ამ უსასრულო სამყაროში ადამიანი მინიატურაა, მაგრამ ის საკმაოდ ძლევამოსილია, რომ თავისი ქმედებებით ეს სამყარო შეცვალოს და გარდაქმნას.ადამიანი ის არ არის, ვისაც სამარე დაიტევს, არამედ ის, ვისაც თვით სამყაროც ვერ იტევს.ის ხომ უფლის ქმნილება...აქ, დედამიწაზე, ადამიანისთვის შესაძლებელი სრულყოფილება - მხოლოდ სრულყოფილებისაკენ განუწყვეტელ და გამუდმებულ მისწრაფებაში მდგომარეობს.ჩვენი სრულყოფილებაც ხომ სრულყოფის განუწყვეტელი პროცესია.ადამიანი ღმერთი არ არის; მაგრამ მისი არსებობის მიზანი, უფლის მცნების მიხედვით, ღვთის მსგავსებაა ( მათე 5, 48).რისთვის შეიქმნა ადამიანი? იმისათვის, რომ მას, ღვთის ქმნილებათა შემმეცნებელს, ღმერთი ეხილვა და ედიდებინა იგი,მხოლოდ ადამიანისას ისმენს ღმერთი; მხოლოდ ადამიანს უჩნდება ღმერთი. კაცთმოყვარეა ღმერთი; სადაც არ უნდა იყოს ადამიანი, ღმერთიც იქვეა. მხოლოდ ადამიანია ღვთის ღირსეული თაყვანისმცემელი. ადამიანის გამო ფერისმცვალებლობს ღმერთი..ამიტომ ყოველთვის იყავი ღმერთთან, თუკი გინდა, რომ ღმერთიც შენთან იყოს.რადგან შენ ნახშირი ხარ - ადამიანო, უფალი კი - შენი ალი და ნათელი...