ქართული კულინარიის ტრიადა მწვადი, ხინკალი და ხაჭაპურია, რაც ვფიქრობ, ბოლომდე სამართლიანი არ არის. შეიძლება ტრიადის წევრობამდე გრძელი გზა აქვს კახურ ბურვაკს, მაგრამ უკეთესი მადის მომყვანი (აპეტაიზერი) არც ისე ადვილი მოსაფიქრებელი და საპოვნია. ამიტომაც მგონია, რომ ხორცეულში, ჯეროვნად დაფასებული არ არის. ეგეც არ იყოს, მისი სიმარტივის გამო, ცალკე აღიარებას იმსახურებს. საუკეთესო რეცეპტი ბურვაკის მოსამზადებლად ქველინარიას აქვს, მაგრამ ... თუ თქვენ და ხორცი არ მეგობრობთ, არ მოამზადოთ. აქ არა იგრედიენტების ან წესების სწორად დაცვას აქვს მნიშვნელობა, არამედ თქვენს თვალსა და გემოვნებას - ხორცი ისე უნდა მოხარშოთ, რომ არც ჩაფლავდეს და არც უმი იყოს. სიცოცხლეც ეტყობოდეს, ფორმა და სტრუქტრა არ დაირღვეს და თან პირში ადვილად ლბებოდეს. წარმატებას გისურვებთ.

შემადგენლობა:

• ბურვაკის ხორცი - 1 კგ.
• დაფნის ფოთოლი - 2 ცალი
• ნიორი - 3 კბილი
• მარილი და შავი პილპილის მარცვლები - გემოვნებით

მომზადება:

      მოათავსეთ ხორცი ქვაბში, დაუმატეთ დაფნის ფოთოლი, ნიორი, მარილი და წიწაკა გემოვნებით, დაასხით წყალი და მოხარშეთ. მოხარშული ბურვაკი დაჭერით თხელ ნაჭრებად.

      გემრიელად მიირთვით მდოგვთან ან მდოგვის პიურესთან ერთად.