არაჩვეულებრივი საუზმე თუ არსად გეჩქარებათ.. გახსოვდეთ ეს ფრანგული კერძი მზადდება სპეციალურ ჯამებში, რომლიდანაც უნდა მიირთვათ! წარმატებები

შემადგენლობა:

1. კარაქი - 3 ს/კ;
   
2. ესპანური ძეხვი ჩორიზო - 8 ნაჭერი (250 გ);
   
3. ხახვი - 2 პატარა თავი;
   
4. ნაღები - 1/2 ჭიქა (125 მლ.);
   
5. კვერცხი - 4 ცალი;
6. ყველი სურვილისამებრ.

მომზადება:

      გააცხელეთ ქურა 190ºC-მდე. 4 ცალ ცეცხლგამძლე ჯამს ძირში წაუსვით 1 ს/კ კარაქი. დარჩენილი 2 ს/კ კარაქი დაადნეთ დიდ ტაფაზე. ზედ დააწყვეთ პატარა ზომის კუბებად დაჭრილი ძეხვი ჩორიზო და ტაფა 3 წუთს დატოვეთ საშუალო ცეცხლზე. დაამატეთ ხახვი და კიდევ 3 წუთს დააყოვნეთ. დაასხით ნაღები და კიდევ 2 წუთის განმავლობაში გააჩერეთ დაბალ ცეცხლზე. კარაქწასმულ ჯამებში ჩაასხით ძეხვისა და ნაღების ნარევი, სათითაოდ ჩაახალეთ კვერცხები ან მოასხით გახეხილ ყველთან ერთად ათქვეფილი კვერცხი. ღრმა ცეცხლგამძლე ჭურჭელში ჩაასხით მდუღარე წყალი, ჩადგით ჯამებში (წყალი ჯამებს შუამდე უნდა ფარავდეს). შედგით ცეცხლგამძლე ჭურჭელი ქურაში 15-18 წუთის განმავლობაში. კერძი მიირთვით ცხელი.

გემრიელად მიირთვით