კანადური მულტიმედიური სტუდია „მომენტები ქარხანა“ (Moment Factory) თვალწარმტაც საოცრებებს ქმნის და არაერთი პროექტით დაამახსოვრა თავი მსოფლიოს. როგორც წესი, ქარხნის „მუშა-ხელი“ მსოფლიო ვარსკლავების კონცერტებს და ვიდეო-კლიპებს აფორმებს, ასევე სადღესასწაულო შოუებს დგამს... მაგრამ რაც მინდა ამ პოსტში გაჩვენოთ შედევრების კატეგორიას განეკუთვნება, რადგან არა დაკვეთას ასრულებდნენ, არამედ საკუთარ სურვილს - ალბათ, მარკეტინგული გათვლებით, თუმცა, ნებისმიერ შემთხვევაში, გასაოცარს.

      45 წუთიანი ლაზერული და ვიზუალური განათებების/მინათებების შოუ, სახელწოდებით „აურა“ (AURA) გაიმართა მონრეალის ღმრთისმშობლის ბაზილიკაში. ეს ისტორიული, უმშვენიერესი ტაძარი მეცხრამეტე საუკუნით თარიღდება - 1830 წელს გაიხსნა და ამ ვიზუალური შოუს გარეშეც საკმაოდ თვალწარმტაცად გამოიყურება - მისი ინტერიერის სიფართოვე, მოცისფრო-მომწვანო ჭერი ოქროსფერი ელემენტებით, ყოველწლიურად მრავალ ტურისტს იზიდავს და მნახველზე დიდ შთაბეჭდილებას ახდენს. რაც შეეხება „მომენტების ქარხნის“ ნამოქმედარს, მათ თითქოს ჭერი ახადეს, კედლები მოარღვიეს, თავიდან ააგეს და ბაზილიკაში ტექნოლოგიური სასწაულები წარმოადგინეს. ფოტოები საუბარს არც საჭიროებენ. რასაც ქვემოთ თქვენ ნახავთ, ეს მთლიანად ვიზუალური ეფექტებია.

მონრეალის ღმრთისმშობლის ბაზილიკის აურა

და ეს ყველაფერი ერთ პატარა ოთახში კეთდება: