Qwelly

ქართლ-კახური ჩაქაფული

ბატკნის ჩაქაფული აღმოსავლეთ საქართველოს სიამაყეა.

ის უფლისციხესავით ძველი და გრემივით დიდებული, განსაკუთრებით საყვარელი ქართული უგემრიელესი კერძია. ტრადიციული სუფრის ნამდვილი მშვენება... ქველინარიის რეცეპტით

შემადგენლობა:

1. ბატკანი - 2კგ (უმჯობესია თუ არ იქნება ძალიან ქორფა, გამოიყენეთ ბატკნის რბილი ხორცი);
2. თეთრი ღვინო -500 მლ;
3. ტყემალი - 1 ჭიქა;
4. ქინძი - 4 კონა;
5. ოხრახუში - 2 კონა;
6. ტარხუნა - 6 კონა;
7. წიწმატი - 2 კონა;
8. მწვანე ხახვი - 4 კონა;
9. ნიახური ძალიან ცოტა;
10. კახური გრძელი წიწაკა - 1 ცალი;
11. მარილი - გემოვნებით.

მომზადება:

1. ბატკნის ხორცი გარეცხეთ, დაჭერით საშუალო ზომის ნაჭრებად (თუ ძვლიანია ძვლიანად) და ჩააწყვეთ ქვაბში, იქვე დაუდეთ ცოტაოდენი წვრილად დაჭრილი დუმის ქონი.

ხარშეთ ძალიან დაბალ ცეცხლზე.

არ დაუმატოთ წყალი, ადუღეთ საკუთარ წვენში.

თუ ხორცის მომზადებამდე წვენი ამოშრა დაუმატეთ ღვინო.

როდესაც ხორცი მზად იქნება და წვენი ამოშრება დაუმატეთ ისევ ცოტა ღვინო და ალყად დაჭრილი ხახვი.

2. დაჭერით მწვანილები (ქინძი, ოხრახუში, წიწმატი, მწვანე ხახვი, ნიახური, წიწაკა) და აურიეთ ერთმანეთში.

მომზადებულ ხორცს ეს ყველაფერი დაადეთ ფენად.

დაუმატეთ ტყემალი, ტარხუნის ფოთლები და მარილი.

ეს ყველაფერი დააყარეთ ისე რომ ხორცი არ ჩანდეს, დააფარეთ და ადუღეთ ძალიან დაბალ ცეცხლზე.

მზად რომ იქნება წამოდუღდება და ზემოდან მოადგება ქაფი, მაგრამ მაშინვე არ მოხადოთ.

ქაფის გამოჩენიდან 15-20 წუთში კერძი მზად იქნება.

ტეგები: Qwellynaria, რეცეპტი, ტარხუნა, ქველინარია, ჩაქაფული, ხორცეული

მომწონს