Qwelly, ბლოგი, განხილვა, მწერლები, რემარკი, ქველი

      ერიხ მარია რემარკი (Erich Maria Remarque), გერმანელი მწერალი დაიბადა 1898 წელის 22 ივნისს, ქალაქ ოსნაბრიუკში (ქვედა საქსონია). სწავლობდა საეკლესიო სკოლაში, კათოლიკურ სამასწავლებლო სემინარიაში, შემდეგ კი პირველი მსოფლიო ომი დაიწყო, ჯარში გაიწვიეს, დასავლეთის ფრონტზე გაგზავნეს. 1917 წელის ივლისში რემარკი მძიმედ დაიჭრა ყუმბარის აფეთქებისას, ომის დასრულებამდე ჰოსპიტალში მკურნალობდა. რემარკს რამდენიმე სასიყვარულო რომანი ჰქონდა, ყველაზე გახმაურებული – სახელგანთქმულ მსახიობ მარლენ დიტრიხთან, რომელიც 1937 წელს გაიცნო (მათი სასიყვარულო მიწერ–მოწერა 2000 წელს წიგნად გამოიცა). 1925 წელს იგი ჩავიდა ბერლინში, აქ მას შეუყვარდა პრესტიჟული ჟურნალის რედაქტორის ქალიშვილი, მოცეკვავე ქალი ილზე (იუტა) ზამბონა. რომლის ქორწინებასაც აფერხებდნენ გოგონას მშობლები, თუმცა რემარკმა მიიღო ჟურნალში რედაქტორის თანამდებობადა მალე ცოლადაც მოიყვანა იუტა, რომელიც ტუბერკულოზით იყო ავად, იგი შემდეგ რემარკის ლიტერატურული გმირი ხდება რომანი "სამი მეგობარი". გაქალაქებულჟურნალისტს ისე ეჭირა თავი თითქოს თავისი "უჩინო წარსულის" დავიწყებას ცდილობდა: იცვამდა ელეგანტურად, იუტასთან ერთად ხშირად სტუმრობდა თეატრს, დიდ საკონცერტო დარბაზებს, მოდურ რესტორნებს... 500 მარკად იყიდა ბარონის ტიტული გაღარიბებული არისტოკრატისგან. 1958 წელს რემარკს ცოლად მოყავს ჩარლი ჩაპლინის ყოფილი მეუღლე, ჰოლივდის მსახიობი – პოლეტ გოდარი. ისინი ამერიკაში დაქორწინდნენ, ერთად ბრუნდებიან შვეიცარიაში და სიკვდილამდე ერთად ცხოვრობდნენ. რემარკმა სიცოცხლის უკანასკნელი ორი წელი, პოლეტთან ერთად, რომში გაატარა. 1970 წელის ზაფხულში მას გულმა უმტყუნა (უკვე მესამედ). იგი დააწვინეს ლოკარნოს საავადმყოფოში, სადაც 25 სექტემბერს გარდაიცვალა. დაასაფლავეს შვეიცარიაში უბრალოდ, ყოველგავრი ცერემონიის გარეშე. მარლენმა გამოგზავნა ვარდები... პოლეტმა ისინი საფლავზე არ დადო...

      ერიხ მარია რემარკი XXI საუკუნის ერთ–ერთი ყველაზე ცნობილი გერმანელი მწერალია. მისი რომანები უფროსი და საშუალო თაობის ქართველი მკითხველისთვის მეტად ახლობელი იყო, თუმცა ახალგაზრდა თაობას სამწუხაროდ, ხშირ შემთხვევაში, მისი სახელიც კი არ გაუგია. ვეცდილობ საკმაოდ მკაფიოდ გაგაცნოთ რემარკის ბიოგრაფია და მოგითხოთ მისი რომანების შესახებაც, დიდი იმედი მაქვს დაინტერესდებით.

