ვფიქრობ რომის პაპის არჩევა, მხოლოდ კათოლიკური ეკლესიის ინტერესის სფერო როდია. ჩვენ ყველა ველით "კვამლს"

გთავაზობთ პირდაპირი ეთერს რომიდან:

ამ პოსტში იყო პირდაპირი ეთერი, მაგრამ ჩვენ ვნახეთ რა პაპის არჩევნები, მას შემდეგ ტრანსლაცია გაწყვიტეს.

ახლა კი გთავაზობთ ინფორმაციას რომის ახლადარჩეული პაპის მიერ სახელის არჩევის შესახებ:

პაპმა განმარტა თუ რატომ აირჩია სახელი "ფრანცისკე". "ადამიანთა ნაწილი ვერ ხვდება თუ კონკრეტულად რომელი წმიდანის სახელი ავირჩიე, ფრანცისკე ქსავიერის, ფრანცისკე დე სალესის თუ ფრანცისკე ასიზელის".

პაპმა გაიხსენა კონკლავის მიმდინარეობის ერთი პერიოდი, როდესაც ის იჯდა ემერიტუს არქიეპისკოპოსის, სან პაოლოს კარდინალის, კლაუდიო ჰუმესის გვერდით, რომელიც პაპის ახლო მეგობარია, “როდესაც კენჭისყრის პროცესმა კულიმინაციას მიაღწია, კარდინალი შეეცადა ჩემს დამშვიდებას” და როდესაც უკვე ცნობილი ხდებოდა ხმების დათვლისას პაპის უპირატესობა და კარდინალებმა ტაშით გამოხატეს სიხარული, ამ დროს კარდინალი ჰუმესი “მოვიდა ჩემთან, გულში ჩამიკრა, გადამკოცნა და მითხრა: “არ დაივიწყო ღარიბები”… და უცებ გამიელვა… ღარიბები… იმ წამს გავიფიქრე წმიდა ფრანცისკე ასიზელზე… ფრანცისკე იყო მშვიდობისმოყვარე, უპოვარი, რომელსაც უყვარდა და მფარველობდა უფლის ყოველ ქმნილებას.” ამრიგად წარმოიშვა ჩემს გონებაში სახელი, რომელიც ავირჩიე.

“ბევრმა მირჩია, რომ უპირატესობა მიმენიჭებინა ადრიანეს სახელისათვის, პაპის ადრიანეს საპატივცემულოდ, რომელიც ცნობილია ეკლესიის რეფორმით”. სხვებმა ურჩიეს რომ აერჩია სახელი კლიმენტი XV, ვინაიდან პაპმა კლიმენტი XIV 1773 წელს აკრძალა იეზუიტთა ორდენი.

თუმცა პაპის გზავნილი ძალიან მკაფიო და ნათელი იყო, მან ისურვა სახელად ფრანცისკე, წმიდა ფრანცისკე ასიზელის საპატივცემულოდ სწორედ მისი ცხოვრებისა და უბრალოების გამო.