ყველას კარგად მოეხსენება ჩემი განსაკუთრებული სიყვარული ქართული, იმერული სამზარეულოს მიმართ, წიწილას რომ შეაპიწკინებ კარგად, კაი ტყემალი და ზედ ყველით გატენილი, თხელ-თხელი იმერული ხაწაპური, მაგრამ ამჯერად თვალსაწიერი ცოტა უნდა გავაფართოვო და ტარტები წარმოგიდგინოთ შორეული დასავლეთიდან. ჩვენთან ღვეზელებს ეძახიან ხოლმე, ზოგიერთები პეროგებსაც, მაგრამ მშობლიურად მაინც ტარტი ჰქვია. ტარტის რამდენიმე რეცეპტი ქველიანრიაშიც არის (იხ. ტარტები). დღევანდელ პოსტში კი ხელოვანი ლორენ კო (Lauren Ko) უნდა წარმოგიდგინოთ. არ მგონია, წიწილის იმერულად მომზადება კარგად გამოუვიდეს, მაგრამ ნებისყოფა და შრომის მოყვარეობა ნამდვილად არ აკლია, ასევე მხატვრის ნიჭიც. ის მორთულობა და ის ფიგურები რაც მის ტარტებს აქვთ, ნამდვილად იმსახურებს ქველის პოსტებში მის გამოჩენას.

      თავად გადაათვალიერეთ, იქნებ შესაჭმელად შეგენანოთ კიდეც.