ცივი ზამთრის დღეებში, განსაკუთრებული მოთხვონაა ხორციელ საჭმელებზე, თუ მითუმეტეს ხორციელის კვირაა და ფანჯარაშიც გადაუღებლად თოვს. სამზარეულოში ფუსფუსს, ბუხართან ღვინის სმასა და ქართულ სიმღერას, ასეთ დროს, მხოლოდ წიგნის კითხვა თუ შეედრება, მაგრამ წიგნი თუ გონებას კვებას, მაშ კუჭმა რა ქნას?

      ტრადიციულად, კუჭზე ქველინარია ზრუნავს, გახსოვთ ალბათ ღორის ხორცი ანანასში, ახლა ღორის ხორცის გარმონი უნდა შემოგთავზოთ:

შემადგენლობა:

• რბილი ხორცი (ღორის) - 1 კგ.
• სოკო (შამპინიონი) - 200 გრ.
• ყველი - 200 გრ (სასურველია მაგარი, მარილიანი ყველი)
• პომიდორი - 2 ც.
• ნიორი - 3 კბილი
• სოიოს სოუის - 3 ს/კ
• ლიმონის წვენი - 1 ს/კ
• მდოგვი - 1 ს/კ
• მზესუმზირის ზეთი - 2 ს/კ

მომზადება

ხორცის რბილი ნაჭერი დაჭერით საშუალო სისქის ნაჭრებად. ყურადღება მიაქციეთ, რომ ბოლომდე არ ჩაჭრათ.

პარატა თასში, კარგად აურიეთ ლიმონის წვენი, მდოგვი, მზესუმზირის ზეთი და სოიოს სოუსი და 2 მწიკვი მარილი.

მთელი ეს მასა, კარგად წაუსვით ფუნჯით ხორცს, თითოეულ უჯრაში.

შედგით მაცივრში 10 საათით. მნიშვნელოვანია, რომ სოუსი კარგად "გაუჯდეს" ხორცს.

დაჭერით პომიდორი, სოკო, ყველი და ნიორი თხელ ფენებად.

გამოიღეთ მაცივრიდან ხორცი და შეავსეთ მისი უჯრები ბოსტნეულით:

რეკომენდებულია თითეულ უჯრაში მოთავსდეს: - ყველის ერთი ნაჭერი, პომიდვრის ერთი ნაჭერი, სოკოს ორი ნაჭერი და 1-ც ნიორი.

მთელი ეს მასა, კარგად გადაახვიეთ ფოლგაში (სასურველია ორმაგში) და შედგით აირღუმელში 50 წუთით, 200 გრადუსზე.

გამოიღეთ და დაელოდეთ გაგრილებას

გემრიელად მიირთვით.