ორ ათეულ წელზე მეტია, უძველესი იაპონიის, ასევე ძირძველ, ისტორიულ სოფელში - ინაკადატე (Inakadate) - ბრინჯის პლანტაციებია გაშენებული. ცხადია, ამაში გასაოცარი და ახალი არაფერია, როდესაც მთელი იაპონია ბრინჯის მოყვანით არის ცნობილი. საქმე ის გახლავთ, რომ აქ ბრინჯის პლანტაციები მოლბერტად გვევლინება, რომელზეც ხელოვნების უმშვენიერესი ნიმუშები „ამოიქარგება“ ხოლმე.

      1993 წლიდან, ინაკადატეს ფერმერებმა გადაწყვიტეს ტურისტებისთვის უფრო მიმზიდველი გაეხადათ თავიანთი სოფელი, და რაც მოიფიქრეს ეს იყო - დაიწყეს, სხვადასხვა ფერის ბრინჯებით კომპოზიციების შექმნა 15 კვ/მ „მიწის“ ფართობზე (იცით, ალბათ, ბრინჯი ჭაობში იზრდება და არა მიწაზე). ყოველი წლის აპრილში, სპეციალური კომისია დგება, რომელიც მომდევნო წლის „ნახატის“ შედგენაზე მუშაობს, ითვლის საჭირო მარცვლეულ/მცენარეულს, ითვლის დარგვის ხანგრძლივობას, დროს, ფერებს და ა.შ. როგორც წესი, ნამუშევრები, იაპონიის ისტორიიდან სხვადასხვა სიუჟეტებს ასახავს, ან იაპონურ ლეგენდებს და ა.შ.

ნახატები ბრინჯის მინდვრებზე

      იაპონელები უზომოდ პატრიოტი ადამიანები არიან და ეს მინდორიც, ამის ერთ-ერთი დადასტურებაა. იხილეთ ასევე:

• პატრიოტიზმი და კანალიზაცია