უდიდესი მოძღვარი იოანე ოქროპირი 407 წელს გარდაიცვალა ქალაქ კომანში, გადასახლების ადგილისაკენ მიმავალ გზაზე. სარწმუნოების დამცველ იოანეს ბევრი მტრობდა. ამათგან ერთ ერთი უძლიერესი იყო დედოფალი ევდოქსია. მისი ბრძანებით ჩამოაცილეს წმიდა მღვდელმთავარი სამწყსოს.

იოანე ოქროპირის უდროო გარდაცვალებამ, ძალიან დაამწუხრა ქრისტიანები. კონსტანტინეპოლელ პატრიარქს პროკლეს სთხოვეს, მეფესთან შუამავლობა, წმიდა მამის ნაწილების კონსტანტინეპოლში გადმოსვენების შესახებ. იმპერატორმა თეოდოსი II-მ ,(408-450) თანხმობა განაცხადა, კომანში სიწმიდის გადმოსასცვენებლად გაგზავნილებმა წმინდა მამის კუბო ვეღარ ასწიეს . იმპერატორი მიხვდა თავის დანაშაულს და დაწერა ეპისტოლე, რომელშიც წმიდანს თავისი დედისა და საკუთარი ცოდვების შენდობას სთხოვდა. როცა ეპისტოლე წმიდა კუბოსთან წარმოთქვეს, ის შემსუბუქდა და ადვილად ასწიეს. იოანე ოქროპირის წმინდა ნაწილების გადასვენება კომანიდან კონსტანტინეპოლში 438 წელს მოხდა. სიწმიდე დიდმოწამე ირინეს სახელობის ტაძარში დაასვენეს. როცა პატრიარქმა ლუსკუმა გახსნა, მღვდელმთავრის ცხედარი უხრწნელი აღმოჩნდა. მეფემ მუხლი მოიყარა მის წინაშე და ცრემლებით ითხოვა შეწყალება. დილით კუბო წმიდა მოციქულთა ტაძარში იქნა გადასვენებული. მრევლმა შესძახა: „მიიღე შენი ტახტი, მეუფე!“ პატრიარქმა და კუბოსთან მდგარმა ღვთისმსახურებმა კი დაინახეს, რომ მღვდელმთავარმა ბაგეები გახსნა და წარმოთქვა „მშვიდობა ყოველთა!“

◄ გუშინ | დღეს | ხვალ ►