ჟოლო ენციკლოპედიაში, ვარდისებრთა ოჯახის წარმომადგენლად არის მოახსენიებული და ბუჩქ-ბალახთა რიგებს განეკუთვნება. ასეთი დახასიათებით ალბათ არავის მოუნდებოდა მისი ჭამა, რომ არა ის არაჩვეულებრივად ნაზი და არომატული გემო, თან რომ ახლავს. ჟოლოს კოქტეილი ჯერ კიდევ წლების წინ შემოგთავაზეთ, ამას დაემატა ჟოლოს ნამცხვარიც და შემდეგ, დაუვიწყარი რაფაელო. ახლა, ქველინარიამ მოიფიქრა და ჟოლოს და რაფაელოს შერიგება, ერთ მარტივ ტორტში მოახერხა.

შემადგენლობა

ფენებისთვის

• შედედებული რძე - 1 ქილა (400 მლ)
• ფქვილი - 1 ჭიქა
• კვერცხი - 2
• გამაფხვიერებელი - 1 ს/კ

კრემისთვის

• კრემ ყველი (Cream Cheese) - 450 გრამი (2 შეკვრა)
• ნაღები - 3 ჭიქა.
• შაქრის ფხვნილი (პუდრა) - 2/3 ჭიქა
• ვანილის ექსტრაქტი - 2 ჩ/კ

მომზადება

ფენები:

• გაახურეთ ღუმელი 180 გრადუს ტემპერატურაზე.
• თასში ჩაასხით ერთი ქილა შედედებული რძე, დააყარეთ ერთი ჭიქა ფქვილი, ჩაახალეთ ორი მოzრდილი კვერცხი, 1 ს/კ გამაფხვიერებელი და კარგად აურიეთ.
• პერგამენტდაფენილ საცხობ ფირფიტაზე გამოაცხვეთ დაახლოებით 22 სმ დიამეტრის ზომის თხელი ფენები. 5-7 ცალი გამოგივათ.

კრემი:

• თასში კარგად, მიქსერით აურიეთ ყველი, შაქრის ფხვნილი და ვანილის ექსტრაქტი. შემდეგ დაასხიეთ ნაღები და კარგად შეურიეთ მასას.

      დაიწყეთ კრემის ფენებზე წასმა. თანაბრად გაანაწილეთ, ისე რომ თხლად წაუსვათ და პარალელურად, გვერდებზე მოსასმელადაც დაგრჩეთ კრემი.

      კრემწასმულ გვერდებს ქოქოსი დაფარავთ.

      თავზე, ტორტი მოსართავის ცელოფნით შემოავლეთ ერთი წრე.

      შეავსეთ ცოცხალი ჟოლოს მარცვლებით. ცოტა ხნით გადააფარეთ გამჭვირვალე მინის თასი რომ კარგად დარბილდეს.

გემრიელად მიირთვით!