ჩვენში ძალიან რომ გავრცელდა და შეგვიყვარდა სმარტფონები, ისინი უკვე მოძველებულია და კარგი იქნება რაიმე სიახლეს თუ დავუმატებთ. (ნოკიის პატრონისგან ეს ცოტა ცუდად ჟღერს მაგრამ მაინც). საქმე ისაა რომ შეგივძლია მოვითხოვოთ უფრო ხელსაყრელი და უფრო სწრაფი, ადვილად მოსახერხებელი ტელეფონი და მისი მიღება სრულიად რეალურიცაა.

იდეა არის და_Touch_ე და გამო_Touch_ე იდეოლოგიის, რომელიც სმარტფონს უფრო ასმარტებს, ანუ ჩვენებურად რომ ვთქვათ აცქვიტებს. ამიტომ ამ ახალ ტელეფონს შეგვიძლია ცქვიტფონი დავარქვათ.

დავიწყოთ თავიდან:

მართალია სენსორული ეკრანი უდავოდ ჯადოსნური გამოგონებისაა, მაგრამ მას აქვს გარკვეული პრობლემები.

პირველი პრობლემა არის ის, რომ თქვენი თითები არაა გამჭვირვალე და ისინი ფარავენ მონიტორზე გამოტანი მრავალ ინფორმაციას, რომელცი შესაძლოა თვალსაწიერის მიღმა დარჩეს. განსაკუთრებით თუ კოტიტა თითები გაქვთ.

თითების კოტიტობა არის ასევე პრობლემა შემოთავაზებულის სერვისების უკეთ ათვისებაში, გარდა იმისა რომ ფარავთ მონიტორს, ასევე ხშირად გიჭირთ ზუსტად იმ წერტილში მოახვედროთ, რომელიც გჭირდებათ.

სწორედ ასეთი დაწვრილმანებისთვის გამოიგონეს კურსორი. აი, მაუსის მოძრაობას რომ ისრიანი გამოსახულება ჰყავს მონიტორში ის, მაგრამ ტელეფონში მაუსი? ეს ხომ სისულელე იქნებოდა.

ლეპტოპებზე Touch-pad დააყენეს და სადაც გინდა იქ მიასრიალებ ამ დალოცვილ კურსორს, მაგრამ იგივე ტელეფონზე? არამც და არამც მეგობრებო.

მაგრამ რა მოხდებოდა, თუ თქვენი სმარტფონი ორივე მხრიდან სენსორული იქნებოდა?

სად უნდა განთავსდეს ზემოხსენებული Touch-pad?? იქ, სადაც ნაკლებად გამოყენებადი ადგილებია - ტელეფონის უკანა მხარეს.

ამის შემდეგ თქვენ გაგიადვილდებათ მონიტორის ყურება ზედმეტად ჩამოფარებული თითების გარეშე.

ადვილად "დააკლიკებთ" საასურველ ადგილას, ადვილად გადაახვევთ და გადმოახვევთ.

ადვილად გადაიღებთ ჩემთვის ესოდენ საძულველ Selfie ფოტოებს.

გაუსმევთ და გამოუსმევთ ვითომ ჭიანურიაო.

იქნება ორივე მხრიდან მოძრაობაში მოყვანილი და ორმაგი შეხებით უფრო იცქვიტფონებს.

თამაშებისთვის და ურთლესი ტურების დასაძლევადაც შესანიშნავი გამოგონება იქნება.

მაგრამ სამწუხარო ისაა რომ ეს მხოლოდ კონცეპტია და არავინ აპირებს ნამდვილი ცქვიტფონის გამოშვებას.