წარმოიდგინეთ, სამსახურიდან სახლში დაღლილი მიხვედით, თერმომეტრი გარეთ 43 გრადუსს, ოთახში კი 32-35 გრადუს ტემპერატურას აჩვენებს, საშინლად გცხელათ და ამ დროს, საყინულეში გელოდებათ წითელი, ხავერდოვანი ნაყინი. უფრო ადვილი მოსამზადებელი, ვიდრე ნაყინის სენდვიჩი და უფრო გემრიელი, ვიდრე ლაზანია ან ბიზონი კანადურად.

      რა გასაკვრია, ეს ხომ სპეციალურად ქველინარიისთვის ქართულად თარგმნილი რეცეპტია.

შემადგენლობა:

• კვერცხის გული - 4
• შაქარი - 100 გრამი
• სიმინდის ფქვილი - 1 ს/კ
• რძე - 600 მლ.
• ვანილის ექსტრაქტი - ½ ჩ/კ
• სქელი ნაღები - 200 მლ.
• ნაღების ყველი (Cream Cheese) - 120 გ.
• შაქრის ფხვნილი (პუდრა) - 1 ს/კ
• წითელი "ჭიქის ნამცხვარი" - 2 ან 3 ცალი

მომზადება:

      საშუალო ზომის თასში მოათავსეთ 4 კვერცხის გული, დააყარეთ 100 გრამი შაქარი და 1 ს/კ სიმინდის ფქვილი და კარგად აურიეთ, ვიდრე ერთიან მასას არ მიიღებთ (გოგლი-მოგლი უნდა გმოგივიდეთ).

      გაზზე გააცხელეთ (არ აადუღოთ!) რძე. შეურიეთ ვანილის ექსტრაქტი. დაასხით თასში არეულ მასას ნელ-ნელა, ეტაპობრივად და პარალელურად ურიეთ კოვზით, კარგად რომ გაიხსნას კვერცხი რძეში და შემდეგ მთელი ეს მასა, ისევ ქვაბში გადაასხით, დადგით ცეცხლზე და განაგრძეთ მორევა ადუღებამდე. მთლიანი მასა უნდა გაყვითლდეს.

      შემდეგ დაუმატეთ ნაღები, აურიეთ და დადგით მაცივარში კარგად რომ გაცივდეს.

      თასში მოათავსეთ ნაღების ყველი, მოაყარეთ შაქრის ფხვნილი (პუდრა) და კარგად აურიეთ. დატოვეთ ოთახის ტემპერატურაზე.

      დაჭერით წითელი (ხავერდოვანი) ჭიქის ნამცხვრები (ტარტალეტკები) პატარა კუბიკებად და შეინახეთ მაცივარში.

      ელექტრონული კომბაინის (მიქსერის) თასი შედგით მცირეოდენი ხნით საყინულეში. კარგად რომ გაცივდება, გამოიღეთ, ააწყვეთ კომბაინი, ჩართეთ ნელ სიჩქარეზე და ჩაასხით მაცივარში გაციებული კვერცხისა და რძის მასა. 40 წუთის განმავლობაში უნდა აირიოს, ვიდრე სქელ, ნაყინისთვის შესაფერის მასას არ მიიღებთ.

      ამის შემდეგ ეტპობრივად გადაგაქვთ თასში

      პირველ რიგში ნაყინის მასა, უმატებთ ნაღების ყველის მასას, კარგად აურევთ, მოაყრით ნამცხვრის კუბიკების ნახევარს და ისევ აურევთ.

      შემდეგ კვლავ ნაყინის მასა, ნაღების ყველი, აურიეთ, კუბიკები და კვლავ აურიეთ.

      შედგით საყინულეში და კარგად გაყინეთ.

გემრიელად მიირთვით!