მრავალი ტრადიცია არსებობს ახალი წლის ღამის შესახებ, მე ჩემი მხრიდან რამოდენიმე საინტერესო ტრადიციას შემოგთავაზებთ. დავიწყოთ:

      • იაპონიაში ახალი წელი ერთ-ერთი უდიდესი დღესასწაულია და ამ დღესასწაულს ისინი ხვდებიან არა შუაღამის დადგომასთან ერთად არამედ მზის ამოსვლისას. ბუდისტური ზარები 108-ჯერ რეკავენ, რითაც ამცნობენ მთელ მოსახლეობას ახალ წელს.

      • ვიეტნამში ახალი წლის ღამეს მიღებულია კოცონის დანთება,ბრინჯისგან ტკბილეულის მომზადება და წყალში სპეციალურად ამ დღისთვის მომზადებული ლილიების გაშვება.

      • ყველაზე რომანტიულად ახალ წელს ხვდებიან ბრაზილიაში. ერთი დღით ადრე ოკეანის სანაპიროზე ანთებენ ათასობით სანთელს, ქალები გრძელ კაბებში შედიან წყალში და ფანტავენ ყვავილების ფურცლებს.

      • შოტლანდიაში ახალი წლის ღამეს მიღებულია სტუმრად სიარული. მასპინძლისთვის საჩუქრად კი აუცილებელია ღვეზელის პატარა ნაჭრის,ჭიქა ღვინისა და ნახშირის ნატეხის მირთემვა, რათა მეგობრებს მთელი წლის მანძილზე არ აწუხებდეთ შიმშილი, წყურვილი და სიცივე.

      • ესპანეთში კი ახალი წელი სახალხო დღესასწაულია და მისი აღნიშვნა ხდება ცენტრალურ მოედანზე უზარმაზარ ნაძვის ხესთან. სანამ საათი 12-ჯერ დარეკავს თითოეულმა ესპანელმა თუნდა მოასწროს ყურძნის 12 მარცვლის შეჭმა, რაც 12 თვის სიმბოლოს წარმაოდგენს და ჩაიფიქროს სურვილი...

      • მაგრამ ყველაზე უცნაური ტრადიციების მატარებელია ახალი წელი იტალიაში. იტალიის მკვიდრნი ახალი წლის დადგომამდე აგდებენ ფანჯრებიდან ძველ ნივთებს დაწყებული ყვავილის ქოთნებიდან დამთავრებული ჩექმებითა და სკამებით...ისინი თვლიან, რომ რაც უფრო მეტ ნივთს გადააგდებ,მით უფრო მეტს შეიძენ ახალ წელს... ყველაზე ტრადიციული საჩუქარი იტალიელისგან არის წითელი თეთრეული და რაც მთავარია ისინი ამ საჩუქარს არა მარტო მეუღლეებს ართმევენ არამედ ახლო ნათესავებსაც კი...

      აი ასე ვეცადე რამოდენიმე საინტერესო ფაქტის მოყვანა ახალ წელთან დაკავშირებით, იმედია მოგეწონებათ ...

გილოცავთ დამდეგ შობა-ახალ წელს!