ჩეხეთში, სამხრეთ მორავიის ერთ პატარა სოფელში (ლუვკა, Louka), ერთი ქალბატონი თავის პიროვნულ მისიად მიიჩნევს სოფლის მკიდვრთა, მეზობელთა სახლების და კარმიდამოს გალამაზებას. ეს არა მხოლოდ გამოცხადებული და შორი მიზნების მისია გახლავთ, არამედ, ყოველდღიურ ცხოვრებაში განხორციელებული. ამაში ახალი და გასაკვირი არაფერია. რამდენი ადამიანი ცდილობს ცხოვრება გაულამაზოს სხვებს?! (კარგი იქნებოდა, ამას სანაცვლოს მიღების გარეშე ცდილობდნენ, მაგრამ მაინც).

      აგნეს კასპარკოვას (Agnes Kasparkova) გამორჩეულობა კი სწორედ იმაშია, რომ

ა. ის 90 წლისაა;
ბ. სწორედ რომ უსასყიდლოდ მუშაობს და სოფლის მეურნეობიდან გამოთავისუფლებულ დროს თავისი მშობლიური მიწის გალამაზებას ანდომებს.

      ვაგრძელებ რა პატრიოტიზმის თემას, გთავაზობთ ნამუშევრებს, რომელთა შთაბეჭდილება მართლაც ძალიან დიდია. და ვიქნები ბანალური და ვიტყვი, ასაკი არაფერს ნიშნავს, როცა მართლა გიყვარს!

პატრიოტული სულის მხატვარი ჩეხეთიდან