დღიურის მთელი იდეა ხომ იმ მონიშვნების გაკეთებაა, რომელიც გონების გაფიქრებებს შეინახავს? ჰოდა, იყოს აქ. გზადაგზა მივამატებ ხოლმე, განვაახლებ...

შეიძლება საღლიცინოდ სამყოფიც არ არის, მაგრამ იქნებ მართლა არსებობს „გლობალური ომის პარტია?“ აი, როგორც დორნში (უკიდურეს სამხრეთში) არ ეჯერათ თეთრი მოსიარულეების არსებობა და საბოლოოდ, ხომ გამოჩნდნენ?

ეს ზამთარიც საეჭვოდ გაიწელა.

პრემიერიც, თავისი ვარცხნილობით, ძალიან ჰგავს ჯონ სნოუს და იქნებ თავი ასეც წარმოუდგენია? ვესტოროსელი (ჩრდილოელი) ჯონია და ქვეყანას იცავს საშინელი „გლობალური ომის პარტიისგან“. დახმარების სათხოვნელადაც აღმოსავლეთში დადის და აღმოსავლეთში აბამს ურთიერთბების ქსელს.

უბრალოდ, ერთ რამ არ ჯდება - ეს მოსიარულეები, უკიდურესი ჩრდილოეთიდან მოვიდნენ და ამას დასავლეთში რატომ ელანდება?