თუ მეხსიერება არ მღალატობს, ჩემი დღევანდელი გმირები განსაკუთრებული სიყვარულით და პატივისცემით სარგებლობენ ქველზე. ფოტოსესიის ავტორია ალბერტ დროსი (Albert Dros). ალბერტი, ლანდშაფტის პროფესიონალ და ცნობილ ფოტოგრაფად მიიჩნევა, მაგრამ როგორც თავად იხსენებს - ანტარქტიდაზე საინტერესო, მშვენიერი და ამაღელვებელი არც რამ უნახავს და არც რა გადაუღია. თეთრი ფერი რომ სპექტრში ფერადდება, ეს ფიზიკოსებმა დიდი ხნის წინ დაამტკიცეს, მაგრამ თეთრი ყინულები ასეთი მრავალფეროვანი მხოლოდ ფოტოგრაფთა ნიჭიერ თვალებში ჩანს. მაგრამ დღეს არა უსიცოცხლო ყინულზე, არამედ ამ ყინულის გასაოცარ ბინადრებზე უნდა მოგითხროთ.

პინგვინლენდი

      მათი ოჯახები არაფრით ჩამოუვარდება ადამიანების ოჯახებს, ცხოვრობენ კომლებით, ჰყავთ ბავშვები, რომლებსაც ზრდიან ეროვნული ტრადიციებით, ასწავლიან ცურვას-ფრენას, სიმღერას, აქვთ ვოკალური გუნდები, ჰყავდა აფროამერიკელი მომღერლები სპეციფიური ვარცხნილობით, გამორჩეული სტილის მოდური პინგვინებიც არსებობენ თვალ-წარბ-წამწამის მაკიაჟით. ყველაფერი ისეა, როგორც ხმელ მიწაზე.