რემარკი და მისი რომანები

  1. "ოცნებების მანსარდა" – 1920
  2. "გემი" – (დაუმთავრებელი რომანი, გამოქვეყნდა 1998 წელს).
  3. "სადგური ჰორიზონტზე" –1927
  4. "დასავლეთის ფრონტი უცვლელია" – 1929 (ეკრანიზაცია–1930, რემარკი ამბობდა რომ ეს წიგნი "თავისით დაიწერა" ნახევარი წელი ედო მაგიდაზედა არ იცოდა რომ შექმნა საუკეთესო ნაწარმოები ომსა და თავის ცხოვრებაზე. )
  5. "დაბრუნება" – 1930
  6. "სამი მეგობარი" - 1936 (ეკრანიზაცია 1938. ეს რომანი პასუხობს მრავალ კითხვას, რომელიც ხშირად ჩვენც გვიჩნდება ჩვენ ცხოვრებაში, მაგალითად: რა არის ნამდვილი მეგობრობა? სიყვარული? ცხოვრების ალღოს უნარი? რას ნიშნავს იყო მარტოხელა? არის თუ არა ფული თავისუფლება, თავისუფლება კი – სიცოცხლე? უნდა დამორჩილდე თუ არა ბედს? ადვილი იქნებოდა თუ არა ცხოვრება, მას თავად ადამიანი რომ არართულებდეს? რას ნიშნავს იყო მდიდარი? ამ კითხვებზე პასუხი ძალიან ცოტაა, იმასთან შედარებით, რასაც ამ წიგნიდან მიიღებს მკითხველი).
  7. "გიყვარდეს მოყვასი შენი" – 1941
  8. "ტრიუმფალური თაღი" – 1945 (მწერალმა დაწერა რომანი რომლის მთავარო გმირი ჟოან მადუ, მარლენის პროტოტიპი იყო).
  9. "სიცოცხლის ნაპერწკალი" – 1952 (ეს იყო პირველი წიგნი, რომელიც მას თვითონ არ განუცდია – ნაცისტურ საკონცენტრაციო ბანაკზე).
  10. "ჟამი სიცოცხლისა და ჟამი სიკვდილისა" – 1954 (ეკრანიზაცია 1958. ესაა საოცრად ამაღლებული, ნატიფი და გულში ჩამწვდომი ამბავი სიყვარულისა. რემარკისთვის გიყვრდეს და იცოცხლო სინონიმებია, სიცოცხლის მთავარი პრობლემა – სიკვდილია! სიცოცხლეს მხოლოდ სიყვარული ამართლებს და ასულდგმულებს! ეს რომანი ერთი ამოსუნთქვით იკითხება).
  11. "შავი ობელისკი" – 1956
  12. "ნასესხები სიცოცხლე" – 1961
  13. "ზეცას არ ჰყავს ფავორიტები" – 1961
  14. "ღამე ლისაბონში" – 1962
  15. "აჩრდილები სამოთხეში" – (შემოკლებული და გადამუშავებული ვარიანტი დაუმთავრებელი რომანისა "აღთქმული ქვეყანა". გამოქვეყნდა 1971 წელს).
  16. "აღთქმული ქვეყანა"– (დაუმთავრებელი რომანი, გამოქვეყნდა 1998 წელს).

      რემარკის მოთხრობები

  1. "ახალგაზრდა ოქროსფერთვალებიანი ქალი" – 1919 (პირველი მოთხრობა)
  2. "მდუმარება ვერდენის ირგვლივ"– 1930
  3. "მტერი" – 1931
  4. "კარლ ბრეგერი ფლერიში" – 1931
  5. "იოზეფის ცოლი" – 1931
  6. "ანეტას სიყვარულის ამბავი" – (კრებული გამოქვეყნდა1997 წელს).

