80-იან წლებში, მსოფლიოს საკონდიტრო ბაზარზე იტალიური ბრენდი გამოდის, რომელიც მოგვიანებით საუკეთესოს სტატუსს დაიმკვიდრებს. დიახ, საუკეთესო შოკოლადად აღირებული ფერერო როშე, იტალიაში, შოკოლადის მწარმოებელ სწორედ იმ კომპანიაში შეიქმნა, რომელმაც იქამდე ნუტელა გამოუშვა (60-იან წლებში). ახლა, წარმოიდგინეთ, როგორი გემრიელი იქნება ფერეროსა და ნუტელას ნაზავი ერთ რულეტში, რომელსაც ქართულად ექსკლუზიურად Qwellynaria გთავაზობთ.

P.S. რაფაელოც იქვეა - ახლო-მახლო.

შემადგენლობა

• რულეტის ცომი

  • ფქვილი - 120 გრ. (1 ჭიქა);
  • გამაფხვიერებელი - 1 ჩ/კ;
  • მარილი - ½ ჩ/კ;
  • კვერცხი - 4 ცალი;
  • გრანულებიანი შაქარი - 200 გრ.;
  • ლიმონის წვენი - 1 ჩ/კ;
  • შემთბარი (ცხელი) რძე - 1/4 ჭიქა (60 მლ).
• ნუტელას კრემი

  • კარაქი (შერბილებული ოთახის ტემპერატურაზე) - 1 ჭიქა;
  • შაქრის პუდრა - 2 ჭიქა;
  • ნუტელა - 3/4 ჭიქა;
  • რძე - 3-4 ს/კ;
  • ვანილის ექსტრაქტი - 2 ჩ/კ.
    (მიქსერით კარგად გათქვიფეთ კარაქი, დაამატეთ შაქრის პუდრა. შემდეგ შეურიეთ ნუტელა, ვანილის ექსტრაქტი და რძე ყველა ეს იგრედიენტი კარგად გადაურიეთ ერთმანეთში)
• შოკოლადის განაჩე (მომზადება იხილეთ აქ: შოკოლადის განაჩე)
• თეთრი შოკოლადის განაჩე
• ფერერო როშე
• დაჭრილი თხილი

მომზადება

რულეტის ცომი:

• კარგად აურიეთ ფქვილი, გამაფხვიერებელი და მარილი;
• ჩაამატეთ 4 კვერცხი, შაქარი და ლიმონის წვენი და მორევა განაგრძეთ მიქსერით;
• როდესაც ერთიან მასას მიიღებთ, დაამატეთ ცხელი რძე და კვლავ მოურიეთ.
• თუ ძალიან თხელი მასა გამოვა, დაამატეთ ფქვილი.

ფერერო როშეს და ნუტელას რულეტი:

• გააცხელეთ ღუმელი 190 გრადუსზე.
• მოასხით საცხობი სპრეი სინს, დააფარეთ ცვილის ქაღალდი (ამ სახელწოდებით მოიკითხეთ სუპერმარკეტებში) და კიდევ მოასხით სპრეი.
• რულეტის ცომი გადმოიტანეთ და გაშალეთ მთელს სინზე, თანაბარ სისქეზე.
• 10 წუთის განმავლობაში გამოაცხვეთ.
• გამოღებისთანავე, ვიდრე ცხელია, გადააფარეთ ზედ პერგამენტის ქაღალდი და გადმოატრიალეთ რომ ფენა გადმობრუნდეს.
• არ ააცალოთ არც ცვილის და არც პერგამენტის ქაღალდი, პირდაპირ დაიწყეთ გადახვევა. გადახვეული ცოტა ხნით დააყოვნეთ რომ გაგრილდეს.
• შემდეგ გაშალეთ და ააცალეთ ქაღალდები.
• დაიწყეთ ნუტელას წასმა და ფერერო როშეს ბურთლები ჩაამწკრივეთ ერთ ზოლზე, რომელიც საბოლოოდ მოექცევა გულში.

  

• წაუსვით ნუტელა მთელ ფენას და გადაახვიეთ.
• შემდეგ გარედანაც წაუსვით ნუტელა.
• მოასხით წვრილად თეთრი და შავი შოკოლადის განაჩე
• დაალაგეთ თავზე ფერერო როშეს ბურთულები. შეგიძლიათ რაფაელოც შეურიოთ

  

• ისევ მოასხით თეთრი და შავი შოკოლადის განაჩე.
• მოაყარეთ წვრილად დაჭრილი თხილი.

გემრიელად მიირთვით!