მნიშვნელოვანი დღეა ივლისის ოცდაექვსი, იმით რომ დღეს ახალი კონსტიტუციის კიდევ ერთი განხილვა იმართებოდა, ამჯერად პრეზიდენტის შენიშვნების ბაზისზე. კიდევ მოხდა რაღაც საინტერესო და ყველაფერ ამას ქვემოთ გაეცნობით.

საქართველოს და მსოფლიოს ამბები /26 ივლისი, 2017/

      ყველა კი არ ითვალისწინებს პრეზიდენტების რჩევებს - იურიდიულმა კომიტეტმა პრეზიდენტის მოტივირებულ შენიშვნებს მხარი არ დაუჭირა. გიორგი აბაშიშვილი - დამრჩა შთაბეჭდილება, შემთხვევით მარგველაშვილის ბიოგრაფია ხომ არ გავუგზავნეთ დეპუტატებს. ანა დოლიძე - პრეზიდენტის ადმინისტრაცია ცდილობს პარლამენტში ღრმა და ხარისხიანი დისკუსიის ელემენტების შეტანას, თუმცა საპასუხოდ კვლავ პიროვნულ შეფასებებს იღებს. ჯანი ბუკიკიო ოპოზიციას - კონსენსუსის მიღწევა უნდა მოხდეს საქართველოს პოლიტიკურ ძალებს შორის, კომისიის როლი არ არის დააწესოს კონკრეტული გადაწყვეტილება. ანა დოლიძე - პრეზიდენტის ყველა ვეტო გამიზნულია კონსტიტუციური წესრიგისა და დემოკრატიული წყობილების დასაცავად. არჩილ თალაკვაძე - პრეზიდენტის ვეტოებს დიდი ალბათობით დავძლევთ. თინა ბოკუჩავა - კარგი იქნებოდა უმრავლესობა წინმსწრებად არ იყოს განწყობილი პრეზიდენტისთვის ხელის გადაგრეხაზე. არჩილ თალაკვაძე - ჯანი ბუკიკიოს წერილში წერია ზუსტად ის, რაც საქართველოში ვიზიტისას ბრძანა, რეკომენდაციები ცნობილია როგორც ხელისუფლების, ასევე ოპოზიციისთვის. ეკა ბესელია - ნათელია, რომ კონსტიტუცია ამ ცვლილებებით ბევრად უკეთესია, ვიდრე არსებული მოდელი. თამარ ჩუგოშვილი - ჯანი ბუკიკიოზე იმაზე მეტი პასუხისმგებლობის დაკისრება, ვიდრე მას ეკისრება, არ არის სწორი. მამუკა მდინარაძე - ანა დოლიძე ძალიან კარგი იურისტია, რადგან მას შეუძლია პრეზიდენტის ამ შენიშვნებსაც კი მოტივირებული უწოდოს. „პატრიოტთა ალიანსი“ პრეზიდენტის მოტივირებულ შენიშვნებს იზიარებს. თინა ბოკუჩავა - ჯანი ბუკიკიოს წერილი განმარტავს, რომ ვენეციის კომისიას პოზიცია არ შეუცვლია და მისთვის მნიშვნელოვანია კონსენსუსი. დავით მათიკაშვილი - ჩვენ დავძლევთ ვეტოს არა იმიტომ რომ ეს შეგვიძლია, არამედ იმიტომ რომ ეს არის აუცილებელი. ზურაბ ჭიაბერაშვილი - ჯანი ბუკიკიოს წერილი კიდევ ერთი მოწოდებაა, რომ ხელისუფლება წავიდეს დათმობაზე და თავი დაანებოს სიჯიუტეს. თინა ბოკუჩავა - პრეზიდენტის მუდმივი ლანძღვა ძალიან არასერიოზული და არასახელმწიფოებრივი დამოკიდებულებაა. ირმა ინაშვილი - ”ქართული ოცნება“ საკონსტიტუციო ცვლილებებს თვითონ ისმენს, იწონებს, მხარს უჭერს და შემდეგ გეუბნება მოდი, ვილაპარაკოთ. ანა დოლიძე - პარლამენტის მიერ მიღებული კანონპროექტები ეწინააღმდეგება მოქალაქეთა ინტერესებს, თვითმმართველობა დამოუკიდებლად განახორციელონ. ირაკლი კობახიძე - პრეზიდენტის არგუმენტები რეალობასთან შეუსაბამოა და არანაირ სიღრმისეულ ანალიზს არ ეფუძნება. ირაკლი კობახიძე - კოლეგებო, აბსოლუტურად თავისუფალი და სუფთა სინდისით შეგვიძლია უარვყოთ პრეზიდენტის ვეტო.

