როგორც ჩანს კორონა აქციებზე არავის გადაედება, ამიტომ არჩევნების შედეგების გაპროტესტება არ მთავრდება და კიდევ უფრო მასშტაბური აქციებია დაანონსებული. პარალელურად, კორონამ უკვე 50K-ს გადააბიჯა და უფრო წინ მიიწევს უზარმაზარი ნაბიჯებით - კორონავირუსის დადასტურებული შემთხვევა - 51993, გამოჯანმრთელებული - 37019, გარდაცვლილი - 423, კარანტინში - 3094. დოლარი 3.3613 ლარი ღირს.

საქართველოს და მსოფლიოს ამბები / 6 ნოემბერი, 2020

      #Covid19GEO - საქართველოში კორონავირუსის 2775 ახალი შემთხვევა დაფიქსირდა, საიდანაც 1044 თბილისში, 503 აჭარაში და 526 იმერეთში გამოვლინდა. 22 ადამიანი გარდაიცვალა. თბილისის მეტროსადგურებში, პიკის საათებში, მგზავრთა ნაკადის კონტროლი დაიწყო. შსს - საპატრულო პოლიცია კორონავირუსის გავრცელების წინააღმდეგ მოქმედი წესებისა და რეკომენდაციების აღსრულების მიზნით აქტიურ მონიტორინგს აგრძელებს. ირაკლი ოქრუაშვილს კორონავირუსი დაუდგინდა. რუსთავში ორშაბათიდან ყველა ბაგა-ბაღი იხურება. „კლინიკა ნიუმედი“ დასაქმებულებს და სტუდენტებს Covid 19-ის დიაგნოსტიკას უფასოდ ჩაუტარებს. ჯანდაცვის მინისტრის განცხადებით, ქვეყანაში კორონავირუსის სამკურნალოდ 68 კლინიკაში 5 116 საწოლია მობილიზებული. ამირან გამყრელიძის განცხადებით, ბოლო 24 საათში კორონავირუსის ახალი დადასტურებული შემთხვევების 74% სიმპტომიანი პაციენტია. სახელმწიფოს მიერ შემოტანილ გრიპის ვაქცინაში თანხის აღება არის დანაშაული. წერტილოვანი შეზღუდვების დაწესების კიდევ უფრო მეტი საჭიროებაა. კორონავირუსის მართვაში შესაძლოა, სტომატოლოგებმაც მიიღონ მონაწილეობა. პაატა იმნაძის განცხადებით, თუ მოსახლეობა რეკომენდაციებს არ დაიცავს, „ტრაგიკული შემთხვევები, რომელიც თითო-ოროლა არის, გაცილებით მეტი იქნება“. დღეს, 125 ავად გამხდარიდან ერთი იღუპება, რამდენი 125-ით მეტი ინფიცირებული იქნება, იმდენით მეტი ადამიანი დაიღუპება. ოკუპირებულ ცხინვალში კორონავირუსის 61 ახალი შემთხვევა გამოვლინდა. კორონავირუსით ინფიცირებულთა მართვის პროცესში სამედიცინო ფაკულტეტების დამამთავრებელი კურსების გადამზადებული სტუდენტები და მოხალისე ექიმები ერთვებიან. გიორგი გახარია - ვიცავდი ყველა წესს, თუმცა, როგორც ჩანს, კიდევ უფრო მეტი ყურადღება უნდა გამომეჩინა და ეს არის კიდევ ერთი მაგალითი ჩვენი თითოეული მოქალაქისთვის. მსოფლიო პრაქტიკა აჩვენებს, რომ 90 პროცენტი კოვიდ ინფიცირების შემთხვევების იმართება ბინაზე, ეს საუკეთესო ევროპული პრაქტიკაა. საქართველოს მასშტაბით, მესამე და მეოთხე ემერჯენსის ლიცენზიის მქონე კლინიკები კოვიდ ინფიცირებულებს მიიღებენ.

