ნამცხვარი ციყვი ძალიან გემრიელიაა მოვამზადოთ QwellynaRia_ს რეცეპტით.

შემადგენლობა:

• კარაქი 300 გრამი
• შაქრის ფხვნილი 2 ჩაის ჭიქა
• კვერცხი 5 ცალი
• არაჟანი 1 ქილა
• ფქვილი 3 ჩაის ჭიქა
• რძე 1 ლიტრი
• სოდა 1 ჩაის კოვზი
• ძმარი 1 სუფრის კოვზი
• მარილი, ვანილი გემოვნებით

მომზადება:

      200 გრამი კარაქი და ერთი ჩაის ჭიქა შაქრის ფხვნილი კარგად აურიეთ ერთმანეთში. სათითაოდ დაუმატეთ 5 კვერცხი, დაასხით ერთი ქილა არაჟანი, ძმარში გახსნილი სოდა, მარილი, ვანილი, 2,5 ჩაის ჭიქა ფქვილი, კარგად აურიეთ; მიღებული მასა დაასხით თუნუქის ფურცელზე და გამოაცხვეთ ნელ ცეცხლზე. როცა შეგრილდება, დაჭერით ჩაის ჭიქით. მორჩენილი ნაჭრები ისევ შედგით გამოსაცხობად, რომ გამოიყენოთ დასაფშვნელად და ნამცხვარზე მოსაყრელად.

      ჭიქით გამოჭრილი ნაჭრები გაჭერით ჰორიზონტალურად, წაუსვით ვაშლის პიურე ან კრემი, შეაერთეთ და ზემოდანაც წაუსვით იგივე. მოაყარეთ დაფშვნილი მასა და შაქრის პუდრა.

კრემის მომზადება:

      ერთი ჩაის ჭიქა შაქრის ფხვნილი, სამი სუფრის კოვზი პურის ფქვილი გახსენით თბილ რძეში და ნელ–ნელა ჩავასხათ ადუღებულ რძეში, შედგით ცეცხლზე და განუწყვეტლივ მორევით მივიყვანოთ ადუღებამდე, ადუღეთ 5–10 წუთი. შეაგრილეთ, შეაზილეთ 100 გრამი დარბილებული კარაქი და ცოტა ვანილი.