      ის ფაქტი რომ „დე ფაქტო“ ეწოდებათ, არაფერი, მაგრამ პატრულირება სახიფათოაო - ცხინვალის დე ფაქტო ხელისუფლება საოკუპაციო ხაზთან დაწყებულ სამოქალაქო პატრულირებას სახიფათოს უწოდებს. სალომე სამადაშვილი - სტაბილურობის შენარჩუნება მნიშვნელოვანია, მაგრამ ასევე მნიშვნელოვანია ხელი შეუშალოთ რუსეთს, რომელიც სტაბილურად იმყარებს პოზიციებს ქვეყანაში. მეორე ოკუპირებულ ნაწილსაც აქ მოვაქცევ - ოკუპირებულმა აფხაზეთმა რუსეთთან ერთობლივი საინფორმაციო-კოორდინაციული ცენტრის შექმნის შეთანხმების რატიფიცირება მოახდინა.

      ახალი ტერმინი - #გალარება. კობა გვენეტაძე - სესხების გალარების პროგრამის შედეგები აბსოლუტურად კარგი იყო.

      სასჯელი გამოტანილია - ოთარ კახიძე 500 ლარით დაჯარიმდა და 1 თვით იარაღის ტარება აეკრძალა.

      მერობის კანდიდატებიდან - ალეკო ელისაშვილი - ”გამწვანება 2016”-მა თბილისის ზღვის მიმდებარედ, 1 ჰექტარი მიწა ისე მიისაკუთრა, რომ ბიუჯეტში ერთი თეთრი არ გადაუხდია. ალეკო ელისაშვილის შტაბი მერიას და ხელისუფლებას - სრულიად უაზრო მშენებლობებს ადამიანების სიცოცხლე ეწირება - დროა გონს მოეგოთ და აიღოთ პასუხისმგებლობა.

      აიწონა-დაიწონა ქვეყანა ვყოფილვართ - NDI-ის კვლევის თანახმად, თანაბარია იმ მოქალაქეების რაოდენობა, ვინც თვლის, რომ საქართველო სწორი და არასწორი მიმართულებით ვითარდება. NDI - გამოკითხულთა 35% მთავრობის საქმიანობას უარყოფითად აფასებს, 10% - დადებითად. NDI-ის კვლევის თანახმად, გამოკითხულთა უმრავლესობისთვის მისაღებია მთავრობის გაცხადებული მიზანი, საქართველო გახდეს ევროკავშირისა და ნატო-ს წევრი. NDI - გამოკითხულთა 57% მიიჩნევს, რომ ნებისმიერი ნარკოტიკული საშუალების პირადი მოხმარების გამო ადამიანმა ციხის სასჯელი არ უნდა მოიხადოს. NDI-ის კვლევის მიხედვით, გამოკითხულთა 59%-ისთვის მიუღებელია ცვლილება, რომლის მიხედვით ქალაქის და თემის მუნიციპალიტეტები გაერთიანდება. გამოკითხულთა 89% საკონსტიტუციო ცვლილებებთან დაკავშირებულ შეხვედრებს არ დასწრებია. გამოკითხულთა უმრავლესობა აცხადებს, რომ საკონსტიტუციო ცვლილებების პროცესის შესახებ არ იცოდა. NDI-ის კვლევის თანახმად, გამოკითხულთა 23% ეთანხმება მოსაზრებას, რომ საქართველო უნდა გაწევრიანდეს ევრაზიულ კავშირში. NDI-ის კვლევის თანახმად, გამოკითხულთა 49% ეთანხმება მოსაზრებას, რომ ევროკავშირთან უვიზო მიმოსვლა სარგებელს მოუტანს, 42% - არ ეთანხმება. ელენე ხოშტარია - NDI-ის კვლევაში სიახლე არაფერი არ არის - ადამიანები უკმაყოფილოები არიან მთავრობით. ეკა ბესელია - ნებისმიერი კვლევა, ერთი ადამიანის მოსაზრებაც კი ჩვენთვის არის საყურადღებო.

