
თარიღი: თებერვალი 9, 2026.
საათი: 9:30am 0 კომენტარი

Choosing a reliable partner often begins with understanding how a  shapes ideas into practical solutions. Behind every smooth operation, there is a place where attention, patience, and process quietly work together. Valves may seem ordinary at…

გაგრძელება

The Final Barrier Between the World and Ruin

გამოაქვეყნა Karmasaylor_მ.
თარიღი: იანვარი 22, 2026.
საათი: 10:30am 0 კომენტარი

ARC Raiders Items takes place in a retro-futuristic science-fiction world where humanity has been pushed to the brink by an unrelenting mechanical force known as the ARC. These machines descend from orbit, tear apart settlements, and hunt…

გაგრძელება

Qwelly World

free counters