      არჩევნების საპროტესტო აქციები - „ნაციონალური მოძრაობის“ მხარდამჭერებმა ცესკოს მიმართულებით ავტოკოლონებით მსვლელობა გამართეს. სახალხო დამცველი შექმნილ ეპიდემიოლოგიურ ვითარებასა და მიმდინარე საპროტესტო აქციებთან დაკავშირებით საგანგებო მიმართვას ავრცელებს - პოლიტიკურ პარტიებს მოუწოდებს, საპროტესტო აქციების ორგანიზების პროცესში უზრუნველყონ ვირუსის გავრცელების პრევენციისთვის დადგენილი ყველა წესის და შეზღუდვის განუხრელად დაცვა. სერგი კაპანაძის განცხადებით, ხელისუფლება კორონავირუსით დაავადებულთა რაოდენობით მანიპულირებს და ამით აპირებს მოსალოდნელი შეზღუდვების გამართლებას. მამუკა ტუსკაძე ცესკოს თავმჯდომარის თამარ ჟვანიას წინააღმდეგ პროკურატურაში სარჩელს შეიტანს. თამარ ჩუგოშვილი - ცესკო საზოგადოების თვალში ჩანს როგორც არჩევნების გამყალბებელი - თუ ოქმებში, ბიულეტენებში ყველაფერი სწორადაა, გადათვალონ, რა პრობლემაა? თამარ ჩუგოშვილი - ცესკომ უნდა გაიგოს, რომ გაყალბება სისხლის სამართლის დანაშაულია და ციხით მთავრდება - თუ არ გავაკეთებთ იმას, რაც კანონში წერია, ამ წრიდან ვერ გამოვალთ. აქტივისტების განცხადებით, ივანიშვილის ბიზნესცენტრთან, სადაც "გაერთიანებული ოპოზიცია“ აქციას მართავს, გასროლის ხმა იყო. ეკატერინე ტიკარაძე - ოპოზიციასთან მიმართებაში მზად ვართ დავსხდეთ მოლაპარაკების მაგიდასთან. აქციები დასტაბილურებულ სიტუაციას კვლავ რისკის ქვეშ აყენებს. ლევან სამუშია - დიდუბე-ჩუღურეთის ოლქში 99 უბანი იყო და 88 ოქმზე ბალანსი არ დაჯდა, სწორედ ამიტომ, სასამართლოში სარჩელი შევიტანე. საია - მიუხედავად იმისა, რომ 79-ვე უბნის შემაჯამებელ ოქმებთან დაკავშირებით კითხვის ნიშნები არ მოხსნილა, სასამართლოში 38 უბნის შედეგებს გავასაჩივრებთ, რაც ჯამში 60-მდე შემაჯამებელ ოქმს მოიცავს. მამუკა მდინარაძე - მიხეილ სააკაშვილი როლშია შესული და გავლენების მქონე პირის როლს თამაშობს. "ლელო” - 31 ოქტომბრის არჩევნები ტოტალურად გაყალბდა. „ქართული ოცნების“ საარჩევნო სიის წევრის, შალვა პაპუაშვილის განცხადებით, არჩევნების გაყალბებასთან დაკავშირებით დეზინფორმაცია ვრცელდება. თორნიკე რიჟვაძე - არავითარი პრობლემა არ გვაქვს აქციებთან, პატივი ვცეთ ადამიანების ჯანმრთელობას და სიცოცხლეს. ოთარ კახიძე - 969 უბანზე არჩევანი გარეთ კეთდებოდა და მოქალაქეებს უკვე შემოხაზულ ბიულეტენებს ატანდნენ. მამუკა მდინარაძე - სირცხვილია, რომ გიორგი ბარამიძე იყო ქვეყნის შს მინისტრი და დღეს პოლიციელის მუნდირის შეურაცხყოფას ცდილობს. ალიკა კუპრავა - გაბათილებულია უპრეცედენტოდ მაღალი - 146 192 ბიულეტენი. თენგიზ ცერცვაძე - პოლიტიკურ პროცესებს ხელს ვერ შევუშლით, მაგრამ დაიცვან ელემენტარული რეგულაციები. მამუკა ხაზარაძე - “ლელო” და „ლელოელები“ ვერ დავმარცხდებით, რადგან ჩვენსკენაა სიმართლე, ჩვენთანაა ეროვნული იდეა და ჩვენია საქართველოს მომავალი! გიორგი გახარია ოპოზიციაზე - მოქალაქეებმა 9 პარტიას მისცეს მანდატი, შესულიყვნენ პარლამენტში და ქვეყნის მომავალზე ეზრუნათ და თუ არ გვეხმარებიან, ხელს მაინც ნუ გვიშლიან. პრემიერი - იძულებულები ვიქნებით გარკვეული ღონისძიებები მივიღოთ, თუმცა არა გამოხატვის თავისუფლების შეზღუდვის ნაწილში, არამედ გავაგრძელებთ წერტილოვან შეზღუდვებს. ნინო ლომჯარია - ცალკეულ შემთხვევებში, რაც საარჩევნო უბნებზე მოხდა, არჩევნების ფალსიფიცირება და გაყალბება ჰქვია, რაშიც სისხლის სამართლის დანაშაულის ნიშნებს ვხედავ. თამარ გაბუნია - ხალხმრავალი აქციები პირდაპირ კვებავს ეპიდემიას - ინფიცირების დიდი წილი პირდაპირპროპორციულ კავშირშია აქციებზე მაღალ აქტივობასთან.

      ნარკობარონები სიყვარულის ქალაქში - სიღნაღში 6 კილოგრამზე მეტი ჰეროინი ამოიღეს.

საზღვარგარეთულები:

      #WorldCorona2020 - სომხეთში კორონავირუსის 2 210 ახალი შემთხვევა გამოვლინდა და 30 ადამიანი გარდაიცვალა. რუსეთში კორონავირუსის 20 582 ახალი შემთხვევა გამოვლინდა და 378 პაციენტი გარდაიცვალა. რუმინეთი „კომენდანტის საათს“ აწესებს და სკოლებს ხურავს. გერმანიაში კორონავირუსის 21 506 შემთხვევა დადასტურდა და 166 ადამიანი გარდაიცვალა.

      ომი ყარაბაღში - სომხური მედია - აზერბაიჯანის მიერ ქალაქ შუშის დაბომბვას სამი მშვიდობიანი მოქალაქე ემსხვერპლა. აზერბაიჯანის გენერალური პროკურატურა - სომხეთის მიერ დასახლებული პუნქტების დაბომბვის შედეგად 92 მშვიდობიანი მოქალაქეა დაღუპული.

      პუტინი რჩება - დიმიტრი პესკოვი - ვლადიმერ პუტინის გადადგომაზე ინფორმაცია სრული სისულელეა - მისი ჯანმრთელობის მდგომარეობა შესანიშნავია.

      დაუსრულებელი არჩევნები - ჯო ბაიდენი - ეჭვი არ გვეპარება, ხმების დათვლის დასრულების შემდეგ გამარჯვებულად გამოგვაცხადებენ. CNN - ჯორჯიის შტატში ჯო ბაიდენი 917 ხმით ლიდერობს. დონალდ ტრამპის საარჩევნო კამპანიის ხელმძღვანელი - არჩევნები ჯერ არ დამთავრებულა, როგორც კი დასრულდება, პრეზიდენტი ტრამპი იქნება მეორე ვადით არჩეული. ჯო ბაიდენი დონალდ ტრამპს პენსილვანიის შტატშიც უსწრებს.