თავისუფლებისთვის იბრძვიან პიროვნებები ერები და დღესაც მრავალ ქვეყანაში ომები თავისუფლების სახელით ხდება....

       მაინც რა არის თავისუფლება? ლექსიკონის მიხედვით: თავისუფლება – დესპოტური მთავრობის კონტროლის, გარე ან უცხო წესის, მონობის, არარსებობა; შეზღუდვების, შევიწროების არარსებობა…

      ამ თემაზე უამრავი საუბარი შეიძლება, რამდენი ადამიანიც არსებობს იმდენი აზრია.. მაგრამ ჩემი აზრით ქვემოთ მოყვანილზე უკეთ შეუძლებელია გამოთქმა იმისა თუ რა არის თავისუფლება...

        ქრისტიანობა სულიერი თავისუფლების იდეალს ხედავს ღმერთში, რომელიც სიყვარულია (1 ინ. 4, 16), და ამით „სიკეთისა და ბოროტების იქით“ მისი აბსტრაქტული არსებობის რაიმე შესაძლებლობასაც პრინციპულად გამორიცხავს. ადამიანის ჭეშმარიტი სულიერი თავისუფლება მხოლოდ ღმერთის უსაზღვრო სახიერების „ფარგლებში“ ვითარდება. ამიტომ ამბობს პავლე მოციქული: სადაც არის სული უფლისა, იქვეა თავისუფლება. პირიქით, თავისუფლებანი და უფლებანი, რომელნიც ქრისტიანული სიყვარულის იდეაზე არ არიან დაფუძნებულნი, აღმოჩნდებიან გარეშე იმისა, რასაც კაცობრივ ენაზე სიკეთე, ცხოვრება და თვით თავისუფლება შეიძლება ვუწოდოთ. ხოლო რაც გარეშე ამისა არსებობს, ცხადია - ბოროტება, ტანჯვა და მონობაა.

     “ვისაც უნდა პირველყოფა, იყოს იგი ყველას მსახურ” (მარკ. 10,44); იმიტომაცაა ჭეშმარიტი ქრისტიანული სარწმუნოება მომნიჭებელი ნამდვილი თავისუფლების, თანასწორობისა და ძმობისა, რომ იგი თვითდამკვიდრების უარყოფის პრინციპს ეფუძნება: “რომელმან წარიწყმიდოს სული თვისი მოყვასისათვის, მან პოვოს იგი”, – ბრძანებს მაცხოვარი.  თავისუფლება მშვენიერია, სასურველი და ახლობელი, მაგრამ იგი ამავე დროს საშიშიცაა, რადგან თითოეულ ჩვენგანს დიდ პასუხისმგებლობას აკისრებს; თავისუფლება ადამიანს აძლევს არჩევანის, ინიციატივის გამოჩენის, შეხედულებების შეცვლის საშუალებას… მაგრამ, ამავე დროს, პასუხსაც სთხოვს ყველა მის მოქმედებასა და გადაწყვეტილებაზე.“

      წმ. იოანე ოქროპირი-,,ასეთია ქრისტიანობა: იგი მონობაშიც მოგვიპოვებს თავისუფლებას"

     წმ.მარკოზ მონაზონი(განშორებული)-,,თავისუფლების კანონი იკითხება ჭეშმარიტი შემეცნების გზით, შეიმეცნება მცნებათა აღსრულებით და სრულდება ქრისტეს გულმოწყალებით“ –,, ვერ მოითხოვს მონა თავისუფლებას როგორც ჯილდოს, არამედ იგი როგორც ვალდებულების შემსრულებელი, მოსაწონი ხდება ბატონისთვის და ამ თავისუფლებას მისგან როგორც მადლს, ისე მოელის.არ ეძიო მისი სრულყოფილება ადამიანურ სათნოებებში, რადგანაც მათში არ არის სრულყოფილება; მისი სრულყოფილება ქრისტეს ჯვარშია დაფარული“

     ილია II-,,ჭეშმარიტი თავისუფლება ცოდვათაგან განთავისუფლებით მიიღება“-,,თავისუფლების მოპოვება რთულია; მონობაში დარჩნა – იოლი, მაგრამ თავისუფლების შედეგი მარადიული ნეტარებაა, მონობისა კი – მარადიული სიკვდილი“.

    არქიმანდრიტი გაბრიელი(ურგებაძე)-,,კაცმა გზა თვითონ უნდა დაილოცოს თავისი კეთილი გადაწყვეტილებით. როგორც ივლი, გზაც ისეთი გექნება, ადამინს ღმერთმა თავისუფალი ნება მისცა…“

    სხვა მოძღვარი-,,ჩვენს საუკუნეს თავისუფლება თვითნებობამდე დაჰყავს, დამოუკიდებლობა – ანარქიამდე, დათმენა – ინდეფერენტიზმამდე, მშვიდობა – სამხედრო მდგომარეობამდე, პროგრესი – ზნეობის დაცემამდე.“

   და ბოლოს..   "თავისუფლება ცაში მონავარდე თეთრ არწივს ჰგავს,იგი თავისთვის ლაღად დაფრინავს, არც ვისმეს აჩაგვრინებს თავს და არც ვინმეს ჰკორტნის ყვავ–ყორანივით..."