ნასოფლარიდან ნასახლარში იგივე ჯამი
წუთისოფელში გაფრენილი უაზრო წამი
დავიწყებული ეს სახლები უხალხო ძველი
ბედად ტირილი და ლამაზი წუთები ცრემლის
ძველი სახლები ნასოფლარნი ჯვარნი ეულნი
წმინდათა ვერცხლი უპატრონოდ მიმობნეულნი
თავპირმტირალი უხალხობის ჭირისუფალი
ამის დამყურე ღმერთი გოდებს ტირის უფალი
ჩამონგრეული ჩავარდნილი კალო და ბანი
მიტოვებული ბოსელი და ღორღების ქანი
ჩამუხლულ წისქვილთ პატრონობს მსუქანი თაგვი
გლოვობს და ღელავს მომდინარი შავი არაგვი
უცოს კოშკები ჩამოშლილი ჩამონგრეული
უხალხოდ არის უხალხობას არა ჩვეული
ვითომ არაფრად ჩავარდნილი შატილის კოშკი
გაყინული და განწირული აქ ქვები როშკის
სულ მთლად ეულად დარჩენილი არხოტის თემი
დავიწყებული ბილიკების სავალი გზები
ღმერთო შენ გიხმობ ისევ შენ გთხოვ ისევ მოგელი
ნეტავ შენს გარდა არის ვინმე მისი მომვლელი
გულის ტკივილით დაწერილი ესეა ჩემი
არსად არ წავალ მე აქა ვარ ხევსურეთს ვრჩები ! ! !