რატომ გგონია წყალს არ შავასმევ

წყაროზე ჩასულ ჭაბუკს,

წყალსაც დალევს და თუ ამოვარდა

გაუმკლავდება ქარბუქს.

დაგეხმარები თუკი გწადია,

სურვილის მავკლავ მახრას,

შეყვარებული კაცის სხეული

რომ ვერასოდეს დახრას.

ნუ გეშინია მურმან-ბატონო

ცოლ-შვილს არ გაგყრი ძალით,

ა ეგ გულწრფელი სიტყვები გახლავს

პატარა, ციცქნა ქალის.

ტყუილად გგონავ წყალს არ შავასმევ

წყაროზე ჩასულ ჭაბუკს,

წყალსაც დალევს და თუკი დასჭირდა

შაერკინება ქარბუქს.

ოთარ რურუა