რამდენი წამია ერთ წუთში? როგორც სკოლაში მასწავლიდნენ და ყველამ ვიცით სამოცი უნდა იყოს. რამდენი წამი გამოდის 1 საათში? 60 X 60 ხო? არც ისე პატარა ციფრია არა? შემდეგ რამდენი წამია დღეში, ერთ დღე-ღამეში, კვირაში, თვეში, წელიწადში.... ძალიან ბევრი წამი გამოდის.

      მაგრამ ერთი წამი რა არის? არის ერთი...

      საათის ერთი "წიკ";

      კლავიატურის ღილაკზე ერთი "წკაპ";

      მუსიკალური ნოტის ერთი გაჟღერება;

      მერცხლის ერთი "ჭიკ";

      კატის ერთი "მიაუ";

      ერთი გამოხედვა;

      ერთი ღიმილი;

      თვალიდან გადმოვარდნილი ერთი ცრემლი;

      ერთი მოფერება;

      ერთი ჩამოვარდნილი ფოთოლი;

      მზის სხივის ერთი გაელვება;

      ციდან ჩამოვარდნილი წყლის ერთი წვეთი;

      ერთი გადადგმული დაბიჯი;

      ერთი კაკუნი კარზე;

      თვალის ერთი დახამხამება;

      ერთი აღტაცება;

      ერთი სიხარული;

      მხატვრის მიერ ქაღალდზე გავლებული ერთი ხაზი, ერთი ფერი....

      ...და კიდევ ერთი ჩახუტება; ერთი "მაპატიე"; ერთი "მიყვარხარ"...

      წარმოგიდგენიათ ან დაფიქრებულხართ იმაზე საათის რამდენ "წიკ-წიკ"-ს ჩაუვლია ჩვენს თვალწინ სიხარულის, ღიმილის, პატიების, მოფერების, ჩახუტების ან სიყვარულის გარეშე, რამდენი წამი გაგვიტარებია უმოძრაობაში... რომ გამოვთვალოთ ბევრი წამი დაგვიკარგავს, არა?! ამ დროს მთელი ცხოვრება იმაზე წუწუნია, რომ ცხოვრება ხანმოკლეა... წუწუნი იმაზე, რომ ბედნიერებას ხანგრძლივი ძიება სჭირდება, რომ რთულად აღმოსაჩენია, თითქოს რომელიმე კუნძულზე გადამალული განძი იყოს...

      ზოგჯერ კი ისე დაგვისვამს წერტილი ცხოვრებაში, რომ წერტილამდე სულ კითხვის ნიშნებია... საყვედურებია... უკმაყოფილო განცხადებები და მუდამ ეს კითხვა:

      - სადა ხარ ბედნიერებავ, სად?!

ამ დროს ერთადერთი პასუხია კითხვაზე:

      - აქა ვარ აქ, უბრალოდ შენ მუდამ სხვაგან მეძებდი!