ამ ათასწლოვანი ისტორიის მქონე ნუგბარის წინაპარი თურქული რაჰათ ლუქუმი ყოფილა...
მისი რეცეპტი კი სხვადასხვა საუკუნეში ხშირად იცვლებოდა...
QwellyNaRiA კი გთავაზობთ მარმელადის შედარებით თანამედროვე და მარტივ ევროპულ რეცეპტს...

შემადგენლობა:

1. შაქარი - 500 გრ
2. წყალი - 200 მლ
3. ფორთოხალი - 3 ცალი (გაფცქვნილ-გასუფთავებულ მდგომარეობაში უნდა იყოს 500-600 გ)
4. ლიმონი - 1ცალი (პატარა)

მომზადება:

• ფორთოხლებს ბოსტნეულის სათლელით თხლად ააჭერით კანი, თეთრი ნაწილი არ მიაყოლოთ, და დაჭერით წვრილ ჩხირებად.
• კანები ჩაყარეთ მდუღარეში და დაბალ ცეცხლზე ადუღეთ 20-25 წუთი, შემდეგ გადაიტანეთ საწურზე და ცივ წყალს მიუშვიურეთ სანამ მთლიანად არ გაცივდება. დაწურეთ ზედმეტი სითხისგან.
• შაქარს დაამატეთ წყალი და შემოდგით ცეცხლზე, რომ ადუღდება ცეცხლს დაუწიეთ და ადუღეთ თავახდილი 20 წთ.
• ამასობაში რბილობი კარგად გაასუფთავეთ თეთრი კანისგან და დაჭერით პატარა კუბიკებად, წვენი არ დაგეღვაროთ, შეაგროვეთ.
• 20 წუთიანი დუღილის შემდეგ შაქრიან სიროპში ჩაყარეთ ფორთოხლის კანები და კიდევ 20 წუთი ხარშეთ დაბალ ცეცხლზე, პერიოდულად ურიეთ, თავსახური კი მხოლოდ ნახევრად დააფარეთ ქვაბს.
• ამ დროის შემდეგ ჩაუშვით სიროპში დაჭრილი ფორთოხალი თავის წვენიანად და ჩააწურეთ ლიმონის წვენიც. განაგრძეთ ხარშვა თავახდილი,დაახლოებით 1 სთ.
• პერიოდულად ამოურიეთ.
• მზაობა შეამოწმეთ ასე: სიროპის რამდენიმე წვეთი დაასხით თეფშზე და გააგრილეთ, შემდეგ გასინჯეთ, თუ ძალიან თხევადია, განაგრძეთ ხარშვა, თუ სიბლანტე და სისქე გაკმაყოფილებთ, შეწყვიტეთ და ცხელი გადაიტანეთ მინის ქილაში.
• თუ ფორთოხალს ან ლიმონს (ან ორივეს) აქვს კურკები, სასურველია მოაგროვოთ, მარლაში გამოკრათ და ხარშოთ ნაყოფთან ერთად, შემდეგ კი გადააგდოთ. ეს ხელს უწყობს მარმელადს ჟელესებური კონსისტენციის მიღებაში.

თქვენი სურვილით, შეგიძლიათ მარმელადს დაამატოთ სხვადასხვა არომატი: ვანილი, ვისკი და ა.შ. მაგრამ ეს ბოლოს, როცა ცეცხლს გამოურთავთ.