მდინარე დარტი მდებარეობს დევონის დასახლებაში, ინგლისში, იგი მიედინება დართმურში, რომლის ბუნება გამორჩეულია გასაოცარი სილამაზით. ვარაუდობენ რომ მდინარის სახელი კელტური წარმოშობისაა და ნიშნავს "მდინარე სადაც იზრდება მუხის ხეები", მდინარის მიმდებარედ უძველესი მუხების ტყე მდებარეობს.

      მდინარეს აქვს ორი განშტოება (აღმოსავლეთ დარტი და დასავლეთ დარტი), რომლებიც ერთმანეთს უერთდებიან დართმითში, ტურისტებისთვის პოპულარულ დანიშნულების ადგილზე. მდინარის გასწვრივ ბილიკები საინტერესო ფეხით სეირნობას გთავაზობთ, გზაში რამოდენიმე პატარა ჩანჩქერსაც შეხვდებით, მდინარეს კვეთს ქვის ხიდები, მათ ხშირად შეხვდებით ფოსტბრიჯის დასახლებაში.

      დართმურის ტერიტორიაზე მდინარის დინება საყურადღებოა მათთვის, ვისაც კანოეთი და კაიაკით ცურვა უყვარს. მდინარე დარტის ხეობაში თევზაობა განსაკუთრებული პოპულარობით სარგებლობს.

      დართმურში ფოლკლორი მდინარე დართთან არის დაკავშირებული, მას პატივს მიაგებდნენ და ეშინოდათ - მდინარის წყალს აქვს ტენდენცია ადიდდეს ნალექის გარეშე, ეს განსაკუთრებით საშიშია სწრაფი დინების ადგილზე. ამან ჩაუყარა საფუძველი პატარა ლექსების წერას.

      1951 წელს გამოქვეყნდა რუთ მანინგ-სანდერსის წიგნი მდინარე დართზე, სადაც აღწერილია მდინარე და მისი ისტორია, ხოლო 2002 წელს ინგლისელმა პოეტმა ალის ოსვალდმა 48 გვერდიანი პოემა გამოაქვეყნა დართზე, რომელიც დაჯილდოებულ იქმნა პოეტთა საზოგადოების მიერ იმავე წელს, ავტორს პოემაში გამოყენებული აქვს სამი წლის ჩანაწერები და კვლევები იმ ხალხთან, რომლებიც მდინარის მიმდებარედ ცხოვრობენ.