სპეციალისტებმა შეადგინეს სასმელების სია, რომლებიც აუცილებლად უნდა შედიოდეს ადამიანის რაციონში.

დიდი ხანია, სპეციალისტები ირწმუნებიან, რომ დღეში ორ ლიტრამდე წყლის დალევა სასარგებლოა - ორგანიზმიდან გამოაქვს შლაკები და ნივთიერებათა ცვლას აწესრიგებს. თუმცა არსებობს სხვა სასმელებიც, რომლებიც ორგანიზმს დიდი რაოდენობით სასარგებლო და შეუცვლელ ნივთიერებებს აწვდიან.

მწვანე ჩაი

დიდი რაოდენობით ფლავონოიდების, პოლიფენოლებისა და ანტიოქსიდანტების წყალობით, მწვანე ჩაი ანეიტრალებს თავისუფალ რადიკალებს, ამაგრებს ძვლებს, იცავს გულ-სისხლძარღვთა დაავადებებისგან და ამცირებს კიბოს დაავადების რისკს.

პიტნის ჩაი

ეს სასმელი აწესრიგებს და აადვილებს საჭმლის მონელების პროცესს, ამასთან, პიტნას სპაზმის საწინააღმდეგო მოქმედების უნარი აქვს – აყუჩებს კუნთების ტკივილს.

უცხიმო რძე

რძეს დიდი ხნით შეუძლია შიმშილის გრძნობის დაცხრობა, რაც მნიშვნელოვანია ზედმეტ წონასთან ბრძოლისას. ის შეიცავს რთულ ნახშირწყლებს, ცილებს, კალციუმსა და D ვიტამინს. ყველაზე სასარგებლოა 1%-იანი ცხიმიანობის მქონე რძის დალევა.

სოიის რძე

სოიის რძე აქვეითებს სისხლში მავნე ქოლესტერინის დონეს, რის შედეგადაც ამცირებს გულ-სისხლძარღვთა დაავადებების განვითარების რისკს. თუმცა ძროხის რძის მთლიანად სოიის რძით ჩანაცვლება არ შეიძლება, ამან შეიძლება, ორგანიზმში კალციუმისა და A და D ვიტამინების უკმარისობა გამოიწვიოს.

ცხელი შოკოლადი ან კაკაო

ეს სასმელები ხელს უწყობენ ჰორმონ სეროტონინის გამომუშავებას, რაც აუმჯობესებს გუნება-განწყობილებას. ცხელი შოკოლადი და კაკაო, ასევე, აფერხებენ გულ-სისხლძარღვთა დაავადებების განვითარების რისკს. მათში შემავალი პოლიფენოლები კი უჯრედებს თავისუფალი რადიკალების ზემოქმედებისგან იცავენ.

ტომატის წვენი (უმარილო)

ტომატის წვენში შემავალი ლიკოპენი კარგი პროფილაქტიკური საშუალებაა სხვადასხვა ორგანოს ონკოლოგიური დაავადებების პროფილაქტიკისთვის - ფილტვების, კუჭის, ნაწლავების, ღვიძლის, სარძევე ჯირკვლების, საშვილოსნოს ყელის. გარდა ამისა, ლიკოპენი აქვეითებს გულ-სისხლძარღვთა დაავადებების წარმოქმნის რისკს.

შტოშის წვენი

ამ სასმლის სიკეთეზე მეცნიერები ბევრს ლაპარაკობენ. ის საჭმლის მომნელებელ სისტემასა და საშარდე გზებს ინფექციებისგან იცავს. … წვენი, ასევე, იცავს ღრძილების დაავადებებისგან და აქვეითებს სისხლში მავნე ქოლესტერინის დონეს.

ფორთოხლის წვენი

ფორთოხლის წვენი დიდი რაოდენობით შეიცავს C ვიტამინს, რაც აძლიერებს იმუნიტეტს. ეს კი ორგანიზმისთვის აუცილებელია სხვადასხვა დაავადების წინააღმდეგ ბრძოლისთვის. ექიმები ფორთოხლის წვენის დალევას ურჩევენ ფეხმძიმობის დროსაც, რადგან მასში შემავალი ფოლიუმის მჟავა ნაყოფს დეფექტებისგან იცავს.