      რემარკის პიესა

  1. "უკანასკნელი აქტი" – 1955

      რემარკის კონოსცენარი

  1. "ბოლო გაჩერება" – 1956

      რემარკი ხშირად ექცეოდა კრიტიკის ქარცეცხლში, ყოველ მის რომანს მოყვებოდა როგორც დაგმობა და უარყოფა, ასევე დიდება და პოპულარობა. რემარკის ფრაზები იმდენად მრავლისმთქმელია, რომ მათ დრო ვერაფერს დააკლებს. რემარკს არ აქვს "ჰეფი ენდი" – რემარკი სასტიკია, ცხოვრებასავით... რემარკი საოცარი რეალიზმით, საოცარი დამჯერებლობით აღწერს თავისი გმირების ტრაგიკულ ხვედრს და მის ნაწერში ცხოვრებას ეს ტრაგიზმი თითქოს ახალგანზომილებას სძენს, ადამიანურობისა და სიყვარულის ჰიმნად იქცევა.

ნახვა: 2709

ტეგები: Qwelly, ბლოგი, განხილვა, მწერლები, რემარკი, ქველი

ლაშა: ოქტომბერი 11, 2016||1:23pm

ოხ ეს ქალები! დაელაგებინა ის ყვავილები, დაჭკნებოდა და ქარი წაიღებდა (( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

პატრიარქი საშობაო ეპისტოლე 2026

გამოაქვეყნა ლაშა_მ.
თარიღი: იანვარი 7, 2026.
საათი: 3:17am 0 კომენტარი

სრულიად საქართველოს კათოლიკოს-პატრიარქის, მცხეთა თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტ ილია II-ის

საშობაო ეპისტოლე

სრულიად საქართველოს კათოლიკოს-პატრიარქის, მცხეთა თბილისის მთავარეპისკოპოსის და ბიჭვინთისა და ცხუმ-აფხაზეთის მიტროპოლიტ ილია II-ის საშობაო ეპისტოლე 2026

      საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ:

      „ისმინე, ცაო, და ყურად-იღე, ქუეყანაო,

      რამეთუ აჰა ესერა, ძე…

გაგრძელება

The Legacy of Legend of YMIR

გამოაქვეყნა Karmasaylor_მ.
თარიღი: იანვარი 6, 2026.
საათი: 10:00am 0 კომენტარი

Legend of YMIR Diamonds represents a reinvention of the classic Legend of Mir franchise, merging Nordic mythological tones with the modern architectural power of Unreal Engine 5. It blends cosmic lore, MMO systems, faction-driven storytelling, and blockchain-enhanced progression into a cohesive universe shaped by divine tragedy and player ambition. To understand the game strategy and mechanics, players should first grasp the dramatic lore and structural pillars that define YMIR…

გაგრძელება

Proven Ways to Collect Uncut Soul Gems

გამოაქვეყნა Karmasaylor_მ.
თარიღი: დეკემბერი 29, 2025.
საათი: 11:00am 0 კომენტარი

In , building a powerful character hinges on more than just gear and skills—your Max Spirit is a crucial resource that fuels many of the game most potent abilities. To increase your Max Spirit, you'll need Uncut Soul Gems, rare and valuable items that unlock your true potential. Whether you're min-maxing a Spirit-heavy build or just looking to unlock stronger abilities, gathering these gems efficiently is a must.

This guide covers the best…

გაგრძელება

💜

გამოაქვეყნა nino bubulashvili_მ.
თარიღი: დეკემბერი 29, 2025.
საათი: 12:14am 0 კომენტარი

გამარჯობა💜ბოდიში შეწუხებისთვის,ამ ერთხელაც გთხოვთ გვერდში რომ დამიდგეთ💜მცირედით თუნდაც და იქნებ ამ ახალ წელს შემიმსუბუქდეს მდგომარეობა,ჩემი სამი შვილის გამო რომ ლამაზი ახალი წელი ქონდეთ.ნუ განმსჯით,ცუდ მდგომარეობაში რომ არ ვიყო,არ შეგაწუხებდით😔

18001060169

ეს არის პირადი ნომერი მეუღლის,უშანგი ჭუმბურიძე…

გაგრძელება

Qwelly World

free counters