      აუდიტის უფროს მიდის - ლაშა თორდია - ჩემს შემცვლელად ვისურვებდი ნინო ლომჯარიას. ლაშა თორდია უახლოეს პერიოდში პოლიტიკურ აქტიურობას გამორიცხავს.

      აჭარას ბინდბუნდში ცხოვრება მოუნდა - შსს-მ აჭარაში განსაკუთრებით დიდი ოდენობით ნარკოტიკი ამოიღო.

      ერთმორწმუნე - პატრიარქი კირილი ცხინვალის დე ფაქტო პრეზიდენტს შეხვდა. ბიბილოვს ე.წ არჩევნებში გამარჯვება მიულოცა და იმედი გამოთქვა, რომ მისი „შრომა ხელს შეუწყობს საზოგადოების კონსოლიდაციას“. შეხვედრისას მხარეებმა ე.წ სამხრეთ ოსეთის რელიგიურ მდგომარეობაზე ისაუბრეს. „სულიერ ცხოვრებაზე დამოკიდებულია ზნეობაც, კანონმორჩილებაც და სხვა დანარჩენი. ამიტომ ადამიანთა სულიერ ცხოვრებას, წმინდა სულიერის გარდა, სოციალური და პოლიტიკური მნიშვნელობაც გააჩნია“, - განაცხადა პატრიარქმა კირილმა.

      გაუფრთხილებლობის კიდევ ერთი მსხვერპლი - დიდუბეში სახლის დემონტაჟის დროს ერთი ადამიანი დაიღუპა და რამდენიმე დაშავდა. გამოძიება დაწყებულია. დიდუბის გამგებელი - კომპანიას, რომელიც საცხოვრებელი სახლის დემონტაჟს ახდენდა, უსაფრთხოების ნორმებთან დაკავშირებით გაფრთხილება რამდენჯერმე ჰქონდა მიღებული. სოხუმის ქუჩის მცხოვრების ინფორმაციით, სახლის დემონტაჟი ერთი თვის წინ დაიწყო და მოსახლეობა კომპანია ”როიალ გრუპმა” ქირით გაიყვანა.

      სეკულარიზმის თემაზე უკვე სახარებიდან ინსპირირებული ციტატები ისმის - ირაკლი კობახიძე - სეკულარიზმის შესახებ პრემიერმა ძალიან მკაფიო განცხადება გააკეთა - გამგები გაიგებს, ვისაც არ უნდა გაგება - ვერ გაიგებს.

საზღვარგარეთულები:

      საერთაშრისო სანქციებითაც არ იღლებიან - აშშ-ის წარმომადგენელთა პალატამ რუსეთის, ირანისა და ჩრდილოეთ კორეის წინააღმდეგ ახალი სანქციების დაწესებას მხარი დაუჭირა. მაგრამ ამ სანქციებს, ამჯერად შინაურული ელფერიც გაკრავს - სოფო ქაცარავა - ეს პირველი შემთხვევაა, როდესაც რუსეთისთვის დაწესებული სანქციების კონტექსტში ნახსენებია საქართველოს ოკუპირებული ტერიტორიები. ისევ ამერიკიდან - აშშ-ს სახელმწიფო დეპარტამენტის პრესსამსახურის ხელმძღვანელი - რექს ტილერსონი თანამდებობიდან წასვლას არ აპირებს. აშშ-ს სახელმწიფო დეპარტამენტის პრესსამსახურის ხელმძღვანელი - რექს ტილერსონი რუსეთთან მიმართებაში სანქციების საკითხზე მტკიცე პოზიციას იკავებს.

      იწვის საფრანგეთი - ხანძრის გამო, 10 ათასამდე ადამიანია ევაკუირებული.

      არამოქალაქე გუბერნატორი - იგორ მოსიიჩუკი - უკრაინის პრეზიდენტმა მიხეილ სააკაშვილს უკრაინის მოქალაქეობა ჩამოართვა.