ცხელი, ცეცხლოვანი და ცხარე... ასე ახასიათებენ ამ კერძს ინდოეთში და არამარტო იქ...

Vindaloo - ეს არის ინდური, ტრადიციული კერძი გოას რეგიონიდან

ეს სახელწოდება უკავშირდება ერთ პორტუგალიულ კერძს - Carne de Vinha d’Alhos - ხორცი, ღვინო და ნიორი

მუმბეის სამზარეულოს თუ გადავხედავთ ამ კერძის სხვადასხვა ვარიაცას აღმოვაჩენთ...

მართლაც მისი მომზადება შესაძლებელია ღორის, ცხვრის ასევე ძროხის ხორცით, ქათმით, კრევეტებით და სოკოთიც კი... 

ეს კერძი დიდი პოპულარობით სარგებლობს როგორც აზიის, ასევე დანარჩენი მსოფლიოს ინდურ რესტორნებში... სადაც ამ კერძის ნებიესმიერი ვარიანტი შეგიძლიათ დააგემოვნოთ

მაგრამ მაინც...  როგორც ერთმა იტალიელმა ფოტოგრაფმა გამოიკვლია ინდოელი ბებიები Vindaloo_ს ქათმისგან ამზადებენ...

ამიტომაც QwellyNaRiA ენდობა ბებიების მრავალწლიან გამოცდილებას და გთავაზობთ Vindaloo_ს ქათმით მომზადებით რეცეპტს

შემადგენლობა:

1. ქათმის ფილე - 3 ცალი
2. ხახვი - 3 ცალი (დიდი ზომის)
3. ცოცხალი მწარე წიწაკა - 3 ცალი (2 წითელი, 1 მწვანე)
4. ნიორი - 6 კბილი
5. დანაყული ჯანჯაფილი - 2 ს/კ
6. ტურმერიკი - 1 ს/კ
7. თეთრი ღვინის ძმარი - 2 ს/კ
8. ქინძის სუნელი - 1 ს/კ
9. გარამ მასალა - 1 ს/კ (ინდური სანელებელი)
10. დარიჩინი - ½ ს/კ
11. პილპილის მარცვლები - 1.5 ს/კ
12. შავი მდოგვის თესლი - 1 ს/კ
13. მარილი - ½ ს/კ
14. დაჭრილი ცოცხალი ქინძი -  1 ს/კ
15. წყალი - ნახევარი ჭიქა
16. მცენარეული ზეთი

მომზადება:

• აიღეთ სქელძირიანი ტაფა, დაასხით მცენარეული ზეთი, იმდენი რომ დაფაროს ტაფის ძირი
• დაჭერით ხახვი წვრილ რგოლებად და ჩაყარეთ გაცხელებულ ტაფაში და დაუწიეთ ცეცხლს, დაახლოებით 3 წუთი შუშეთ, შემდეგ მოურიეთ,
• დაამატეთ ძმარი, შემდეგ დაიწყებს შიშხინს და აორთქლდება, მოურიეთ და შუშეთ კიდევ რამდენიმე წუთით, სანამ არ მიიღებთ ყავისფერს (არ დაწვათ!)
• მოშუშული ხახვი გადაიტანეთ თასში, ზეთი კი დატოვეთ ტაფაში. შემდეგ ხახვი გადაიტანეთ ბლენდერში დაამატეთ 1 ს/კ ზეთი და დააბლენდერეთ, სანამ არ მიიღებთ სქელ, ყავისფერ საწებელს (ეს არის ხახვის მარტივი საწებელი, რომელიც აძლევს გემოს ამ კერძს და მისი მთავარი ნაწილია)
• წიწაკას გამოაცალეთ თესლი, დაჭერით ნიორთან ერთად და მოათავსეთ ბლენდერში, დააბლენდერეთ სანამ არ მიიღებთ თხელ, მარცვლოვან საკაზმს. დაამატეთ ტურმერიკი, ქინძის სუნელი, გარამ მასალა და დარიჩინი.
• კარგად მოურიეთ რომ ყველაფერი გაიხსნას.
• დანაყეთ პილპილის მარცვლები, დაამატეთ მდოგვის თესლი, მარილი და განაგრძეთ დანაყვა სანამ ერთგვაროვან ფხვნილს არ მიიღებთ
• აიღეთ ქვაბი, ჩაასხით ზეთი, დაამატეთ ნიორისა და წიწაკის საწებელი. (საწებელი უნდა ტივტივებდეს ზეთზე და არ უნდა ეხებოდეს ქვაბის ძირს)
• როცა საწებელი გაცხელდება და ბუშტუკები გაუჩნდება დაამატეთ დაჭრილი ხორცი და ურიეთ სანამ ხორცი მთლიანად შეიწოვს საკაზმს და ყავისფერ ფერს მიიღებს (ხორცი ბოლომდე უნდა მომზადდეს) ბოლოს დაამატეთ ხახვის საკაზმი, კარგად მოურიეთ, დაამატეთ წყალი და დაუწიეთ ცეცხლს და მოამზადეთ კიდევ რამდენიმე წუთი.