ყველა კარგ კულინარს ერთხელ მაინც უცდია კრუასანის გაკეთება, ფრანგული შედევრი ხომ ბედნიერი დილის გარანტია. ბევრი რეცეპტით მაქვს გასუნჯული, მაგრამ არცერთი არ ჰგავდა ფრანგულს, ისეთს როგორიც პარიზშია. პარიზამდე კი შორი გზაა, ამის გათვალისწინებით Qwellynaria გთავაზობთ პოლონური კრუასანის რეცეპტს, რომელიც სხვა რეცეპტებს ნამდვილად არ ჰგავს და საცდელად ღირს!

შემადგენლობა:

• 3½ ჭიქა პურის ფქვილი
• 1⅓ ჭიქა თბილი რძე
• 1 კვერცხი
• 4 სუფრის კოვზი გამდნარი კარაქი
• 2⅓ ჩაის კოვზი საფუარი
• ½ ჭიქა კარტოფილის პიურე (დანამატების გარეშე)
• ¾ ჭიქა შაქარის პუდრა
• მარილი გემოვნებით
• ვანილი
• + 1 კვერცხი მინანქრისთვის

მომზადება:

• აიღეთ ფქვილი (დასაწყისისთვის 3½, თუ საჭირო გახდა დაამატეთ ცოტაოდენი) დაამატეთ შაქრის პუდრა, ვანილი და მარილი. გახსენით საფუარი რძეში (რძე უნდა იყოს თბილი, არავითარ შემთხვევაში არ უნდა იყოს ცხელი) და დაასხით ფქვილს. ჩაატეხეთ კვერცხი, დააამატეთ პიურე და გამდნარი კარაქი. (მნიშვნელოვანია, რომ პიურე იყოს ფაფისმგავსი, ძალიან თხელი და არ იყოს კარტოფილები თუნდაც პატარა ბურთულების სახით)
• კარგად აურიეთ ყველაფერი ერთმანეთში. მასა არ უნდა იყოს ძალიან რბილი, უნდა ბზინავდეს და ამასთან უნდა იყოს ოდნავ წებოვანი. ცომს გადააფარეთ ზემოდათ და დააცადეთ ამოსვლა დაახლოებით საათნახევრის განმავლობაში. ამ დროის გასვლის შემდეგ მასა გაყავით 4 ნაწილად. თითოეული მათგანი გააბრწყელეთ სიგრძეზე. სიგანე დაახლოებთ 10-12 სმ უნდა იყოს. ასე გაპრეყელებული ცომისგან სამკუთხედების ამოჭრა უფრო გაგიადვილდებათ. სამკუთხედის ძირში (ანუ იმ მხარეს საითაც სამკუთხედი უფრო ფართოა) დადეთ ჯემი (სასურველია ჯემი არ იყოს თხელი) და გადაახვიეთ სამკუთხედის წვეროსკენ.
• საცხობ სინზე დააფინეთ პერგამენტის ქაღალდი და ზემოთ დაალაგეთ გამზადებული კრუასანები. მსუბუქად დააფარეთ თხელი ნაჭერი და ასე დატოვეთ 35 წუთი. გამოცხობამდე ზემოდან წაუსვით კვერცხის გული. გამოაცხვეთ 180 გრადუსზე დაახლოებით 18 წუთის განმავლობაში.

ისიამოვნეთ თქვენი შედევრით და როგორც პოლონელები იტყვიან "Smacznego" (სმაჩნეგო) - გემრიელად მიირთვით!