პოსტი უძღები შვილის კვირიაკესაა დაწერილი, თუმცა იმედი მაქვს მოგეწონებათ...

დღეს უძღები შვილის კვირას აღნიშნავს ქართული, მართლმადიდებლური ეკლესია…

მეც მიდნა მოგიყვეთ ჩვენს უძღებობაზე…

ეს იგავი (ლკ. 15 (11-32)) ალბათ ყველას გახსოვთ, შვილმა რომ მამას სთხოვა ჩემი წილი მომეციო. მერე წავიდა, დახარჯა, მშიერ-მწყურვალი მამასთან დაბრუნდა – მოჯამაგირედ დავუდგებიო, მამამ კი გულში ჩაიკრა და ჩაიხუტა… მოსასხამით შემოსა და ბეჭდით დაამშვენა.

ალბათ ყველა საუბრობს მრავალ უძღებობაზე, ძალიან ხშირად მართლაც ასე ვითარდება სცენარი. ბოლოს, სახლიდან, საზღვარგარეთ თუ საზღვარშიგნით წასული შვილების რჩენა, კვლავ მამის ხარჯზეა.

ასეთი შემთხვევები ხშირია, ამიტომ მე სხვა რამეს მოვყვები…

რამდენჯერ მითქვამს ანდა მომისმენია: "ღმერთო ახლა ეს გამიკეთე, ახლა დამეხმარე, ახლა გადამარჩინე, ახლა ჩამაბარებინე, ახლა მიშველე, ახლა შემეწიე, ახლა, ახლა ახლა ….. და მეტი არაფერი მინდა, მეტს არ გთხოვ, სხვა დროს ასეთ დღეში აღარ ჩავვარდები, გამოვსწორდები, ანგელოზის ფრთებს შევისხამ … ☺ მოკლედ ცრუ დაპირებები…

დღეს ერთი გვინდა… ისე ერთი დღის განმავლობაში რომ მხოლოდ ერთი გვინდოდეს და მხოლოდ ერთზე ვთხოვდეთ შეწევნა-მეოხებას, მაგას არც თუ ბევრი რამ აჯობებდა, საქმე ისაა რომ ეს ერთი, ათასად იქცევა ხოლმე…

და მაინც…

მიუხედავად ყველას მცდელობისა, ყველას აზროვნების პროგრესისა მაინც ვერ გავძეხ(ღ)ით:

1. სერიალებით;
2. TV SHOW_ებით (პროფილი, 100 გრადუსი, ნანუკა, სამოთხის ვაშლები, შუა დღე. ესენი რაც მესმის და თბილისში ბანერებს ვხედავ და ამის გარდა კიდევ რამდენია ღმერთმა უწყის);
3. ტელევიზორიდან მუდამ ცუდი ამბების მოსმენით;
4. მეზობლის ლანძღვით, შურით, ჭორაობით, სხვის ცხოვრებაში ჩაჭყიტებით;
5. სანაგვე ურნების სიცარიელით და ქუჩების ნაგვით ავსებით;
6. შუქნიშანზე არ გაჩერებით, ღვედზე გამოწერილი ჯარიმებით, მთვრალი მძღოლობით, ავარია-სიკვდილებით და მაინც პატრულის გინებით;
7. "დედა რას გვიშვება ეს მთავრობა!"_თი;
8. სექს-სიყვარულით;
9. წყევლით, გინებით;
10. "ჩემია, მინდა, მშია, მწყურია, მცივა, მე, მე, მე, მე, მე!"_თი;
11. "ჩემი კარგია, ჩემი მაგარია, ჩემი თანამედროვეა, ჩემი საუკეთესოა, ჩემი ძვირი ღირდა,"_თი;
12. "თავისუფლება ცოტნეს," "გვშია", "კმარა" – წარწერებით;
13. "იუმორზე" სიცილით, სურამელაშვილებით, ძალად კულტურით;
14. ხალხის მოკვლით, დაპატიმრებებით, ტყვეობებით, დაყაჩაღბებით, გაუპატიურებებით, გაღატაკებებით;
15. უწიგნურობით, "განათლებულობით" და თან მუდმივად ჟიურის წევრობით, შემფასებლობის უდიდესი ნიჭით;
16. "კაი კაცობა-ქალობით", "პატიოსნებით", "პატრიოტობით", "მამულიშვილობით", წინაპრებით, "ქრისტიანობით";
17. ჯიბის გავსებით, ჯიპით, ბანკებით, სახლებით, აგარაკებით, ვილებით, სასახლეებით;
18. მეძავობით, სიბილწით, გარყვნილებით და "ეს ყველა კაცმა უნდა გააკეთოს"_თი;
19. .
20. .
21. .
22. .
23. .
24. .
25. .
26. .
27. .
28. .
29. .
30. .
31. .
32. .
33. .
34. და ა.შ. ......_ებით
35. და ჩემისთანები, ამას ყოველივეს მიმატებულად, ვერ გაძღნენ ამდენი მორალებით.

არადა: ნუ გადაღლით გონებას იმაზე დარდით რამე შეცვალოთ სხვაში…
ძნელია სიტყვით რამის შეცვლა, შეიცვალე და სხვებიც შეიცვლებიან…